影片
以上资料只供参考，请与餐厅确认详情
买少见少嘅人手制石磨肠粉，食咗三款一个系斋肠，好滑，一个系猪肉肠粉啱淡口味人安格斯牛粒肠粉，劲滑惹味的，原来啲菜肉包及腊肠卷同野饮都系自制嘅，所以食得好安心👍🏻👍🏻👍🏻辣椒酱又系自家制，钟意食辣嘅人都可以买返樽，收得好平系良心老细用咗阳江肠粉专用米同埋旧米制作而成，所以特别好味！老细之前都在知名酒楼度做㕑，所以非常有经验第二次帮衬啦特登揸车嚟食，建议下昼时间去就冇咁繁忙个场有少量座位由于即叫即做，所以都要等吓
继续阅读
他们的粉浆用石磨推造，匠心诚意难能可贵！我喜欢他们的素材饺子、香葱猪肉肠、豆浆、肠仔包、饮食业通常要很早在筹备前期工作。估计他们每天都极繁忙？可以想像到他们的忙碌会令他们偶尔忘记了情绪的自然流露，因为多客人邦趁，食客有时要耐心等候。特别是现在，有许多餐馆为省成本，喜欢用预制包装的食物，而他们注重用健康的食材，亲自用心制作。正是我们追求的东西⋯⋯感谢他们的努力为大家带来好味😋的食品🙇♀️🙇♀️👍👍👍
继续阅读
落咗单跟住20分钟之后，落去攞肠粉，等咗好耐都冇得攞，问佢点解要咁耐，跟住老板娘就口黑面黑，攞完肠粉仲要讲：有得出单俾你已经好好㗎啦！试问啲嘢𠮶几好食有咩用？难道小店就唔需要有好的服务态度？
继续阅读
之前食过连锁店嘅石磨肠粉印象唔系咁好，所以之后都系食布拉肠粉。直到见到呢间最近开嘅石磨肠粉专门店先敢大胆再试下，上次嚟好多人冇食到，今日专登避开人潮再嚟，拣咗最基本嘅斋肠（$18），觉得好好味，完全冇𠮶啲浆糊口感，就咁加豉油，简简单单就已经好好味，原来咁先系石磨肠粉！跟肠粉加咗支薏米水（+＄8）都几好饮～同埋老板好贴心，佢有个电话可以嚟之前落定单（佢话至少预15分钟），因为佢即叫即整都要啲时间，叫定就唔洗等咁耐。仲有原来呢间舖头之前已经系附近，只不过系搬咗新舖位，多咗堂食。后悔冇早啲留意到佢！性价比极高！平靓正推介！会再帮衬！
继续阅读
辣辣嘅石磨肠粉，入面可以拣各种配料。 拣咗葱花、猪肉、再加蛋。 即叫即制，要比少少耐心等下。 肠粉都算滑，重点系佢嘅辣酱，辣味唔算强但系好香。其他配料，例如猪膶，安格斯牛等等都好好，不过一次食唔晒咁多啦。而家多咗云吞呢个选择，云吞都几多粒，有趣嘅系汤底加左芝麻，味道就不过不失咁啦，可以一试，不过始终石磨肠粉先系主打。随餐咗加左枝嚟柠檬米水，消暑解渴。小店人手不多，而石磨肠粉即叫即制，真系要有少少耐心等下，不过都值得嘅。
继续阅读