日常冰室 (MONTEREY Place)

食个早餐要等成个钟 ，由10:20落单到11:30先有！过程中仲有人话：「我以为你取消咗 」。听到真系笑死，你话我取消咗，我仲坐度等成个钟做咩啊？问下客都唔识？忙唔代表可以咁敷衍㖞，用下脑谂吓啦。中途我身边啲人食完走晒，我已经催咗两次单都无用，感觉完全被遗忘。杯嘢饮啲冰都溶晒，心情真系跌到谷底。真系唔明白，忙都要有基本态度，咁样做生意点得？下次绝对唔会再帮衬，大家去之前要小心睇路，免得浪费时间同心情。#食早餐 #排队等餐 #服务差劲 #唔会再去…查看更多

好耐冇写食评～简单记录一下～按完摩因为晏了，直接走落嚟食嘢之前已经听过话啲嘢食麻麻哋，但系窗边座位好开阳舒适，都想me time一下。餐牌好搞笑，同个手机程式又唔同，手机𠮶度净系写午餐A-F当时已经谂住应该系门口块黑板写𠮶个B餐，印象中好似系鱼肉，都想食清淡，所以就随缘咁样揿咗😂鱼肉松散，不是好的鱼，不过啲瓜菜就几靓乌冬还好吧$59有埋嘢饮同呢个风景都OK嘅。如果喺其他日子时间有其他选项，可能就未必会拣佢。…查看更多

本人曾为贵店长期顾客，过往对食物质素甚为满意，但近日体验令人极度失望。贵店装修后水准明显下滑，具体问题如下： 1. **食材品质低劣** - 鸡蛋失去应有蛋香，意粉煮制粗糙（过软或调味失当）。 - 最严重为昨晚透过网上外卖平台订购的「椒盐鲜鱿」（价值港币110元）： - 外观已令人食欲全失，炸粉潮软不脆。 - 鲜鱿分量少且极不新鲜，口感如「软身擦胶」，带有死鱼腥味。 2. **售后服务怠慢** - 致电店舖反映时，仅获公式化回覆「会跟进」，老板始终未主动联系。 过往贵店人龙不断，足见口碑良好，但现状恐让顾客流失。望正视客人诉求。…查看更多

闲日晚上经过，本身无期望，但肚饿所以试吓，发觉好好食，推荐大家一试！最出色嘅系西柠鸡同黑椒牛柳，健身人士（如我）建议可试鸡胸！杯热奶茶都几好饮，好滑！价钱合理。…查看更多

试业第二日冲咗将澳海傍新茶室  食物有惊喜但衞生吓到心脏病发💔  ✅ **食物亮点  ▫️瑞士汁捞面挂汁力Max  ▫️西多士厚过PS5手掣  ▫️柠茶酸爽度爆灯  🚨 核爆级问题  ⚠️目击员工执完垃圾徒手摆餐具  忠告**：  ▫️外卖自取较稳阵  ▫️自备消毒湿纸巾  ▫️洁癖人士请绕道  将澳新店实测 #衞生黑名单 #服务灾难级 #试业期避雷 #香港食安实录 #消费者权益 #茶记暗黑学 #Foodie惨痛经历…查看更多