明記甜品 (吳松街)

第一次去吃这间糖水店，原本不知叫什么糖水吃，所以叫了几款糖水试试，芝麻糊十分好味，麦米粥十分足料糖不甩也十分好味，之后再买了几款回家给家人尝试，家人都十分喜欢。…查看更多

好多年前食过呢度嘅黑白（即系芝麻糊沟豆腐花）觉得好食，所以嚟亲佐敦都特登食两碗，应该大约有两三年冇嚟过呢度食，咁啱今日要去佐敦买嘢，就走过来食返碗冻黑白，通常都系坐喺街，啲姨姨会帮我哋开张枱，好友庙街风味。一碗冻黑白$26，算唔算贵？肯定唔算平。等咗我2分钟都冇，我碗糖水就放在我面前，当我食第一啖嘅时候，发觉豆腐花嘅部份就冇乜点变，但系芝麻糊就变咗，以前呢度嘅芝麻糊可能佢磨得唔系咁好，就会约食到一粒半粒嘅形状嘅芝麻，今次一食落口就肯定系粉，但系唔够香，而且仲要好甜添，肯定比我以前甜，所以有少少失望。…查看更多

朋友知我钟意食糖水，所以同我食完晚饭之后就带我去食，虽然佢都未试过呢间，但系佢话听过喺佐敦附近最好食嘅中式糖水店。我哋两个叫咗个番薯糖水，同埋姜水汤圆丸。两个甜品我都觉得好冇诚意，番薯糖水啲糖水系冇番薯味，唔知佢究竟煲咗几耐，番薯亦都唔靓，糖水有少少甜完全冇番薯加甜呢个层次。姜水汤丸嘅姜水系冇乜姜味嘅，好听D就叫清，唔好听嘅就叫根本冇料到，好彩个汤丸都仲叫有少少味道。难为呢间咁嘅甜品店都仲有咁多人食，直情坐到出门口，系咪香港好嘅甜品舖真系咁难揾？…查看更多

因为双拼甜品冇一个选择系麦米粥拼西米露，我呢个腌臜(奄尖)嘅港女唔想成日食冻野但天气又热，就哎左一个热花生麦米粥同一个冻香芋西米露自己捞😏可能听落有啲饱，但相信唔少女仔同我一样都系甜品可以当饭食😜😜两样都想食嘛☺️两个甜品分开食都好好食，好足料！芋头粉！ 花生麦米粥($22)香芋西米露($22)冻南北杏木瓜雪耳糖水($25) 木瓜香甜，滋润养颜😌古法糖不甩($18) 系有姜糖水面嫁!! 色泽亮丽💗💗全部都系地道中式糖水嘅味道，唔会净系得个甜字，食得出份用心👍🏻👍🏻👍🏻 物有所值！ 老板好nice😇…查看更多

最近好想食糖不甩，系尖沙咀揾左几间都冇😭已经行到去美丽华唔争在行埋去佐敦，去到佐敦后见到有间糖水舖menu上有但竟然卖晒，然后再行到去明记甜品，终于有糖不甩食喇😋❤️🔻糖不甩评分：6.5/10价钱：$18味道属中规中矩，如果可以烟韧d同多少少花生糖醉就好，不过以呢个价钱黎讲性价比真系好高🔻腐竹蛋银杏评分：$6.5/10价钱：$25属正常水准，都系个句～够晒抵食😋👉🏻估唔到糖不甩咁难揾😭如果大家有好食嘅糖不甩店推荐记得留言话我知呀～谢谢❤️📍明记甜品 (佐敦)佐敦吴松街98C地下…查看更多