旦王花 - 泰越鍾情

今日同狗狗一齐去街街，我哋去咗元朗揾朋友食晚饭，朋友拣咗呢间餐厅，因为呢度可以带狗狗嚟。入面环境都算大，座位可选室外或者室内，而我哋就拣咗室外坐。泰式生虾刺身：鲜甜弹牙，配搭埋泰式酱汁，非常好食。猪肉碎生菜包：清爽嘅生菜包入肉碎一齐食，口感层次非常丰富而且酸酸辣辣肥瘦适中嘅肉碎令人越食越开胃。泰式腌制烧鸡：香气扑鼻，鸡皮烧到金黄色，外脆内嫩，好滋味。泰式大虾粉丝煲：大虾鲜甜弹牙、粉丝软滑又有弹性，粉丝吸晒酱汁食落非常惹味。…查看更多

前辈回港度假，我哋一班朋友一齐出嚟食饭，拣左锦上路旦王花～泰越钟情。 其实好耐之前都帮衬过，觉得环境很不错舒服👍🏻，晚上周围著左灯好有气氛。今次十一个人坐楼上包房，晩餐超级满足😋😚，叫左16 个不同款式嘅𩠌，而且有啲仲叫双份。今次啲食物好好味，平时不喜欢冬䕃公汤嘅我，饮左2碗；炭烧猪颈肉烤得香而且不会好肥； 拼盆多样化👍🏻，其他食物都不错，最欣赏个香葱烤饼好好味，配埋个羊腩perfect match. 甜品不会太甜😋，食埋朋友带去嘅芝士蛋糕，完美满足的一餐👏🏻。 职员态度都好亲切，而且主动问我地够不够吃等，非常贴心🩷。 整体都好好，下次再去及要推介比朋友。…查看更多

Book左同屋企人食生日饭，提早15分钟拎左蛋糕过去谂住俾惊喜屋企人，提左一次需要100蚊切饼费 我哋无问题。坐低15分钟内已经催左4次落单，但系明明屋企人未到齐，催到我要落左一杯饮品先肯停😓落单本身屋企人想食鲈鱼 但系 戴黑框眼镜、矮小嘅女侍应 不停叫我地选马友 亦态度较寸咁话: 马友鱼味重啲 鲈鱼冇味 不过你哋想叫咪叫啰 ，最后屋企人迫于无奈选择马友🤷🏻‍♀️后尾食完饭，打算同屋企人倾下计再食蛋糕，本来想比屋企人惊喜，戴黑框眼镜、矮小嘅女侍应 不识相直接行过黎问:仲有个蛋糕㖞 收100蚊切饼费 你哋系咪系到食？系咪依家上埋？搞到我哋好尴尬，成个惊喜咁就冇左。最主要系 戴黑框眼镜、矮小嘅女侍应 态度比较差，唔知系咪老员工 相对其他侍应都比较寸，反而系其他侍应态度几好，离开时比较亲切。…查看更多

和朋友4个人食生日饭，谂住可以泊车较方便，这晚大概有6枱客，主要得一个侍应招呼，所以侍应态度都麻麻，经常不瞅不睬。因第一次来，不知食物份量，所以先叫了几样食物，其中牛扒煎得过熟，又干又韧，向侍应反映，佢只回覆：是咁的，然后走咗去，其他生虾、咖喱、蒜蓉包，炒饭都是一般，食食吓隔离水池突然涌出水，池水流到成地都系，我们的餐枱在池边，其他顾客亦向侍应反映水池漏水，她大声说会处理，最后，地下没有人拖，周围湿粒粒，侍应态度很差，虽然仲好肚饿，但都冇心情再留喺度吃饭，最后连自己带来的蛋糕都没有切，攞走了…查看更多

圣诞节唔想同人迫，所以揸车去呢间泰国餐厅试下我地一行5人，都叫左唔少野食，餐厅除咗泰国菜之外，仲有印度咖哩，都几多元化小食拼盘，份量都几多，可以试到唔同小食，有串烧，鸡翼，鱼饼，虾饼，春卷，虾片生虾刺身都唔平，有少少贵，味道正常椰子鸡汤，饮落有少少酸酸地，几开胃，天气冻，饮少少热汤，个人都暖返大虾金边粉，味道几好咸鱼炒芥兰，都不错明炉乌头，个摆盘都几吸引，不过条鱼唔算大条，所以都有少少贵🤣我哋叫咗蒜蓉包，为咗蒜蓉包冇咁单调，我哋叫咗牛油鸡，呢个牛油鸡反而好有惊喜，佢加咗好多蕃茄酱，食落去几惹味👍另外，榴梿沙冰都好大杯，大满足😋最后两个甜品都中规中矩如果下次元朗揾唔到停车场，都可以揸车入嚟食饭…查看更多