旺順火鍋牛肉專門店

一直以來都好喜歡港式打邊爐，因為廣東人對食材嘅要求好講究，各種不同的丸種類，都會是自家打的及有花多眼亂的食材選擇，所以好喜歡回來這裏，因為他們的牛肉及海鮮都係十分新鮮的。巳有一年沒有來過，五個人嚟到，叫了好多嘢，但係好多食材都沒有。值得一讚的就是超新鮮的龍蝦刺身及象拔蚌刺身，還有新鮮的牛頸脊，丸類是街市買的貨色，沒特別。墨魚滑仲有啲腥腥哋，唔新鮮。但係服務就一般，基本上沒有服務，但係都收service charge，食食了3500百幾蚊，就收了350service charge with no service. …查看更多

主打港式優質火鍋🥘無論湯底、海鮮或肥牛都廣受好評🏅店內裝潢時尚寬敞，環境舒適😃推薦嘗試四季文昌椰子雞湯🍲在鍋內加入椰青水🥥椰子的天然甜味和鮮嫩的雞肉🍗滲透整個湯底，味道清甜😙豪華海鮮拼盤應有盡有😋原隻鮑魚，彈牙細膩大大隻夠晒口感👅大蟶子鮮嫩多汁💦肉厚鮮甜，口感豐富😍鮮紅柔嫩的牛頸脊🥩密密分佈著雪白的油花🤩肉質嫩滑，肉味香濃🐮手打四寶丸也是必點之選✅鮮牛丸、香茹貢丸、鮮墨魚丸及爽滑蝦丸🦐每粒大細平均，口感彈牙，鮮甜濃郁🫶響鈴即叫即炸，熱辣辣超脆口🔥吸入濃湯，味道一流🤤…查看更多

今日試左一間旺角旺順打火鍋，諗住去試下，已經爆滿人，叫嘢食最心急食牛，我問老闆點解啲牛咁耐，佢話人手切，牛頸脊真係正到冇得輸，入口溶化又有牛味，不得不試，再要黎多一碟先夠喉，再推介唔係間間做即炸響鈴，油金爽口脆肉鯇，問清楚係咪脆先，老闆唔脆唔收錢，結果我要俾錢😂，本身落麻辣火鍋湯底多料發現有大腸有豬紅又有年邁，係我嘅大愛大腸同豬紅😍，小食推介椒鹽墨魚咀，象拔蚌刺身師傅刀工了不起👍樣樣食到嘴舐舐，老闆又大方仲請我哋食哈哈螺，啲伙記又好招呼又熱情，好滿足的一個晚餐😋😋正正正…查看更多

今日試左一間旺角旺順打火鍋，啲嘢食真係又新鮮即炸響鈴，油金爽口脆肉鯇，大腸打邊爐加落麻辣火鍋湯底😍，椒鹽墨魚咀，牛頸脊真係正到冇得輸，樣樣食到嘴舐舐，老闆仲請我哋食哈哈螺，伙記又好招呼，好滿足的一個晚餐😋😋…查看更多

🌟🌟旺順牛什骨湯底（$208）淨係食e個湯都可以食飽左5-6成，裏面有牛腩，牛筋，牛潤，牛肺，金錢肚，牛舌，牛腸，牛腩，牛尾骨，蘿蔔等....-配料-👍👍👍即炸響鈴（豆味香濃，又鬆脆）👍👍👍手切牛肩脊（牛味極濃，冇筋，滑身）👍👍竹筒牛肉滑（都係超重牛味，係口腔爆汁）👍竹筒蝦滑👍雙拼餃（韮菜餃，白菜豬肉餃）👍自製貢丸（Juicy ）田園什菜拼盤總括🦬濃牛味同Juicy係e間鋪嘅賣點！…查看更多

Hello 大家好👋🏻！今日我嚟到位於旺角豉油街「旺順火鍋牛肉專門店」。 天氣凍凍地叫埋三五知己圍爐取暖是常識吧！ 今次同大家分享一下佢哋嘅「旺順牛什骨煲」，呢個煲叫得旺順一定係招牌菜啦😋。美食攻略：「旺順牛什骨煲」顧名思義以牛骨熬湯做湯底，成日食豬骨湯底，今次換下口味食牛骨湯底都幾好呀。 好多牛尾骨同牛什，不過無想像中咁厚身，無想像咁濃味，不過味道都唔錯。今次同呢班Buddy食，佢地份人比較保守，所以點嘅火鍋配料比較平凡😅。其中最出色就係牛肩脊同肥牛，入口即溶又有牛味，豬腰豬潤都值得推介。有機會再去的話，我會試下佢哋嘅花雕雞、花雕肥牛、花雕豬腦、牛胸爽等等特色配料😋。美食指數：5🌝最高味道：🌝🌝🌝🌚🌚環境：🌝🌝🌝🌚🌚服務：🌝🌝🌝🌜🌚賣相：🌝🌝🌝🌝🌚…查看更多

朋友介紹依間邊爐，今晚5大2小去試，果然唔錯！可能要上一樓唔多人，環境乾淨整潔，坐得幾舒服。全場玻璃樽汽水好開心，連zero都有玻璃樽裝！我地叫左個牛xx湯底(唔記得個名)，個湯底好底食，入面啲牛肚腩什等於出面幾碗份量，剩食湯底都飽，加埋個烏冬落去，好食過街啲牛什面，小朋友秒清😋😋仲有個招牌手切肥牛無得輸，入口即溶，牛味又重。另一真心推介個響玲，即叫即炸，我哋叫咗3轉。另外海鮮料都好新鮮，不過個湯底太搶唔係好夾。總括嚟講，依間係近年食過質素頗高的邊爐…查看更多

是日嚟到「旺順」打邊爐👍🏻👍🏻又旺又順，食落感覺都好啲丫係咪先🤣🤣————————————————————————呢個係叫花雕醉雞鍋既雞件。花雕酒好入味，配搭新鮮雞，啲肉又滑又嫩唔鞋口，出色👍🏻👍🏻————————————————————————講多次先，呢度既花雕真係出色。呢個係花雕牛肉，完全係驚喜之作，拖兩拖擺入口，牛味超重，但花雕味依然喺度，超高水準，嗌兩碟都合理呀呢個真係👏🏻👏🏻👏🏻👏🏻————————————————————————牛胸爽。識食之人就知呢個部位唔係度度都有。旺順有得叫喎，即刻試下。果然無令人失望，爽口唔肥膩，夠哂過癮夠哂爽😍😍😍————————————————————————牛脷心，又係要食👏🏻👏🏻👏🏻牛脷最靚既部分，咬落好有口感，唔韌，食到索索聲，超正👍🏻👍🏻————————————————————————海鮮拼盤。喺團煙下影落去濛左少少🤣超級新鮮，只要掌控得宜，輕鬆食到佢既鮮味👍🏻————————————————————————熱辣辣既炸魚皮🔥點沙律醬食，過癮👍🏻👍🏻————————————————————————其實仲嗌左啲餃呀、丸呀、雜菜等等。呢啲就唔一一介紹喇。另外仲嗌左啲雞子同豬腦呢類挑戰極限既食物，知音人明既就明架喇🤫🤫總括嚟講，「旺順」既食材夠新鮮，我揀既醉雞鍋亦都好出色，所有野配搭都好好，絕對值得翻食👍🏻…查看更多

◭ 泰式冬陰公湯底配蕃茄薯仔牛肉粒鍋超級香濃冬陰公湯底，酸辣度適中蕃茄薯仔牛肉粒相對較清甜一濃一淡湯底◭ 招牌推介手切肥牛肉 $238 （大）手切肥牛肉顏色鮮艷紅潤，牛肉質感非常嫩口👍🏻推介必點呢款牛肉份量大概有4人份量◭ 日本豚肉 $108有手切肥牛肉對比之下，豚肉相對較遜色😂🙈小編兩款肉類比較喜歡肥牛，豚肉不會首選推介◭ 廣島生蠔 $68一上枱已經聞到好濃嘅海水味，生蠔非常新鮮😋肉質好嫩滑◭ 竹筒墨魚滑 $78 & 竹筒蝦滑 $78墨魚滑加蝦滑好彈牙👍🏻推介必點 ◭ 即炸響鈴 $38響鈴嚟到嘅時候仲熱辣辣，新鮮炸起，金黃色，好脆口👍🏻◭ 皇帝菜平時比較少食皇帝菜，呢款皇帝菜係好清甜旺順火鍋店位於朗豪坊附近，地點非常方便火鍋湯底，肉類，海鮮多元化，加上材料新鮮👍🏻值得一試…查看更多

男朋友打黎話放工想打邊爐 要求如下: 旺角、唔要連鎖店舖、地道、抵食、四個人左諗右諗，突然醒起細個做part time 收工打邊爐地方 (真正既圍爐)小妹份part time都已經係2012年 數數手指都9年~ 一搵，竟然仲係度~ 即刻book位 7點半準時入坐，裝飾不變(一樣咁麻甩)，坐低叫呀姐比餐牌(一樣冇呀姐理) 7分鐘後終於有人理，放低一set藍妹，問左一個咩湯底就閃可見，佢地真係好忙(笑)，叫左個花膠雞湯湯底，MSG 好重~ 但都有至少六舊花膠四個人，坐大枱，叫到成枱野食手切肥牛、海鮮、手打蝦丸、墨魚丸、響鈴.......手切肥牛→ 有牛味，油脂均勻手打蝦丸→彈牙，有質感響玲→新鮮炸，屈機海鮮→有少少腥味湯底→MSG好重最後問左呀姐依度開左幾多年，原本已經14年!!!!!!!!!佢生存到14年，相信總有原因，有一班老食客，起碼你問我，我都仲記得…查看更多

今晚一行5人嚟到呢間火鍋店，而我已經係第三次嚟，每次嚟都係點呢個牛雜牛骨煲，個煲真係好好味，牛雜又多又炆得夠味，鐘意嘅可以再加點其他火鍋配料，我哋就加左肥牛，牛脷，牛骨髓，粉腸之類嘅食物，仲有手打蝦丸同墨魚丸，兩種丸都打得好爽好味，肥牛好香好嫰滑，牛脷亦係必食之選，雖然呢間火鍋店唔係放題係要單點，但價錢一啲都唔貴，埋單最後每人都係$280蚊左右算係幾抵食，而且服務亦唔錯，服務員至少有笑容唔會黑口黑面，地點亦方便喺地鐵站行3分鐘就到。…查看更多

呢間响旺角既火鍋舖位置不起眼，但性格比幾高，而且最好就係因為吾係地舖所以通常吾使等，分享個人幾樣必叫食物意見如下，手切牛: 新鮮同鬆軟，must try之選。。生牛肉: 又係必食，只係份量如果多DD就perfect 。。菜心苗: 吾多火鍋舖有菜心苗叫，好嫩。。。但通常存貨多如果鍾意食菜最好叫定兩碟。。蝦/墨魚滑: 彈口彈牙粟米: 一個字，sweet!其它環境及衛生可以接受，只是行去廁所條路幾滑要小心DD。。。招呼亦無問題，D姐姐普遍都nice!…查看更多

一行七人上咗嚟打邊爐， 時間尚早，仲未見到滿座。今次混醬都唔攞咁多喇! 只係混少少。 款式唔多，只有六樣。湯底揀咗鴛鴦湯底，沙爹湯底同埋皮蛋芫茜湯底。美國肥牛一共叫咗兩次，第一轉覺得牛都幾好食，冇羶味，第二轉就覺得一般啦!日本豚肉的肉質比較鞋口。四寶丸冇人食， 可能唔夠彈牙鮮味。貢丸大粒，有冬菇粒， 貢丸搶住食。即炸響鈴唔夠脆。白鱔片多骨，冇乜味道。脆鯇腩大件肥美，爽甜鮮。唐蒿冇苦味，食完都幾暖。鮮淮山爽脆。蒿筍片(上) 和冬瓜片(下) 都幾腍身幾甜。炸三文魚皮唔得，淡口冇味又鞋， 炸魚皮就比較正常啲。魚鰾好腥好韌，要點咗豉油先覺得好啲。炸芋頭好乾身， 將住咗個喉嚨。竹笙都幾好食，爽口唔酸，索左啲汁又唔鹹。芋絲一定要擺喺沙嗲湯底嗰邊，如果唔係會好淡口。酥炸生蠔都幾肥美。…查看更多

今日天寒地凍❄️🌨，就約左幾個舊同學去烚一烚🍲。今次畀個同學話事，佢話帶我地食好野喎🤩。.佢揀左呢間位處豉油街嘅火鍋牛肉🐮專門店，間鋪要行樓梯上一層，當做下飯前運動🏃🏼‍♀️🏃🏻‍♂️啦，呢間唔係連鎖經營，聽聞重係老字號🏺，食起黎都有氣勢啲。_____________________🔹旺順牛什骨煲 $188湯底揀左旺順皇牌嘅牛什骨煲🐂，係有少少貴，但入面都幾足料。d牛什都幾入味，幾淋身。條牛骨🍖重大條到我地蓋都冚唔埋😂😂。.🔹手切肥牛肉 $268(頂級)佢啲手切肥牛真心不錯😍，牛味濃郁🌊，又夠淋.🔹鮮牛胸爽 $98第一次食牛胸爽，上枱見到白色一塊塊◻️◻️，重以為肥膏黎。聽個同學講，唔好烚多過10秒，熟左之後佢會曲埋一舊，有少少似豬皮咁。口感相當爽脆⚡️，味道就無乜，要靠個湯底同醬油。.🔹秘製滑牛 $98呢個就比較普通，不過係真係滑啲嘅。.🔹螄蚶個汁太咸🤢，螄蚶食落有啲唔新鮮，我地唔敢食太多，最後剩左一半。值得一讚係佢會畀一個專用開殼專用鉗，食起黎方便好多🤗。.🔹象拔蚌 $5xx/斤(市價)佢幫我地秤左隻斤半，都幾大隻，份量啱啱夠4個人食。切左隻刺身，好爽口好甜👍🏻👍🏻。亦可以試下放入鍋度，是但浸一浸就可以拎返上黎，依然彈口，但又食到另一番風味。.我地重嗌左啲蟹子丸🍥🍡🍢、牛餐肉、魚滑🐟、餃子🥟、響鈴等等。不過呢啲同一般火鍋店都無分別，就唔講咁多啦，話晒黎呢度都係為左食牛同鋪頭推介嘅鮮活刺身嘛。…查看更多

情人節前夕，難得無約人，搵火鍋男何故去旺順牛骨鍋食靚牛肉，仲有老友參加，凌影就食完飯單刀亂入。坐低未齊人，於是叫枝大啤叫碟螄蚶。螄蚶唔係打邊爐用，但做餐前小食就好夠鮮甜味，而且呢間做得幾乾淨。老闆聽講係佐敦金牌火鍋出身，都係主打牛雜同靚牛肉。今晚先食招牌牛雜鍋，料足味濃，越食越滋味。食完就加湯打邊爐，因為係加湯，所以唔會越滾越淡。去到旺順有好多種牛肉選擇，但文公子就必食皇牌手切牛。其他火鍋料都正，黑牛柏葉夠juicy，田雞新鮮，上碟時仲識郁。豆苗嫩綠，素餃索味，最正係鮮南非鮑魚仔，成四頭咁大又夠鮑魚味～非常滿意的一餐～…查看更多