日本黒毛和牛焼肉 牛太 (錦薈坊)

今日同屋企人去咗间日式烧肉店，真系好惊喜！一入到去就觉得卡位好宽敞，坐得好舒服，尤其系带住细路，佢哋可以自由活动又唔怕撞到人，真系好适合家庭聚会。啲肉一上枱就知新鲜，油脂分布好靓，烧嘅时候滋滋声，香味扑鼻，入口即化，连平时好拣食嘅小朋友都抢住食。服务态度真系冇得弹，店员好细心，见我哋带住小朋友主动提供儿童餐具，仲教我哋点烧先最好食，完全唔会嫌麻烦。出面自助区更加系惊喜，雪糕款式多，仲有啲得意嘅日式小食任拎，小朋友开心到癫，不停去拎零食同雪糕，搞到我都忍唔住食多几杯。整体来讲，呢间烧肉店真系抵食，食物质素高，服务又好，环境又舒服，下次一定会再嚟！最正系见到小朋友食得开心，我哋大人都放心，完全冇压力，可以慢慢享受烧肉嘅乐趣，真系好难得。…查看更多

我本身book左枱29/5 7:30pm 3位于屯门店入座，我哋准时到达，但系前台员工先让另外两台客人入座，等佢处理于入座已经7:40pm，然后佢再表示我哋需要等多20分钟到8:00pm先可以安排座位，佢当时已经清楚我哋系订左位，但系就理直气壮表示book左位都系要等架正常餐厅过10-15分钟都唔留枱啦，点解订左位准时到都要再等半个钟？…查看更多

之前喺屯门返工发现到呢间劲高质嘅日式烧肉。今日放假唔知食乜好就决定重游旧地，睇吓佢嘅质素keep唔keep到同以前一样😋佢total有四个唔同价位嘅餐，我哋拣咗第二个，因为呢个餐开始先至有厚牛舌💗前菜非常有心思，除咗有一般嘅小食同埋沙律自取，仲会有唔同款式嘅日式炸串，仲有唔同嘅味粉俾你自制shake shake薯条🍟肉方面佢都有好多唔同选择，其中最出色嘅系👅厚切牛舌 基本上我系为咗呢一啖牛舌先至嚟呢度，佢每一块都系牛舌芯，加上我多年烧牛舌嘅经验，烧完之后好粉嫩，入口淡淡牛舌嘅油香。我哋叫完一碟又一碟，我谂前前后后食咗10碟都有😂🐂另外一样出色嘅系厚切横膈膜肉，对比起封门柳或者其他部位，佢好重牛味，而且好滑好腍一啲筋都冇。真系每一款肉都试过，呢一款系最好。🦐平时烧肉都比较少食虾，但系今日佢啲虾好新鲜，一啲都唔痴壳，入口淡淡鲜味。🐟平时呢度嘅鳗鱼都好出色，不过今日就争咗少少，叫咗两round都系腥腥地。所以我哋放弃佢，唔好再浪费quota去试啦。头两round腥应该叫100次都系腥。下次睇吓会唔会好啲啦🧇🥞🍦🍨甜品嘅话款式都好多，除咗有得自己唧软雪糕之外，另外仲会有雪米糍同埋其他自制嘅甜品。总括而言，虽然呢间价格唔系平，但系喺香港食过咁多间烧肉放题嚟讲，佢算系数一数二。值得我特登搭车入屯门食佢。…查看更多

今晚同老婆食餐好 去左牛太 (日本产黑毛和牛 烧肉放题套餐）同以往一样， 和牛质素好好。 唔需要烧太熟，半生熟咁食系最正。除左和牛，仲有唔同类型鸡肉，猪肉，海鲜等等。 最后最值得推介系最后ge 夕张哈密瓜软雪糕，但唔记得影相。…查看更多

经过了此店多次才认真地试一次，因北上风气影响，店家有$99午市特惠餐招来。自助Bar虽然较简单，但重点的都无令人失望，例如咖喱牛肉用料十分好味也佳，炸鸡块的确的脆沾上疍黄酱很绝配，也有多种任吃新鲜蔬菜、菇类、腌菜、面豉汤及沙津能餐前醒胃打底，主食分别有牛舌片及猪鸡肉双拼，份量亦了少，而肉质弹牙嫩滑可见鲜度，炉火则够猛和少冒烟，冷气很够不觉太热，环境清幽洁净又再加分，最后要讲到生果及饮品柜不过不失，但软雪榚奶味不够就较失色了。两个60分钟半自助套餐共$218(包加一)，以高级商场来说算是诚意之作吧。…查看更多