明珠海景

中秋節，我們一家人決定前往明珠海景酒樓用晚餐。考慮到地理位置便利，鄰近地鐵站，方便帶著老人家和小朋友。我們共16人，分成兩圍，每圍八位。兩圍的座位靠近玻璃窗，可以欣賞到海景，環境寬敞，窗外還有平台讓小朋友可以跑跳賞月，真的很不錯。食物選擇在點菜時，我們發現有12人套餐，但菜式普通，沒有什麼特別之處。於是我們決定獨立點菜。點了整隻明珠孖寶片皮鴨和一條清蒸沙巴龍躉仔，價格大約$6xx，味道不錯。考慮到小朋友較多，我們還特別點了菜單上沒有的蕃茄炒蛋，收費$168。最後，我們共叫了十四款小菜，總共收費約$3600，平均每人$225（包括幾位五歲小朋友和年過80的老人家）。以下是我們點的所有菜式： - 片皮鴨全隻 - 清蒸沙巴龍躉仔一條 - 黃金脆皮雞一隻 - 菠蘿咕嚕肉 - 魚香茄子煲 - 啫啫通菜煲 - 粉絲蝦米節瓜煲 - 雲耳百合炒帶子 - 八味豆腐 - 豉油王炒麵 - 日本南瓜炒黑毛豬 - 蛋白櫻花蝦炒飯 - 蕃茄炒蛋 服務質素在點菜過程中，由於我們的點單較多，我希望能對著電話落單，便請經理過來。沒想到他卻表示不可以，這讓我感到困惑。他堅持要我一一讀出菜名。考慮到中秋節的氣氛，我不想爭辯，只能遵從。接著，他又問是否兩台都要上同樣的菜式，讓我感到更加費解，怎麼可能需要26碟餸？他解釋說每台的菜式必須分開上及分開叫。如同一般香港酒樓，最終還是會漏單，經理以“材料已經用完”來敷衍了事。其實，除了那位經理的服務問題外，其他服務員的表現都不錯，食物質素和環境也令人滿意。這家酒樓本來是一個不錯的選擇，但一位不稱職的經理卻影響了整體體驗。…查看更多

想拣个适合一家大细食饭嘅套餐，呢间餐厅嘅六周年璀璨套餐可以留意下，性价比几唔错。人均两百几蚊，菜式算几丰富，有鲍鱼、乳猪同靓鸡呢几款经典餸菜。鲍鱼煮得够入味，咬落有口感；乳猪皮够脆，肉唔会太肥腻，几香口；靓鸡嘅肉质都算滑，配埋酱汁食几好味。除咗呢啲主菜，仲有几款小菜同例汤，食起身唔会单调，分量都够，一家三四口食基本够晒，唔使担心唔够食。餐厅环境都几好，坐喺度可以睇到海景，视野开阔，光线亦都充足，坐住食饭几舒服，唔会觉得逼仄，一家大细倾下计食饭都几惬意。整体来讲，两百几蚊人均食到呢啲餸，仲有海景同埋稳定嘅服务，算系几抵食，想带屋企人出嚟食餐安稳饭，呢个套餐值得考虑下。…查看更多

周日過嚟北角行街，沿途諗住搵間茶樓食點心歎早茶，之前有朋友推介呢間「明珠海景」俾我，就直接過嚟試下。未諗到周日人氣超旺，差啲就冇位，好彩等咗一陣就有得坐。坐低先發現，佢哋嘅露台真係靚到唔捨得走！望出去可以睇到開揚景色，空氣又清新，坐喺度成個人都放鬆晒，心情即刻靚晒。至於餐食方面，今日叫咗一份明珠二小弄套餐。套餐內容豐富，有大蝦、鮑魚、蠔，仲有叉燒、時蔬、飯、湯同甜品，兩個人食份量啱好。食材新鮮，味道都幾正宗，唔會太鹹太油。平時呢個價錢大概只夠點三四款點心，依家有咁多款餸，算幾抵。仲要提下服務，侍應態度幾好，落單之後上菜速度都好快，唔使等成日。有靚景、有好食、服務又到位，今次真係揀對地方，下次行街一定再嚟試其他套餐…查看更多

上星期同朋友過嚟飲茶，北角呢邊環境好、出品唔錯嘅茶樓好少，呢間都算係幾好嘅。嗰日可能因為陰雨天，人唔算多，座位可以自己揀，今次終於揀到個靠窗嘅位置。就算係陰天，窗台嘅海景都仲好有氛圍感，靜靜咁望住天氣變化，心情都平靜返。間鋪都唔難搵，北角站 A 出口，北角匯一期五樓就係。簡簡單單叫咗幾款招牌點心，造型似金魚嘅蝦餃真係好可愛，個湯都好好飲！黑金流沙包，餡料好足，一咬落去流沙就流出嚟，又香又甜。天鵝酥同樣造型精緻，擺係碟度靚到唔捨得食，酥皮好鬆化，內餡味道都好正。…查看更多

值得試試！環境超正！香港想搵正宗粵式點心，呢間「明珠海景」真係值得試試！環境超正，坐喺度望住海景同碼頭，成個氛圍好寫意。服務都好周到，侍應好快就過嚟斟茶，見到碟快滿都會主動換，態度親切。專門揀咗幾款喺廣州食唔到嘅點心，好似呢個蝦多士，做得好出色，麵包炸到金黃酥脆，鋪滿嘅鮮蝦大隻又彈牙，蘸埋醬汁，口感酥香到爆。流心皮蛋肉鬆豆腐都好有驚喜，豆腐滑溜清涼，皮蛋同肉鬆搭配，鹹香惹味，夏天食好解膩。仲有菠蘿包，酥皮鬆化脆口，包身軟綿綿，咬落去仲有陣牛油香，超正～…查看更多

北角呢間明珠海景，真系好適合一家大細或者約埋朋友去飲茶。坐低就可以睇到維港海景，成個環境好開揚，望住海景食點心，心情都特別好。佢哋嘅點心好有水準，蝦餃晶瑩剔透，咬開裏面系大大只鮮蝦，好新鮮彈牙。燒賣上面仲有黑松露，增添咗香味，肉質都好緊實。仲有其他幾款點心，賣相精緻，味道都唔錯。人均兩百幾蚊，食到咁多靚點心，仲有咁正嘅海景，性價比算幾高啦。服務方面都唔錯，服務員好快就會幫你斟茶、換碟。想喺北角揾間可以睇海景又食到好點心嘅餐廳，呢度值得一試。…查看更多

家婆生日揀咗呢間高級粵菜餐廳，啱啱見到有呢個六周年套餐，六個人食啱啱好，人均兩百出都好抵。套餐入面有鮑魚、乳豬、生翅、龍蝦球等等靚餸，亦有主食、糕點、青菜，都係宴會標準嘅菜式，非常豐富，亦照顧到小朋友同老人家嘅胃口。擺出來影相都好有食慾！味道亦唔差！服務非常值得讚！最緊要係餐廳環境好好，有海景露台視野開闊，裝修亦比較新淨大氣，位置亦唔難找，一家人都食得好開心好滿意。食完響樓下吹海風散步好舒服，難得一家人嘅放鬆時刻！…查看更多

一家大細特意揾咗间海景高級粤式酒楼饮早茶。一入到大厅，果然係座无虚席，好在老闆话仲有个厅可以安排，行过去先发现原来个小厅也带个大露台，真係执到宝！一坐低就被外面嘅景色吸引住，无敌海景尽收眼底，舒服到不想起身，仲可以清清楚楚望到新建嘅启德体育馆，景观真係冇得顶。点咗几款点心，卖相都好精致，睇住就好有食欲。个虾多士同杨枝甘露一上台，细路仔就抢住食，食到停唔到口。要特别推荐呢个皮蛋豆腐肉松，入口即化，仲带住少少冰涼，夏天食真係超开胃。至於菠萝包同牛肉肠呢啲经典款，水准都好高，完全符合高級酒楼嘅标准，今次真係冇来错！…查看更多

平日同同事過嚟聚餐，鋪頭喺北角匯上面，離地鐵口行幾步就到，夏天唔使行太遠，真係幾舒服。環境好好，全景落地窗又光又闊落，好多阿公阿婆都喺度飲茶，果然係本地人嚴選點咗一大枱餸，一上枱同事們就夾晒啦。老闆推薦嘅幾款餸都冇踩雷，精緻又好睇，味道仲好正。呢個竹笙金魚餃賣相最得意，個湯味道好濃郁，竹笙吸晒啲湯汁，一口落去真係好滿足。虎皮釀尖椒都好香啊！服務都幾好，上餸快，加茶又快。價錢仲好平，同同事一致話要列為以後嘅飯堂添…查看更多

尋日嚟北角探friend，跟住佢搵到間叫「明珠海景」嘅粵菜酒樓，一入到去，嘩～裝潢好豪華，金色為主，好有氣派，仲可以望到好靚嘅海景，景觀好開闊，食飯都開心啲～今次啲餸真系好正啊，點佐個明珠二小弄套餐，仲單點咗幾個點心，講真，套餐入面嘅餸都好有料到，連收尾嘅楊枝甘露都好出色，成個套餐好豐富。重點講下呢几个餸：豉油皇大虎蝦：只虎蝦好大好新鮮，肉質彈牙，豉油皇調味好香，食落勁惹味，口感超豐富。陳皮蒸四頭鮑魚：鮑魚厚肉，陳皮味好香，微甘嘅味道提升咗鮑魚嘅鮮味，食出傳統粵菜嘅精髓啊。蒜香黃金生蠔：生蠔肥美，蒜香味好濃郁，又唔會蓋過生蠔本身嘅鮮，正啊。呢個套餐兩百幾就可以食到咁多靚餸，仲有咁正嘅環境同海景，真系好抵啊！服務員態度又好，下次嚟北角一定再撐呢間，試晒其他套餐先得～…查看更多

作為一名食評家，我對這間店的體驗感到相當失望。環境中彌漫著刺鼻的臭味，讓人一進門就感到不適。經理的態度冷漠，似乎對客人毫不在意，整體服務質素有待提升。菜品評價1. 龍蝦湯鮮竹卷 這道菜的湯底用龍蝦粉調製，味道單薄且過於依賴鹽，缺乏真正的海鮮鮮味，讓人難以享受。2. 棉花雞 令人驚訝的是，這道菜竟然帶有酸味，完全破壞了本應柔軟滑嫩的口感，讓人失望。3. 腸粉 此菜的腸粉皮厚且多，肉餡幾乎無味，完全靠豉油來提味，缺乏應有的風味層次。4. 火鴨絲炆米 火鴨絲的味道淡薄，湯汁卻又過鹹，無法讓人享受到應有的滋味，令人不禁搖頭。總的來說，這間店的食物質量與服務水準都令人失望。若想尋找美味佳餚，建議大家尋找其他更值得信賴的選擇。希望未來能有所改善。…查看更多

咁耐以來第一次食完飯令我忍唔住寫一個食評。今日和家人一齊去食晚飯，坐低已經冇人serve，然後我哋叫咗一個普通四人餐，包括前菜兩個餸一條魚同埋半隻雞。叫完之後先發現原來又做緊一啲限時推廣，冇人介紹都算。每次加滾水或者想叫個白飯都要三催四請先會有人過嚟，最令人氣憤嘅係谷住導氣差唔多食晒諗住埋單，先發現有一個前菜冇黎，總共叫咗三個唔同職員先請到佢送呢碟前菜出嚟。結果我哋係食晒所有飯同埋餸之後再食一個開胃前菜，諗住問佢有冇甜品，佢話乜都冇得返杏仁茶，強烈建議任何聚會或者慶祝節目都唔好搵呢間，除非你同佢有仇。…查看更多

成家人想飲茶，見評價唔錯, book 左晏晝飲茶，當日朝頭早都有係WhatsApp度confirm咗Booking本來諗住一邊食一邊望下海景，放鬆心情，點知竟然會係咁嘅體驗… 一去到就同職員講姓xx, book左幾多位,個職員就將我帶到去坐滿人嘅枱，嗰下已經o左… 再同個職員確認… 點知原來佢哋搞錯咗d booking, 冇幫我地安排好位置… 心諗我book完之後，再confirm個Booking有咩意義🙄… 正常嚟講安排出錯咗都會道個歉，再重新安排吓…個職員好似冇將我個booking當回事，繼續走serve其他客，喺我三番四次催促之下先搵個位安置咗我哋，個位仲要見完全睇唔到海，都幾失望下… 食物方面就正正常常…菠蘿叉燒包，個包好軟熟，叉燒餡都頗多嘅炒腸粉，味道正常，美中不足之處冇乜鑊氣椒鹽魷魚鬚，都幾大碟同幾好味，推介金莎粟米，好少見，值得一試魚湯烏冬，份量好大，好足料，味道係幾好嘅其他點心正常發揮其實點心種類好多，同埋都幾多出邊比較少食到嘅款式，如果淨係計食物係值得推介，但服務方面就麻麻地…希望可以改進下……查看更多

服務態度好有禮，坐窗邊有海景睇，環境乾淨👍上菜時間都算快，食物味道ok,不過片皮鴨兩味，苦瓜俾得少，可以加多去炒平均D鴨肉，影相一流，價錢合理，可以介紹比朋友，有下次🥰…查看更多

食物材料新鮮、美味，富有特色。餐枱距離合適。服務員有禮貌和笑容可掬。地方光猛舒適。還有海景露台可供拍照！值得一提的是，食肆提供不銹鋼夾以方便清洗碗筷，很是窩心☺️！…查看更多