影片
营业时间
今日营业
06:00 - 23:00
星期一至日
06:00 - 23:00
以上资料只供参考，请与餐厅确认详情
优惠推介上汤焗开边加拿大龙虾伊面（一至五）$168／只（六日假）$198／只，转芝士焗加 $40，记得一定要转芝士焗，因为芝士焗既伊面实在系太好味，小朋友可以食完一碗又一碗！今期推介酥炸一口蚝 $83 都系小朋友好钟意，外皮炸到金黄色脆卜卜，入面既蚝唔算大只但系都算几肥美。最近 25 周年仲有超值大优惠，超值价 $10／款，有 4 款，拣左酱皇翡翠炒龙趸球（例牌），优惠条款：每款优惠必须配一款以下指定正价小菜，有 16 款，拣左鲜鲍鱼滑鸡煲 $218。鲜鲍鱼滑鸡煲整得好惹味，仲有好几只鲍鱼，鲜鲍鱼完全唔会韧小朋友一样食到；酱皇翡翠炒龙趸球真系超值大优惠，估唔到 $10 都有咁多旧龙趸，唔错！
继续阅读
心血来潮想饮茶，明知星期日去饮茶要排队都坚持要去，除左因为想食点心，仲好想食芝士焗龙虾伊面﹐好彩既系大台先排得耐，中台唔系排好耐就有位。一直都觉得明星皇宫既芝士焗龙虾伊面好出色，已经食过唔少次，但系其实价钱都唔平，不过成日食既话都有少少肉赤。咦！芝士焗虾仁伊面？突然发现原来有得食平DD，虾仁平过龙虾唔少，无论芝士焗虾仁伊面定芝士焗龙虾伊面都系一样咁出色，因为最出色既系芝士，大量芝士焗既伊面真系好食到不得了！
继续阅读
本身觉得呢啲平民饭堂好平，但系原来过咗早茶时段好贵！比平时食开嘅海港仲贵款式都几多！早上想食粥嗌咗碗肉片皮蛋粥，但系超小了唔怪得$30一大部！只有两至三片好少嘅肉片 肠粉唔好好食，第一碟上枱我哋肚饿嘅时候食都觉得麻麻地金钱肚其实系牛肚但系我都几钟意，有啲硬但系好多份量油咗少少 🤏潮州粉果$27.3粒，本身觉得有啲贵，但系原来好足料，虽然个皮唔系咁好食冇弹性 油鸡饭32 啲鸡我觉得麻麻哋，但系人哋觉得OK猪皮鸭红好大碗，但系好油腻，而且调味麻麻哋猪皮好大浸梳打粉味 同埋佢落咗好多味可能唔新鲜 鸭红就好碎眉豆大大粒好饱肚几好味，但系有啲饱，虾饺$15.2粒几好味㖞环境几大，呢度都有独立厕所，估唔到咁旧式都几干净
继续阅读
元朗历史悠久酒楼每到夏天就好想食冬瓜盅！近近地去左呢间历史悠久既明星皇宫食，订位时候好搞笑，姐姐话唔会帮我地留瓜盅🤣 有就有，无就无…所以为左个瓜盅，我地都算好早，估唔到6:15 已经坐满左大半个场咁滞🤣 又话市道唔好既 ?🌟 $168原个八宝冬瓜盅｜热辣辣，份量多，加埋夜香花好香又清甜～！呢D系屋企唔会整得到～ 所以每年都要出街食返够本🌟$78 清蒸沙巴仔 | 晚市优惠，都几抵，平时自己唔识处理鱼类，出街有机会就食❤🌟 $78蒜蓉粉丝蒸元贝(4只) | 元贝就蒸得过哂火了，麻麻地🌟 $68 卤水掌翼 | 八角味太抢，整体味道偏甜！不太喜欢🌟 $48红烧妙龄乳鸽 | 一Ｄ都唔妙龄，炸到老哂，又咸 😭价钱其实都算大众化，五样入面有三样都麻麻地，不过好在今次主要目的系食冬瓜盅，所以都唔算太失望既～环境就都好大下，不过就不太卫生，食食下见到有两只小强走黎走去～服务就正正常常，系听电话个到唔帮人留瓜盅搞笑D 🤣🏠店名：明星皇宫Star Palace🚘地址：元朗阜财街34-36号光华中心2-3楼
继续阅读
最近明星做晚市优惠，京式片皮鸭$88，上汤焗龙虾伊面$168😋原本早一日打咗电话去book位，职员叫我唔驶book，walkin就得，点知去到劲多人，结果等咗一个钟先有位😑，建议大家预先book位！特价片皮鸭$88，虽然唔系一只系一份，但都算抵食。片皮鸭部位偏瘦，唔会太油腻，好啱我哋😝上汤焗龙虾伊面$168，如果钟意芝士焗，要另加$40，龙虾肉好新鲜爽口，可惜伊面劲碎湿湿，下次嚟应该唔会再叫。
继续阅读