星之戀

秋风起，又到吃大闸蟹的时候了，虽然现在只是刚刚开始，很多餐厅都已经推出了大闸蟹放题了。就像今天吃的这间在荃湾海之恋商场的星之恋也推出了放题，现在吃还有送鲍鱼和烩辽参呢。而且餐厅比较特别，有比较少有的窗边位，更有露天的地方，还可以看到夜景呢，不过今天就下雨坐不了，有点遗憾了，天气凉凉的在露天吃饭真不错呢。２小时任食放题（４９８元）这个放题主角一定是大闸蟹，尺寸约三两左右，有大有小的，都是公蟹。虽然个头不是很大，蟹膏什么不会太多，但这是放题呢，多吃几个就好了。而且上菜速度挺快，也可以多下单几只！蟹黄鲜甜，蟹膏软糯甘香，蟹肉滑嫩。而且更提供了三种口味，分别是清蒜，花雕煎和盐油焗，各有特色，原味最鲜，但花雕会有酒香，盐油焗就最惹味。送的鲍鱼口感爽滑，烩辽参的海鲜味很浓。其他还有片皮鸭，想不到是一整只即场片给你的，皮非常脆，肥而不腻的。糯米饭也有惊喜，材料很多，口感软糯，味道香浓，腊味很香。甜品也有６款可选，吃起来都挺新鲜的，都是现炸现蒸的，个人挺喜欢鲜奶卷和苹果包。…查看更多

秋天最期待嘅莫过于大闸蟹季，而今次星之恋推出嘅🦀大闸蟹放题，两小时任食、仲送一只八头鲍鱼，$498一位，CP值相当唔错。酒楼环境宽敞，最特别嘅系有超大露台，户外座位可以欣赏日落同无敌海景添 。天气凉凉地，微风轻吹，舒服写意，别有一番风味。先嚟个藜麦辽参小米羹暖暖胃 。三款蟹食法包括 清蒸、花雕蒸、盐油焗，试晒之后觉得最惊喜系盐油焗：蟹壳金黄，蟹膏多，带微微咸香又有鲜甜蟹味。膏香浓郁、口感绵滑，加上盐油提香，特别惹味👍🏻。小菜方面，北京片皮鸭绝对系亮点之一。鸭皮烤得香脆，仲见住店员即席片皮。脆皮入口即化，搭配甜面酱、青瓜、京葱同么么皮，咸香中带甜味，层次感十足。鸭肉嫩滑油脂丰富，唔会过干，食完几件都唔觉腻。糯米饭 亦系意外惊喜，粒粒分明，口感烟韧，渗出微微油香，加上腊味香气。食完蟹再来一碗，有种暖胃又满足嘅踏实感，秋冬必食之选。甜品方面，姜茶汤丸 特别值得一赞，姜味浓郁但唔呛喉，热辣辣入口即暖，食完蟹嚟一碗，驱寒又舒心。苹果包造型精致，里面嘅苹果饀甜而不腻，完美收尾。整体气氛悠闲，服务员补蟹执枱手脚快，加上价钱合理，两小时任食完全唔赶。趁大闸蟹季真系要食多几次呀😜！餐厅仲有提供小菜同即叫即做手工点心，价钱合理，下次要试吓先～～…查看更多

今日我同屋企人去咗荃湾西食大闸蟹放题，呢间餐厅位置好方便，搭地铁出荃湾西站，行2分钟就到。大闸蟹任食，真系食到饱！每只蟹都系现蒸出嚟，味道非常鲜美，金黄色蟹膏好吸引，入口即溶！大闸蟹有三只口味清蒸、花雕、盐油焗，真系各有特色，仲有任食片皮鸭、糯米饭，至于甜品方面，姜汁千层糕、黑糖糍粑、姜汁汤圆、椰汁桂花糕同埋大良鲜奶卷，每款都好好味，特别系姜汁千层糕，口感滑溜，真系令人回味无穷。每位仲有蚝皇烩八头鲍鱼加小米烩辽参，真系性价比好高！鲍鱼香浓弹牙，好正！店内环境好舒服，餐厅设有室内同户外座位，户外座位尤其好，可以一边享受美食，一边欣赏日落同海景，气氛休闲写意，真系聚餐嘅好地方～餐厅仲有中式私房菜，价钱唔贵又亲民，手工点心仲系即叫即做，我已经book定位，下星期再嚟食嘢！…查看更多

早几日先食完大闸蟹 今日见到有大闸蟹放题就同朋友即刻嚟食$498/位 两个小时大闸蟹放题 系时候大开杀戒😂😂呢度大闸蟹有三个煮法 清蒸 花雕 盐焗全部都系即叫即整 等嘅过程中可以食住其他嘢先本身每人会有一只8头鲍鱼 一碗辽参羹仲有片皮鸭！一只份量都几多啱晒两个人食！最紧要系佢够热辣辣 皮非常之脆！仲有糯米饭！ 以往食大闸蟹净系食过清蒸呢个煮法 原来盐焗都几好食！今次嘅大闸蟹都有手掌心咁大！全部都系公！大部份大闸蟹嘅蟹膏都几香！仲有几款甜品食 不过实在太饱啦！最后我哋每人叫咗两碗姜茶汤圆！入面仲有芋圆！一嚟可以驱寒 同时间又系甜品！汤圆系花生馅 几好食！原来呢度仲有户外地方可以望到荃湾海滨！都几啱一齐嚟影相！另外呢度晚市其实都几多人！菜式都几大碟 价钱好合理！…查看更多

荃湾「星之恋」酒家位于海之恋商场3楼，环境几舒服，有中式私房菜同手工点心即叫即做，仲可以望到青马大桥嘅景色，几啱同朋友一齐慢慢食吹下水。佢哋主打嘅「大闸蟹放题」（每位$498左右）真心抵食！有齐三款煮法：清蒸、花雕蒸同盐油焗，即点即煮，保证热辣辣。大闸蟹大约3.5两重，虽然唔算超级大只，但每只都爆膏，蟹黄口感滑溜浓郁，尤其花雕蒸版本够晒香，唔会盖过蟹嘅鲜味。放题仲包括任食北京片皮鸭（皮薄肉嫩）、生炒糯米饭同多款甜品，例如大良鲜奶卷同姜汁红枣千层糕都几出色。每位客人会送蚝皇8头鲍鱼同小米烩辽参各一客，摆盘精致，份量足料。整体来说，呢个价钱有即蒸大闸蟹兼多款高质菜式，性价比高，值得一试！…查看更多