日月堂

日月堂台湾菜几时都系最真心推荐，菜式选择多之余食物质素系过去几年都一直保持到，甚至觉得呢度越做越出色，返嚟食几次食物质素都好有水准，而且每次都做得越来越好，所以一直都支持佢！今次同朋友嚟都系叫咗两个套餐，包括一款主食一碗小食同一杯饮品，我叫咗起司鸡扒面，汤底十分好食，有啲葱花同炸蒜配搭一齐，鸡扒超多芝士喺面上，好适合钟意食芝士嘅人，所以我就觉得非常好食，鸡扒都炸得好香脆，鸡扒连皮都十分好食内嫩外脆，里面仲有两条白菜仔。😊小食我叫咗梅子地瓜条，这款小食系超推荐，因为好食到唔停口，我哋好快都扫晒成碟地瓜条，佢加咗梅子粉系面上，原来噉样整系咁好食😋饮品系热茉香奶绿，好香茉莉花味，又唔会过甜😀朋友叫咗卤水鸡翼冬粉冬粉系一条条晶莹剔透又滑溜溜好易入口嘅粉条，我试咗两啖都觉得超好食，而且汤底都一样系咁好味，卤水鸡翼十分入味，酱汁都非常好味，朋友嘅小食系玉米起司卷饼，里面嘅芝士超香浓配上粒粒粟米，所以都系做得十分唔错嘅一款小食，每一件口感都好好，冬瓜茶好清甜，最钟意清清地呢种感觉👍🏻觉得最好食都系梅子地瓜条，呢款仲系店员推介畀我哋，果然系冇推介错，下次过嚟都要再试这款小食😊…查看更多

今天和老公来到观塘找餐厅吃饭，在网上平台打观塘区美食，第一间显示便是这间台湾餐厅，刚巧老公又想吃台湾菜，于是便来到这里吃晚餐，可惜食物味道却比想像中失望。红烧半筋半肉面：汤底十分浓郁，充满著淡淡的药材味，而且面条完美渗透了汤汁的精华，每一口都滋味十足，可惜牛肉应该炖太久了，导致肉质比较粗糙，口感有点韧，而且味道偏咸，整体来说只是一般而已。红烧猪脚拌面：这份拌面足足等了20分钟以上，猪脚虽然都算柔软，但是味道却十分咸，每一口都咸得呛喉，拌面的酱汁亦很咸，导致咸上加咸，真的很难吃。起司肉松蛋卷饼：这是全场最出色的食物，卷蛋的口感烟烟韧韧，肉松和起司咸咸的味道不错，我和老公都很喜欢这道菜式。炸盐酥鸡：盐酥鸡是即叫即炸的，至于内里的鸡肉都算嫩滑可口，肉汁四溢，是一款不错的小吃。炸甜不辣：本身想叫地瓜条，可惜已售罄了，只好转吃甜不辣，可惜虽然都是即炸，但是外皮却十分油腻，味道只是一般。价钱方面，餐厅没有加一服务费，最后两人总共$270。总结来说，本身我们对这间餐厅抱有浓浓的期望，可惜最后味道却不似预期，除了卷蛋，其他食物只是一般而已，重点是很咸，地点亦不太方便，应该没有下次了。…查看更多

今日同朋友夜晚嚟到观塘揾食，呢边好多台湾嘢，今晚拣咗呢一间餐厅系以前喺附近返工嘅时候食过一次，记得都几好味。平日夜晚七点嚟到，都仲有几个空位，呢度位于工厦入边，都几大几阔落同埋几干净。我哋一人叫咗一碗面，另外加咗小食同埋饮品。红烧牛肉面($75)一上到枱首先饮吓啖汤，好浓郁，够晒味，而且唔会太咸，应该系有唔少材料熬制而成嘅汤底。佢哋嘅牛肉好腍身，好容易咬开，肉质鲜嫩，而且份量劲多。佢哋用嘅系幼面，质地好Q弹，同汤底配合起嚟真系好好食。牛三宝面($85)牛三宝包括牛腱肉，牛筋同埋牛肋条，汤底同红烧牛肉面一样，同行朋友都话汤底好浓郁，好味而且牛三宝都够唒入味。炸盐酥鸡($48)份量超多，系新鲜炸出嚟，热辣辣仲好脆添，鸡肉都好滑，唔会柴，仲可以配搭梅子粉同盐酥粉令口味提升酥炸鱿鱼 ($48)都系即炸，除咗鱿鱼须之外仲有几块鱿鱼，全部都炸得好脆，咬落去一啲都唔韧，炸皮亦唔会觉得太油饮品方面叫咗仙草奶茶同埋黑糖珍珠奶茶，两杯都好好饮，而且仙草同珍珠嘅份量都好多，超级满足。喺香港食台湾菜嚟讲，我都几推荐呢间，因为佢嘢食好食，而且环境舒服，价钱唔贵，性价比超高👍🏻👍🏻…查看更多

又嚟到观塘的日月堂食台湾野～今次主攻牛系同小食饮品，各有亮点。牛三宝面$80，集合牛腱肉、牛筋、牛肋条，汤底一如既往「唔会输」，每次都浓郁够味；牛腱带嚼劲、牛筋软腍、肋条油香相映，层次感几足。红烧半筋半肉面$75，红烧香气收得住，半筋半肉配搭平衡，啖啖都系实在牛味，食完相当满足😌芋泥肉松蛋卷饼$42，咸甜交叠，芋泥柔滑、肉松香口，卷饼口感干爽不笠，做小点好啱。炸盐酥鸡$48，香气即开，份量刚好，边倾偈边食最适合🍗孜然粉同梅子粉喺枱上面任加，一定够晒味道！饮品方面，仙草奶茶$28可少甜走冰，成日都点呢款，入口有几分台式奶茶的底韵，带清爽仙草回甘😍黑糖珍珠鲜奶$34就拣少甜少冰，考虑到珍珠本身偏甜，整体更顺口，甜度恰到好处🧋整体配搭由面到小食再到饮品，口味有层次；价位清楚，按喜好调甜度同冰量更就心口味，食完开心又满足👍#牛三宝面 #红烧半筋半肉面 #芋泥肉松蛋卷饼 #炸盐酥鸡 #仙草奶茶 #黑糖珍珠奶茶 #少甜走冰 #少甜少冰 #牛肉控 #台式风味 #黄怪兽 #黄怪兽吃喝玩乐…查看更多

见咁多人都话呢间餐厅好食，经过观塘就决定入去试下。餐厅座位唔算多，入座安排有Ｄ混乱，感觉人手唔太够。我哋叫咗一个牛肉面、一份蛋饼、两款小食：炸鱿鱼同梅子地瓜条。落单后等咗好耐，催咗两次先上齐。牛肉面汤底算浓郁，但牛肉偏硬，好难咬得开:(地瓜条味道普通，自己加咗好多梅子粉都冇乜梅子味。炸鱿鱼就算系正常发挥，炸得香脆但冇太大惊喜。蛋饼亦都偏向一般，冇特别突出。整体而言，食物质素同服务都唔算理想，可能因为太多人推介而期望过高，试过一次就够，未必会再黎。…查看更多