日嚐

营业中

休息中

看到筆者在紅磡覓食，就知道這天又有演唱會要看了！今次由朋友話事，帶筆者來到紅磡明安街的這間「日嚐」小店一試。揀選了自由配搭的二人前晚餐，分別有2份季節沙律、北海道帶子、磯燒鮑魚、2份肉類、2份主食，再包2杯飲品。紫薯球質感棉密，淡甜味道，中間夾雜著青蘋果粒粒，添了一些爽脆口感。不過兩者之間還是以紫薯香味為主。茄子經醃漬，入口帶點醬油鹹香。配上鰹魚碎片作裝飾點綴，的確挺有和風感覺。北海道帶子帶子口感厚實，還有少許彈牙。入口甘甜之餘，亦有著醬油香味。磯燒鮑魚鮑魚質感十分彈牙，還帶些爽口。味道是鮮味中有鹹香，juicy有嚼勁。黑毛豬肉嫩，咀嚼間有肉汁溢出，充滿豚香味。和蘋果蓉的甜香異常配搭。不過未知是豬隻品種原因，還是肉未熟透，有1-2塊豬肉的中間部分粉色且帶有血水（如上圖所示），不太敢吃。雞扒厚切，因為慢煮關係，肉質保持著嫩滑juicy。泰式做法令雞肉帶著香料味道，入口幾香幾惹味的。主食選了蕎麥麵，配上沾汁，夠健康。2杯跟餐飲品分別點了白桃烏龍、白桃乳酪。味道正常，不過不失。

今日嚟到紅磡區內名氣小店：日嚐慢煮生活，食個精緻的日式家常便飯餐。知道呢間都係人氣小店，店內設最低消費每位一個套餐。所有主菜同小碟都可以隨意配搭同價錢選購，啱晒我呢啲有選擇困難症嘅人。慢煮美國封門柳（限量發售）配柚子赤味噌  $118一直好鍾意食封門柳，牛肉味好濃郁，呢個價錢有咁多塊牛肉，實在值回票價用慢煮手法去烹調，牛肉軟腍適中，十分推介加上赤味噌嘅鹹味，更能吊出食材嘅鮮香稻庭烏冬（藥膳濃湯）烏冬份量都足夠，我哋非常鍾意佢嘅藥膳湯底感覺健康之餘，又有風味青蘋果紫薯球 大大個紫薯球睇落都好吸引紫薯好幼滑，加上一塊塊嘅青蘋果口感更有層次日式大根大根好入味，配烏冬一流慢煮黑毛豬配肉桂蘋果蓉 $98呢款黑毛豬份量都真係幾多慢煮豬扒粉嫩保有唔少肉汁食得出係幾靚嘅豬扒我覺得配埋蘋果蓉嘅香甜會更好食越光米飯醬油蛋 $8本身越光米已經係粒粒分明，格外香口加上醬油蛋就更加之不得了醬油嘅鹹香加上無盡嘅蛋汁真係超正酸忌廉煙肉薯仔沙律（內含蔥＆生洋蔥） $8呢款沙律都好有心思，勁足料又有酸忌廉，又有洋蔥等等開胃之餘，口感亦好豐富話梅漬番茄 $3蕃茄好香甜，加埋話梅漬更能帶出酸甜香味醒胃好食，加幾蚊有得食實在

今日（5-4-2025 Sat）老公嘅男友人IN爸爸設靈，我哋嚟呢喥食個晚飯先，時間仍早，但都已有3枱客，我哋被安排坐最後嗰張二人枱，我哋掃code落單，就要$268.00嘅自由選擇二人套餐，已配有北海道帶子，磯燒鮑魚，要咗：3. 熱桂花烏龍茶係茶包嚟，味道消清清地，唔錯。4. 熱苿莉花茶竟然有玫瑰花，飲落味道同樣係清清地，舒服。1. 藥膳濃湯稻庭烏冬，加$28.00嘅銀鱈魚西京燒， 青蘋果紫薯球，加$4.00嘅芝麻紅豆福餅睇見份量唔算多，稻庭烏冬可以揀湯底，而佢嘅口感開始偏腍但啱我，藥膳濃湯味道淡，同似豬骨濃湯多啲，會唔會俾錯咗？但我唔記得攞張單。2分青蘋果紫薯球好靚，而原來青蘋果粒藏咗喺紫薯蓉入面，紫薯蓉唔太甜，夾咗微酸嘅青蘋果粒，又幾得意。3分北海道帶子係啱啱熟，唔會嚡。5分磯燒鮑魚就食到啲燶味，但口感係正常唔錯。4分銀鱈魚西京燒魚肉嫩滑冇問題。3分芝麻紅豆福餅口感亦正常又唔太甜，ok嘅。4分2. 冷蕎麥麵，慢煮鴨胸，南瓜佃煮南瓜佃煮，普通唔覺有咩特別。3分冷蕎麥麵冇味係正常，要沾汁同食，冇乜問題。3分睇見鴨胸皮下脂肪都唔薄，食落，鴨肉嫩滑，唔錯。4分環境：我哋一開門，就已經感覺

談到日式料理🇯🇵除了壽司、拉麵外，暖心的家常定食亦同樣能俘虜不少人的胃口❣️這次到訪的小店位於紅磡，主打慢煮料理😚一直的默默耕耘令它廣納粉絲，成為紅磡美食名店之一😎———————————————————————這裡的定食套餐包括兩份手工沙律、一份主菜、一份主食和一碗湯品，以大約$100的價錢來說，性價比相當吸引😍豬肉肉味濃而且肉汁豐富🐽雖然脂肪比例低但質感依然厚實有彈性😋與清新解膩的肉桂蘋果蓉可說是天作之合😊經慢煮後的封門柳大約五成熟🐮外層有少許焦香🔥內裡肉質保持嫩滑😌在沒有太多調味下，牛味相當凸出🤩將封門柳肉味濃的特色發揮得淋漓盡致👍🏻紫薯蓉壓得非常細膩，口感十分綿密😊味道清甜😋青蘋果粒的混合添加了爽脆口感😳其酸酸甜甜的味道亦令沙律更加清新🌿茄子質感軟爛，有淡淡味噌香氣😌鹹甜交雜😆加上木魚絲，味道充滿日式風味🇯🇵南瓜同樣煮得軟爛綿密☺️但調味方面稍甜🤨令南瓜本身的清甜味道略嫌被掩蓋😗———————————————————————從前菜至主食，日嚐都一一用心處理💕雖然沒有什麼驚為天人的味道，但其心思已能經食物傳達給食客🥳

日日行過哩間鋪頭，都好full下，今日收工早少少，睇到有位快D試試。店鋪唔大，得幾張台，以原木裝修為主，都幾溫馨。晚餐提供數款日式套餐，平平地已經有埋兩款手工沙律，餐湯，主菜同主食。可樂，係套餐搭配，會搭配埋冰杯，唔錯。慢煮美國封門柳，搭配柚子胡椒醬同越光米飯。封門柳大約5成熟，外面焦香，內裡仲要紅色。食落肉質軟嫩，牛味好香好juice。越光米好高質，米飯煮到粒粒分明，有韌性又好甜。南瓜佃煮同蘋果紫薯球，南瓜綿密香甜，紫薯細膩似甜品多D。酸忌廉煙肉薯仔沙律，酸忌廉唔會好酸，同薯仔都幾搭下。裡面加咗洋蔥同煙肉，味道好豐富。慢煮和牛舌，牛舌勁厚一件，用慢煮方式烹飪牛舌，食落唔會覺得un, 反而覺得軟嫩爽口。稻庭烏冬揀咗昆布木魚湯，烏冬食落好彈牙。木魚湯用咗好多木魚花同昆布煲制，清澈透亮，同烏冬好夾。柚子青瓜漬同和風茄子，青瓜漬酸甜爽口，茄子軟嫩味增味濃，兩款小菜都唔錯。

呢間餐廳估唔到坐滿人！### 千層塔玉子燒 (HK$ 28)這道千層塔玉子燒最推！外表金黃，搭配一點點醬油，讓整體味道更加突出。是一道非常適合開胃的小菜。### 慢煮黑毛豬配肉桂蘋果蓉 (HK$ 98)這道菜的黑毛豬食落似叉燒～肉與肉桂蘋果蓉的組合也相當有趣。肉桂的香氣與蘋果的酸甜完美融合### 稻庭烏冬 昆布木魚湯這道稻庭烏冬的湯底清淡又鮮美，烏冬麵條彈牙，吸附了湯汁的精華。### 青蘋果紫薯球這道青蘋果紫薯球色彩鮮艷，口感獨特。青蘋果的清新與紫薯的甜美相互交融，帶來驚喜。### 和風茄子和風茄子的味道清新，茄子的口感滑嫩，搭配的調味料恰到好處，讓人感受到日式料理的精緻。### 慢煮美國封門柳（限量發售） (HK$ 118)這道慢煮美國封門柳肉質鮮嫩，口感厚實。份量很不錯！### 燒汁越光米飯搭配的燒汁越光米飯粒粒分明，加上醬油蛋撈飯 好食～### 日式大根這道日式大根清爽可口，恰到好處的入味，為整個餐點增添了一絲清新。### 南瓜佃煮 南瓜佃煮甘甜可口，搭配的醬汁恰到好處，讓這道小菜成為餐桌上的亮點。日嚐 (紅磡)紅磡明安街10號寶石戲院地下F號舖

餐廳裝修簡約日系風，套餐包括2個手工沙律, 主食, 清湯同餐飲叫咗兩個唔同嘅套餐，慢煮澳洲牛舌同慢煮封門柳。肉嘅份量都多, 夠晒飽! 慢煮澳洲牛舌好嫩滑，份量都算多，牛味都幾濃，醬汁亦配搭得好好！推介!慢煮封門柳都煮得唔錯，肉質幾粉嫩，本身好驚會好韌，點知入口非常軟身易咬！手工沙津揀左青蘋果紫薯球🍎🍠、和風茄子🍆、黃金菠菜🥬同南瓜🎃，幾特別，味道都ok！主食方面，揀咗蕎麥麵🍜同飯🍚。蕎麥麵幾煙韌，個汁都ok！

Openrice寫17:30，17:35到見到寫住‘’休息中‘’，見到入面員工A係到打機，等到17:50都唔見佢轉牌，員工A塞住耳機趴左係到訓覺。我敲門無人應，再開門禮貌地問‘請問係咪開門啦？’員工B戴住口罩揮手表示‘不是’，完全聽唔到佢講咩，再問，佢話開6pm我問點解你隔離同事剛才話17:45？ 之後佢話因為師傳未準備好…..其實如果佢地有笑容有禮貌地解釋，我係絕對唔介意等…..見到佢地咁，我已經完全冇興趣走左，食物未有機會評論

晚上7點幾近8點同朋友黎食飯，排左10分鐘隊就入得去。坐低無耐就用QR Code落單，見到好多野都售罄都算，Staff話無白飯，如果要白飯就要等20分鐘。咁我哋OK可以等20分鐘，但用QR Code落唔到單因為佢寫售罄。咁我叫Staff人手幫手落單，佢就話唔可以人手落要QR Code落。但白飯售罄無得選擇，咁又點可以用QR Code落呢？我同Staff講話QR Code無得選擇白飯因為售罄，你幫手落單得唔得？佢都係繼續話要用QR Code落單唔可以人手落單。請問我點落單呀？隔左1分鐘之後，個Staff仲好串咁話用餐時間1個鐘，白飯要等20分鐘，你哋要等白飯就出去門口等，唔好霸住張枱。(出面無人排隊，餐廳亦都唔滿，有2-3張吉枱)見你咁既態度(蠢唔蠢我都唔評論了)，我哋即起身走人。再見。多謝你，已BlackList。

黃埔 ≣ 日嚐・ゆっくりで生活します𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎黃埔 明安街 日系家庭料理小店主打 「 定食套餐 」 自家手工配菜鋪頭細細間 同大角咀一樣 坐得逼夾個人推介佢地既「 限量慢煮封門柳 」份量都唔錯 有大概8-10件 仲係厚切記得加配醬油蛋 配上越光米飯 香氣十足可惜朋友推薦既「銀鱈魚西京燒」 賣晒足足有一塊半咁多 焦香嫩滑 聽到流晒口水🜸▸ 午市套餐  ┅ HKD 124■ 慢煮美國封門柳 ■ 越光米飯 ■ ■ 青蘋果紫薯球 ■ 柚子青瓜漬 ■■ 冬瓜茶 (C)▸ 午市套餐 ┅ HKD 130■ 越光米飯 ■ 千層塔玉子燒 ■■ 法國鴨胸配柚子BBQ醬 ■■ 南瓜佃煮 ■ 話梅漬番茄 ■ ■ 醬油蛋 ■ 冰糖雪梨茶 (C)𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ CHILL HOUSE 日 嚐 𖠿  𓂃𖠚∗ᤲ𑀇 ❀❜ 紅磡明安街10號寶石戲院地下F號舖Shop F, G/F, Lux Theatre, 12-18 Ming On Street Hung Hom@ccchill_houseee· ┈

舖頭晚市下午六點開門，未夠6點門口已經有人龍開始排隊☺️好彩我都成功喺第一批入座☺️舖頭已定食形式點餐，先揀主菜再揀飯或烏冬及湯底，仲有兩款小食、湯同埋菜，有需要可以加其他飲品😊我同朋友都食到好滿足🥰😋慢煮美國封門柳（限量發售）配柚子胡椒鹽+稻庭烏冬（豬骨濃湯）+青蘋果紫薯球+柚子青瓜漬+無糖可樂牛肉新鮮用慢煮形式，所以整出嚟好粉嫩粉嫩😊而且份量多😙烏冬湯底好濃郁😗青瓜味道酸酸甜甜好開胃☺️如果紫薯球好靚好啱打卡呢個配搭亦都好新鮮好味😊😋慢煮澳洲和牛牛舌（限量發售）+稻庭烏冬（藥膳濃湯）+日式大根+和風茄子+熱茉莉花茶要大讚呢個牛舌好爽口，口感一流👍🏻而我個烏冬湯底就叫咗藥膳🤗味道都好濃郁，食得出店家落足料🤭小食方面就同朋友嗌咗唔同，因為可以交換食😍蘿蔔同埋茄子都醃得好入味煮得好淋👍🏻

呢間店有種日式居家嘅感覺🏠帶過屋企人嚟食，嘴刁嘅佢地都表示滿意全日套餐有唔同嘅選擇揀咗$118《慢煮美國封門柳》同$88《慢煮豬頸肉配荔枝玫瑰醬》啲肉被佢煮到好好吃本身套餐配蕎麥冷麵或者越光米飯餐唔包括醬油蛋，大力建議要加$8追加‼️加$8可配埋明太子醬，撈飯好正，都值得🤌🏼佢嘅季節沙律都係高質素，推介加$5揀《話梅漬番茄》，好開胃啊其他大根、紫薯同埋南瓜都唔錯佢每個食材都no kidding地食得出係用心挑選、製作同調味連伴碟嘅沙律菜都落咗柚子醋🥹，心思可嘉啲食物擺埋一齊靚到，隨手就影到靚靚食物相食物嘅精緻同味道係值得呢個價錢有餘✨飲品方面，跟餐配無糖玄米茶但係建議加$10陳皮檸檬茶，啱晒夏天消暑消濟🥰

今日帶了媽媽去紅磡寶石戲院地下的「日嚐」，品嚐了兩款精緻的日式料理。銀鱈魚西京燒絕對是亮點，魚肉雪白細嫩，媽咪很喜歡！味噌醬汁甜鹹適中，烤得恰到好處，外皮微焦而內裡保持濕潤，搭配粒粒分明的越光米飯，令人回味。附餐的青蘋果紫薯球創意十足，紫薯香甜綿密，青蘋果帶來清新平衡。 豚肉生薑燒同樣出色，豬肉片軟嫩多汁，生薑醬汁香氣撲鼻，非常下飯。跟餐的和風茄子有口感，跟木魚非常配搭另外散叫的日式燒蛋蛋香濃郁，層次豐富。 餐廳環境簡潔舒適，服務親切，媽媽第二天又帶了朋友去消費😆📍地址：紅磡明安街10號寶石戲院地下F號舖

今次同家姐嚟到紅磡行街，經過一間日式餐廳，睇到門口嘅餐牌都好吸引呢～而且午市套餐真係超抵食，人均都係 $100左右，選擇又豐富，可以根據自己嘅口味組合唔同嘅主食同手工沙律，決定係門口排隊等一陣。餐廳主打慢煮同手工料理，由主菜到配菜都充滿心思，而且份量都好多呢。主菜方面，特別推薦慢煮封門柳，肉質軟嫩濃郁，搭配埋青蘋果紫薯球，清新開胃之餘，口感豐富。我哋仲追加咗一份小食廣島蠔，蠔肉滑嫩鮮甜，yumyum 🤤另一道份主食係慢煮黑毛豬配肉桂蘋果蓉，肉質嫩滑多汁，外層帶有焦香，加埋肉桂蘋果蓉，甜味同肉香配合得啱啱好，完全無油膩感。甜品嘅蜜瓜福餅甜度適中，口感軟滑，亦有淡淡嘅蜜瓜清香。✨ 慢煮美國封門柳配稻庭烏冬青蘋果紫薯球✨ 慢煮黑毛豬配肉桂蘋果蓉配越光米飯✨ 廣島蠔✨ 陳皮檸檬茶✨ 蜜瓜福餅

唔想講咁多，寫呢編食評係想講呢間野唯一女侍應，一入口話2位，全程口黑口黑面！問可以坐邊，佢就手指指咁，一句話隨便坐都冇！唔知以為佢係聾啞人士～之後就劈低個QR code 牌，又係口黑口面咁轉身走，心唸…你地間野係咪唔憂做？咁趕客嘅！就算你地D野有幾多食，咁嘅態度真係唔會再返頭！