星味坊 (泰豐街) (已結業)

每朝早餐最紧要系醒神～一日之计在于晨🌝梗系食个靓靓早餐醒醒💫元朗人嘅我一直想推呢间 #croissant 真系好鬼正🤤全日早餐//.. 中量级（沙律菜、蕃茄、牛角包、炒蛋、肉肠）中量级早晨黎讲已经系给我极限❗️仲有个重量级真系2个人先能够造低佢🥐真系好好味好松脆👍🏻👍🏻肉肠有3条、炒蛋有牛奶味好滑整体黎讲💁🏻‍♀️以呢个份量同价钱真系平民价性价比都算高嘅元朗小店不过...不过～环境普普通通...服务普普通通...(以上食评 只属个人意见)…查看更多

呢间餐厅去过三几次，第一次去已经觉得啲人态度唔好，但都觉得唔紧要，都系食佢既野，加上系屋企附近就脚所以先比多次机会佢再去多次点知第二次去时，食到咁上下，有只曱甴喺枱上面𨅬，即刻叫人清理左佢啦，唔好意思都无讲一声，好似习以为常咁！WTF🤬今日同老公放假，唔知去边食好，最后都系拣左呢间，我老公叫左杯榛子咖啡，我就叫左杯Mocha，佢饮完就话好淡唔够甜，我谂住都试下佢个杯，一饮，直头系无味，似系翻冲既一样（之前有饮过绝对唔系咁）同个男侍应讲，佢就同另一个女侍应讲，谂住冲过一杯就算，点知佢冲左杯Mocha比我，讲番佢知系杯榛子咖啡出现问题，唔系Mocha，咁佢就再整过，系整紧既过程，个男侍应同个女仔讲’依家啲客口味真系有问题’😡😡无野嘛！佢哋质量有问题就变左系我哋口味问题？最后杯榛子咖啡都冲左出嚟，4杯野就放晒系枱面，完全无谂过收走佢🤷‍♀️，而最后嚟果杯仲差过第一杯冲既，结果我哋系4杯野放晒系度就走左，呢间野以后都唔会再去！好差！…查看更多

第一次去 见网上啲食物相好靓谂住试一试 但职员态度同要环境真系唔得 一入餐厅 系无人会理你要你问番佢 系咪要scan健康码呀佢先拎部电话黎scan座位望住个马桶真系第一次见仲要本身度门开住 真系望住个马桶食ADB入左黎无人会提你原来要出counter落单比钱点解啲职员咁架野食方面ADB $118 中量级就$58 Sparkling Americano $40食物真系唔错嘅 炒蛋热辣辣沙律菜好多猪手 烟三文鱼 都唔错 不过一间舖头 野食固然重要 但环境 职员态度都可以加减好多分 希望负责人注意下…查看更多

与朋友去食all day breakfast, 朋友落单时不利落，不懂用咖啡的专用名词，佢单单打打，更加居然不屑的话我朋友将茶餐厅的文化带来佢间咖啡室。如果你咁高级点解开系横街窄巷？…查看更多

柸咖啡都ok ，入面冷气又够，要赞既系环境舒服。要弹系态度，漏左单其实好少事，至少都讲句唔好意思 ,基本待客之道都没有帮衬左两次都有同感，店员寸寸地（唔系全部，只系落单𠮶位，第一次帮衬系位哥仔，第二次帮衬系位姐仔）有种不可一世纡尊降贵冲咖啡比你班元朗街坊饮嘅态度，咁应该喺中环尖沙咀开丫嘛…查看更多