日船章魚小丸子

今日2025年11月13日，放学晏昼肚饿，早咗到旺角约咗班friend未嚟到就整返个好耐都冇食嘅章鱼小丸子，以前喺附近补习𠮶阵都钟意放学食返个，上咗大学就好少经过呢头，留意到搬迁左。店员一如既往都会问需唔需要芥末，虽然比我𠮶份系整定入咗纸盒，但都keep到好暖啱啱好入到口，证明客流量都算多，见到系我之前都有学生买嚟食，一如既往沙律酱都系佢哋经典偏甜口果款，反而芥辣觉得好似唔同咗冇咁攻鼻，希望长做长有下次再嚟食。…查看更多

日船的章鱼小丸子以其外脆内嫩的口感而闻名，曾经有多间分店，现加只剩一间了，今次经过～即刻买左一盒（6粒）黎食🤤🤤🤤日船的章鱼小丸子金黄诱人，表面微微焦脆，散发著迷人的香气。每颗小丸子的大小刚好适中，让人一口咬下时能够充分感受到里面丰富的馅料。丸子的外皮非常酥脆，而内部则是柔软的面糊和新鲜的章鱼，口感上的对比令人惊喜。日船使用的酱汁甜而不腻，与章鱼的鲜美相得益彰。再加上撒上的鲣鱼片和海苔，好食～…查看更多

年头嘅时候知道佢话会执笠，食左好几次，最后变左搬迁，庆幸仲有得食。搬左之后，无晒人龙，唔洗再排队，老实讲，好开心😂😂久违咁食返盒小丸子同埋芝士烟肉烩面先～拎到返屋企仲系热，保持到温度，虽然表皮淋左，但系佢嘅烧汁同芥末系最好嘅味道配搭，加埋d紫菜，一食难忘。其实市面好多唔同配料嘅小丸子（明太子、芝士、蟹膏酱……），但我最钟情都系呢个原味，可能叫做回忆嘅味道？！芝士烟肉烩面都系第二次食，芝士酱偏浓稠，多酱嘅程度完全足够捞晒成碗面（似食捞捞冷面嘅面），烟肉加香肠片，份量都唔少，望落以为好细碗，但其实食完都会饱饱地，因为芝士几顶胃，有落黑胡椒同辣椒粉调味，味道唔会单一，有返少少刺激味蕾嘅感觉，不过都系会腻😅😅偶尔一次就ok了。其实小丸子配套餐唔算贵比多少少就有杯珍珠奶茶类嘅饮品，加多3蚊可以变大杯，最适合我呢d吸水大笨象，不过可惜无手拎，留返下次啦。…查看更多