星廚

听闻过星厨有蛇宴，有好有坏，今日凑够一围去试吓，围席安排在教室内，我围在炉台旁边，可以见到师傅煮野。我系6:30围席。坐低时已经有煲 羊腩煲在，其他陆续上菜。羊腩煲，料算足料，除羊味差啲外，味道正常，羊腩腍，整煲黎讲可以嘅。瑶柱扒西兰花瑶柱就唔系好觉眼，冬菇就好足料，味道一般。百花蛇丸 ，明白来货嘅价钱，但蛇肉比例直头感觉唔到，我情愿你计人头两粒，好过炸一堆人头三至四粒嘅虾丸，味道比普通虾枣淡咗少许。重头戏蛇羹，都系𠮶句明白明白来货嘅价钱，蛇肉比例真系偏少，味道，嗯我当小食嘅碗仔翅食啰，个观感会贴啲，嗱我都食咗几小碗(拎黎顶肚，睇后啲会明)个炖三蛇汤，汤色清澈，连汤味都清，撩咗件乌鸡嚟食，嗯明白点解无味 。贵妃鸡，食咗两件直接略过⋯⋯蛇汤浸娃娃菜，个汤都咁清淡所以个菜都好清淡，唔系好岩我。蟠龙鳝，上台后发现有唔熟(不是紧熟)，同职员讲，佢哋即回柜蒸，再上台岩有边紧熟，有边就够晒熟，够味嘅，唔知系咪回炉黎，我食果件有啲老，整体尚可。炒糯米饭，依家都唔会期望会有生炒，但愿你唔好太差，你蒸完再炒我都接受，但系我见佢嘅程序，米落大镬水煮阵，隔水再炒⋯⋯，一上台热辣辣我拎咗一羹食，饭干身有腊味油香，花生都香，但糯米无晒味，已经死得，后尾食多几碗蛇羹仔顶肚。唔知系咪由细到大比人带去 蛇斋饼糭嘅地方食得多，依5-6年都冇食过蛇宴，系去蛇舖食多，依家啲蛇宴质素系咪都咁上下？总括来讲，今次真系我唔识欣赏同唔岩我胃口。戴返头盔先，我觉得好唔好食≠你觉得好唔好食，好唔好食因人而异。…查看更多

今次同家人去咗庙街嘅星厨做冬，一行十人，真系嚟到饱餐一顿😋。首先试咗瑶柱扒西兰花🥦，西兰花爽脆，瑶柱鲜甜，一开始就令人食指大动。接著嚟个百花炸蛇丸🐍，外脆内嫩，蛇肉香味浓郁，每口都充满惊喜。菊花五蛇羹🍲（共两窝半）真系唔容错过，汤底浓郁，蛇肉嫩滑，配上菊花香气，绝对系冬日暖胃嘅佳品。贵妃鸡原只🐔嫩滑多汁，每啖都系鲜味。羊腩煲🐑系招牌菜之一，羊肉煮得香嫩入味，啲汤底更系令人回味无穷。响螺淮山乌鸡炖三蛇汤🍲汤底滋补，材料丰富，每啖都系养生滋味。蛇汤浸娃娃菜🥬清甜爽口，蛇肉汤底嘅香味同娃娃菜完美结合，简直系舌尖嘅享受。原条陈皮蒸盘龙鳝🐟，鳝鱼肉质鲜嫩，加上陈皮嘅香气，真系一试难忘。腊味糯米饭🍚每粒糯米饭都吸收晒腊味香气，口感软糯，非常惹味。最后嚟个香芋西米露🍠，甜而不腻，香芋味浓郁，西米滑溜，为呢餐画上完美句号。呢餐一共$3450，十位人食，份量非常足够，用料新鲜，绝不马虎，啲食物真系食唔晒，大家都好满意。星厨📍庙街2-8号昆镜大厦2楼…查看更多

【星厨】今年推出十人用蛇宴！咁就轻轻松松十位朋友已成局👍无得拣，祇有可乐双冬生碧羊腩煲个人觉得羊腩唔够火喉冬笋太少！瑶柱扒西兰花菊花五蛇(共两窝半)石榴炸蛇丸密实贵妃鸡(原只)乌鸡炖三蛇👍蛇汤浸娃娃菜无牙都食到😅陈皮蒸蟠龙鳝够新鲜、弹牙👍腊味糯米饭一般！香芋西米露水太多，西米又少。不要寄望太多！…查看更多

上到去餐厅坐满一围又一围枱的食客，我哋坐的位置可以望到大厨系开放式厨房度抛镬 — 超级大只镬呀😮*:.｡..｡.:*･蛇宴･*:.｡. .｡.:*🐑 双冬生碧羊腩煲．大大煲，好足料，羊腩够腍，枝竹入味．仲有新鲜生菜可以加入去渌熟𠻹🥦 瑶柱扒西兰花．每人得几棵仔，感觉份量少一啲🐍🍲 菊花五蛇羹 (共两窝半!)．多鸡丝、多粉丝、连蛇肉也切得很丝，唔系好食得出来，不过几好味，本人食咗2碗😋🐍🍢 石榴炸蛇丸．炸得像石榴，干身不油腻，口感爽弹，我觉得味道有啲似虾丸😂🐓 原只密实贵妃鸡．卤得入味，鸡肉嫩滑多汁，没太多皮下肥🐓🐍🍲 响螺、淮山、杞子、乌鸡炖三蛇．清晰嘅炖汤，味道非常之浓厚，很好饮，一碗唔够，要饮2碗起😋🥬 蛇汤浸娃娃菜．娃娃菜入味又甜美，我食咗很多条菜呀！🐟 原条陈皮蒸蟠龙鳝．蟠龙鳝因为太肥厚肉，初时上枱嘅肉似乎未熟，有啲咬唔到，店员再送回去蒸多一阵就ok啦，入味嘅，很多豆豉和葱👍🏼🍖🍚 腊味糯米饭．粒粒饭都软糯口感，入味，又多腊肉腊肠粒，炒得几好味🍯 香芋西米露．西米不太多，但暖暖的，满椰香，香芋粒粉口，味道不太甜，就吸引到我食咗2碗😋埋单都系 HK$3,280 (10位用)，另收加一服务费，都几抵食㖞。…查看更多

旧老板真系好好食吾到金X, 订左第2间食蛇晏一桌8人座位都几阔双冬生碧羊腩煲食完身体已经暖起黎瑶柱扒西兰花菊花蛇羹 - 共两锅食完呢碗成身都热晒仲开始出汗石榴炸虾丸响螺、淮山、杞子乌鸡炖三蛇保身到不得了密实贵妃鸡鸡肉滑溜溜陈皮蒸盘龙鳝吾系好食得出有陈皮蛇汤浸娃娃菜食左甘多样食番样清清地腊味糯米饭糯米饭相比之前的每样相比分量比较少左d香芋西米露本人觉得甜左少少可乐系兔兔贺年版…查看更多