旺泰特食

📍西贡泰旺小食系一间地道街坊小店，环境简朴，价钱合理，适合简单用餐。🍗海南鸡中规中矩，鸡肉嫩滑但酱汁偏淡，未算突出。🦪黄咖啡炒蚬则令人惊喜，蚬肉肥美，酱汁香浓惹味，送饭一流，绝对系招牌之选！🍜炒金边粉炒功一般，粉身偏软，味道平淡，略为失色。🥬炒通菜则欠镬气，口感唔够爽脆，未能突显蔬菜鲜味。整体而言，黄咖啡炒蚬值得一试，其他菜式则属普通水准，无惊喜但稳阵。😋如果你喺西贡揾地方医肚，呢间小店可以考虑，但未至于值得专程前往。西贡美食 #街坊小店 #黄咖啡炒蚬必试 #海南鸡 #炒金边粉 #炒通菜 #香港小食 #地道风味 #送饭之选 #食评分享 #小店推介 #香港美食地图…查看更多

夜晚大约8:00两个人食，环境超逼，污糟，地踎，嘈，冷气吹住个头 (全场爆满冇得调位)。但见咁多好评，决定一试。叫左个猪颈肉小食，一碟生菜包，一个柚子沙律，一杯青柠冰。落完单谂住叫店员比两杯水，原来星期六日系唔会提供水。落单后10分钟猪颈肉嚟到，之后青柠冰都嚟左。但其余两样𩠌好耐都未嚟。过左半个钟请店员跟跟单，直到9点几(前后大约等左50分钟)柚子沙律同生菜包都陆续到。我谂系舖头太好生意但人手不足，所以要等咁耐。附近啲客都有催单情况。重点系，原来我朋友未食完餐饭已经开始肚痛，我哋拿拿声食完埋单走人，出到去要即刻揾厕所。而我返到酒店都开始肚屙，我同我朋友都屙左成晚，成晚都瞓得唔好。本身以为系间舖冷气吹亲搞到朋友肚屙，但我返酒店都肚屙，屙咗成晚，就估系啲食物唔干净，以我经验吹亲系唔会屙咁多次。…查看更多

一班人去西贡入camp前，点都要食返餐好嘅😋 我哋去咗码头附近食街𠮶边食巷仔泰国菜，叫咗好多嘢每人都只系百几蚊！价钱合理之余，啲嘢都算唔错🤤🧆#泰式拼盘：有串烧春卷鱼饼虾饼，虾饼几好食😀👍🏻🍢#沙嗲串烧：有猪牛鸡3款肉类拣，我哋3样都有拣；正常发挥。🐔#海南鸡：叫咗半只都够食😛 值得一赞嘅系厨师嘅刀功，我夹𠮶旧大得嚟好似雕花咁😹🤭🍝#泰式炒金边粉：味道唔错，但略嫌𩠌多过粉，我想夹多啲粉都冇🙂‍↕️🍍#菠萝炒饭：味道还好。本身FF系用菠萝载住啲炒饭，结果唔系🤣🌮#泰地道生菜包：我哋都觉得几好食，不过如果好似我呢啲唔钟意绿色配料嘅人，就可能要考虑系唔系要开启偏食mode 😹🥬#脆肉炒芥兰：几好食但系好细碟🥹 脆肉就有啲似叉烧🤭整体嚟讲味道系唔差嘅。另外仲叫咗好多其他嘢同有啲冇影相，例如：冬荫功、猪颈肉、鸡炒河、芒果糯米饭⋯⋯呢啲都几好食。今次冇食到青咖喱，如果下次再嚟嘅话会连其他想食嘅嘢试吓😉…查看更多

在西贡都有平价食店，今次去咗巷仔入面嘅平民泰国🇹🇭小店，无冷气坐走廊，感觉就似泰国街头咁样，每款食物都系平靓正，人群不绝，外卖🥡同堂食都有，风味十足😋.———————————————————————————🥢青咖喱鸡🍛配蒜蓉包🥖💬蒜蓉包好食到encore 多一次，加埋青咖喱真系不得了，唔系讲笑😋.🥢串烧牛肉、串烧鸡全翼💬一人一串先够喉，拍得住九龙城金泰，香料腌料一样丰富美味，烧烤味十足，沙嗲酱更加系精粹所在😋.🥢青木瓜沙律🥗💬柚子沙律无货，只好退而求其次，青木瓜一样爽口同酸，够醒胃口😋.🥢盐烧乌头🐟💬有时唔想叫明炉烤鱼，改为盐烧一样满意，啖啖肉蘸下啲泰式辣汁，就系地道风味🤓…查看更多

原来西贡唔止得啲又贵又唔好食嘅海鲜酒家。🙄系小巴站附近啲巷仔，就有唔少好嘢食。呢间旺泰特食系西贡市中心小巴站个头啲巷仔入边。虽然环境普通，但性价比几高！☺️份烧猪颈肉大大份先$78！ 烧到唔干身，几香口。呢个分量系其他泰菜铺应该要过百。招牌海南鸡饭$50。肉质好嫰，但啲鸡本身冇乜鸡味，要点佢个汁先好食够味。个马拉盏炒通菜好好食！炒到劲惹味。一样份量超大！下次嚟西贡谂唔到食乜，有可能会再食！‼️店舖只收cash or alipay! …查看更多