施心畢老撾餐廳

营业中

休息中

俾個古惑的風貝碧嘉玩死，臨收工之前網上瘋傳會打八號波，搞到本來約咗去老蘭啲friends都臨時放晒飛機。得番兩丁友來到中環，都無癮行上去蘭桂坊了，唯有轉陣去食個飯算。朋友知道附近有間特色嘢，我問有幾特色? 佢用帶有挑戰嘅眼神，話老撾菜……說老實，老撾隔籬左右嘅國家，如: 泰國、越南、緬甸和柬埔寨，通通去過晒，食勻晒，係單單未去過老撾，成世人亦都未食過老撾菜。就係咁，我接受佢嘅挑戰。上到來，見這間餐廳修裝幾簡潔，亦充滿東南亞風格。再望望，見到張大海布，原來店主上過近排人氣電視節目。再睇睇餐牌，啲嘢食價格都唔貴，中環呢區係呢啲價架喇。賣相都幾精緻，個樣仲有啲似韓式炸雞，完全相像唔到原來老撾食物係韓式。好重牛油味，外面撒上些nuts，味道又甜甜地 (好似有蜜糖) ，整體都好惹味。青檸梳打甜度有得選擇，只要出聲，店長可以按你需要而調節甜度，甚至加多些青檸增加酸度。真體貼! 不過，有一樣唔多好就係，餐廳用咗紙杯唔夠環保。隻碟好特別，個pattern 係印到好似隻竹碟。至於上面的青芒果沙律又砌得幾靚，紅紅綠綠兼又紫色，呢啲就係東南正色彩了。食落都好清爽，仲好似食到啲類似魚露或蝦醬的味道，都幾特別。

中環基本咩菜我都食過架啦，但唯獨是laos 菜我真係未食過, 上網見到呢間野即刻就去食啦！上到去見到牆上既報章，原來係laos 末代皇族後裔創辦既，裝潢非常麼登 一d都唔老土！叫左個紅咖哩雞肉見球，用一個竹做既盤上台，賣相豐富，一邊係薯角，另一邊係紅咖哩，咖哩味道濃郁，雞肉煮得非常入味又嫩滑，配上紫米飯好夾！叫左個Laos 既網蝦米紙卷，紙米卷晶瑩剔透，非常薄，內裡餡料既蝦十分彈牙，配埋特別既醬汁 正！最後叫左個Laos勁辣牛皮醬特式沙律，辣得非常過隱，係個種又辣又想食既感覺，將牛皮醬釀入生菜 蕃茄青瓜中，食得辣既人係必食推介，非常地道！

老撾菜你又試過未？原來中環有間樓上老撾餐廳，價錢掋食。老撾咖啡 ($17) 像越式咖啡，都是用滴漏形式，混上煉奶做成。杯子精緻，真想帶回家。南薑香芋梳打 ($24) 夠特别，像薑味梳打，但芋頭味未見突岀。是拉差牛油雞翼 ($48) 即叫即炸，味道又甜又辣，味覺有雙重享受。雖然很熱氣，但非常惹味。老撾青芒果沙律 ($68) 很特别，香甜芒果配上爽口青瓜，底下還有蘿蔔，顔色鮮豔，不但賣相吸引，而且甜甜酸酸的令人開胃。加了蝦米和花生碎，有點像泰式的青木瓜沙律，但就一點也不辣。老撾雞肉100%全米湯粉 ($78)顔色太吸引了！湯底是用雞肉熬岀來，有香濃的椰香味，還有豆卜在內。其米粉是自家製的，100% 也是用米做成，難怪更有米香。口感也煮得煙韌，值得一試。老撾海鮮100%全米湯粉 ($88) 的湯底是用海鮮熬製的，比雞肉米湯粉的雞湯更清甜。材料也不吝嗇，有蝦、魷魚和青口等等。上面鋪上大量像蝦片的脆片，索了湯汁後變稔了點更好吃。

今日同朋友講起想食D特別少少既菜,就去左中環施心畢老撾餐廳食下老撾菜原來美女廚房都有個環境都幾舒服睇下食咩先有D醬可以自己加今日點左是拉差牛油雞翼,老撾網狀春卷.老撾海鮮米粉,老撾青芒沙律,老撾芒果黑白糯米飯,南薑香茅梳打,青檸梳打是拉差牛油雞翼--少少辣都幾入味老撾網狀春卷--用新鮮生菜包住黎食都不俗,春卷炸得幾好外面脆而唔會好油膩老撾海鮮米粉--個米粉都幾大碗,好多料,蝦算好鮮味,個米做炸脆口感唔錯,味道都特別老撾青芒沙律--少少辣幾好食,混合完唔錯老撾芒果黑白糯米飯-飯後甜品,甜甜地,混合左有脆口花生幾好食,芒果新鮮配合椰絲都唔錯南薑香茅梳打,青檸梳打--香茅味飲落凍凍地幾好

.美女廚房老撾皇族血統廚神😻施心畢老撾餐廳😊.🎏老撾雞肉100%全米湯粉 ($68)雞肉米粉配的是椰奶湯底，又香又濃🍜米粉偏軟，所以盡吸椰子精華全米湯粉的份量好大碗👍🏼好抵食.🎏老撾燒雞肉卷沙律 ($68)有個酸酸地的老撾特色醬自己落用來點沙律菜和雞肉感覺幾開胃.🎏老撾蠔油雞翼 ($48)是單骨雞翼，方便食第一次食蠔油雞翼呢個配搭好有特色又幾好食.🎏老撾燒豬頸肉 ($48)豬頸肉燒得幾香都可以點個酸酸地既醬幾好味不過就有少少硬.飲品：🎏老撾咖啡 ($17)🎏龍眼梳打 ($24)🎏🎏🎏🎏🎏🎏🎏🎏🎏🎏🎏🎏施心畢老撾餐廳📍中環威靈頓街98號翡翠中心4樓#hkfoodieslife🎏#hkfoodieslife中環🎏

是日約了係朋友食晚餐,　朋友在中環返工,　推介左呢間老濄特色菜.因爲係平日,　所以人流唔多,　我地兩個可以靜靜地暢談.打開個餐牌,　見到多款菜色,　總類大概分為六類:　老濄100%全米湯粉老濄見求　(見求=飯)老濄沙律米紙卷小食飲品因爲未食過老濄菜,　對餐牌的食物比較陌生.　經店員細心介紹後,　我地選左:老濄牛肉100%全米湯粉　$78呢個牛肉湯米湯底係牛骨熬的.　平時喜歡越式牛肉粉的我真心覺得唔錯.　湯底有濃濃的牛骨味,　清甜的,　味精唔重.　牛肉厚厚的有4大片,　加上大量香料,　牙菜,　豆朴, 花生醉，蒜粒。 不論牛肉配料和米粉都分量十足！ 特別一提個米粉,　很香米味很彈牙,　雖然最後食到飽飽地我都堅持要食晒個米粉.　唔錯唔錯!!!白咖哩鶏肉見求 $78呢個飯色香味俱全。有白咖喱汁，雞肉，和大量唔同種類的配菜 (茄子，豆角，薯角，青瓜，baby corn). 見求（個飯）係紅米加糯米，口感十足！老渦青芒果沙律　$68泰式青木瓜沙律就食得多，青芒果就第一次食。 其實texture是差不多，爽口的，酸酸甜甜的，店員告訴我地個汁系老濄的一種特色醬汁，感覺幾清新，十分醒胃。老渦小食拼盤

<香港首間正宗寮國菜>😆見到雜誌都有介紹呢間施心畢老撾係香港首間老撾菜 老撾即係 寮國 🙂 喺越南泰國 柬埔寨地區附近 上網睇 原來廚師係有老撾皇族血統 上過美女廚房 , 而食店名係用佢婆婆姓氏命名🙂 雖然係甘勁 但我始終都係在意食物味道最多😂 睇番 menu 主要分為小食 全米湯粉 同老撾見求(飯) 🍚 🍴老撾海鮮100%全米湯粉 🦐🐟🦀🍜 88 蚊佢每一種湯粉既湯底都唔同 呢個當然係海鮮湯底 鮮甜中 又落左香茅等香料 🌿 仲有 d微辣 幾醒胃 全米湯粉果然唔同 d米味香 口感比較煙靭 飽肚感會多少少😄 而且材料豐富 有煲到淋蝦肉🦐 彈牙墨魚丸 🦑豆卜 魷魚 青口 彈牙魚餅🐟 仲有芽菜🌿同爽口既心美蘿蔔 🥕 d海鮮新鮮 盡吸湯汁 如果鍾意食辣既朋友可以加埋 d鮮辣椒 更加惹味😈🍴施心畢豐食拼盤 88 蚊😋有彈牙帶 d 香草香味既魚餅 🐟🌿外面香脆入面充滿蝦膠既蝦春卷 🦐 又脆又厚既入味蝦片 好香脆入面充滿肥味豬肉碎既豬春卷🐷 仲有好似炸兩既素米紙卷🌿外面有包皮 入面有類似油炸鬼既脆脆連埋青瓜 🥒幾重口感😃 而側邊自製既醬汁 點乜野都得 👍🏻 幾清新開胃😋🍴老撾燒

Simsobath係老撾皇朝皇族名字，係有上過美女廚房先認識。今日星期六嚟到中環行下半山位，晚上再專登落返半山近腳揾佢試下，第一次食唔知點？店員有話老撾人食酸食辣，有辣牛肉醬有3個辣椒，未有膽量挑戰！食住2個既是拉差牛油雞翼。是拉差牛油雞翼$48雖然2辣，但係唔太過！我食小辣都食到，佢係食兩啖先出辣，而辣似係炸香既香料既感覺，仲有炸蒜！雞皮係似中菜食既蜜汁雞翼咁，甜甜的！老撾青芒果沙律 $68辣味超過是拉差牛油雞翼既辣度，好多份量！因為擇左素食，所以無加蝦米！老撾燒豬頸肉 $48有一半超林，超juicy，有油光無呃你！仲要比平時食既厚至少一倍！有一半係有咬肉感，似脆非脆！老撾網蝦米紙卷 $48有金不換在內好誇張地出味，炸蝦都幾金黃既。個醬唔係辣既，有d鮮蝦感覺？酸酸味味咁！比起其他菜，依個普通d。白咖哩雞肉見求 $78好正好多野食！薯角熱辣辣。個飯係白米、糙米同糯米煮成，食落有d煙q感覺！白咖哩係有椰漿味配合！雞肉炒過有點火喉既，幾有雞味。加老撾太陽蛋，蛋黃橙黃食d，嘻，混飯！老撾扎肉墨魚100%全米湯粉 $78米香味超突出！睇返報導先知係直接老撾擺既，怪唔得同香港食過既唔同啦！扎肉厚

一講老撾菜，首先我是R頭，不知吃什麼，我亦未去過當地旅行。 兩個月前左右，在中環威靈頓街行過，見有個宣傳架，説有間上樓小店吃皇族老撾菜，價錢是相當貼地，飯是幾廿蚊送餐飲，好奇之下上去幫襯。 小店格局，光鮮企理： 牆上貼滿不同報紙訪問： 細閲訪問，原來鋪頭老闆的嫲嫲是末代老撾皇族的親信，姓氏就是店名「施心畢」，他從小在嫲嫲身上學懂烹調老撾菜，來港就自己開餐廳。 香港人對東南亞菜都不陌生：九龍城有「小泰國」之稱，越南菜近年亦百花齊放，老撾菜仍然很神秘。其實在香港聚居的老撾人大概只有300多人，算是小羣體，一般人少接觸它不足為奇。 餐廳內有小花園自己種植香草： 木筷子上也刻有店舖的名字： 初嘗老撾菜，我食後感是與其他東南亞菜式相近，味道冇咁辣，反而着重香料的運用，例如薄荷葉、茴香、鵝帝等，去提升味道層次，不會獨沽一味靠辣。 「青杧果沙律」$68，用「冰涼清脆」這四個字型容最貼切： 用了魚露和酸梅醬做調味，魚露是店舖用魚及蝦等自己釀，鹹鮮中多一重酸及香草味： 將醬汁淋在杧果絲、青瓜上，攪拌吃。碟底也鋪上心裏美蘿蔔，青杧果絲砌成塔，灑上花生碎及蝦米，醒胃的

約了朋友和同事出街吃飯，本打算吃台灣菜，但去到已大排長龍，我們只好到同座的另一食肆看，那處門口不多人，只等一張四人枱，便決定吃這間！因午飯時間緊迫，中環四處又多人，再揀就沒飯吃了。很幸運地安排坐窗口位。窗台的位置，放了餐具和調味品，方便客人取用。枱面和坐位很夠大，枱和枱的距離又夠濶，裝修簡約和陳舊。我們趕時間，只看了簡單餐牌就落單了。伙計告訴 : <見求>，即是<飯>的意思。同事吃的《老撾牛肉100%全米湯粉》第一時間上枱。牛肉可揀七成熟或全熟，同事揀了全熟。她說湯底很有特式，但牛肉是雪藏，牛丸兩粒，配料是芽菜、豆卜、香葉等等。湯粉竟似湯麵。值65分。我吃的《白咖哩雞肉見求》份量很充足。賣相算精美。雞肉是炸的。汁太多而且過稀過鹹，薯條不夠脆，健康紫米飯反而OK。朋友吃的見求遲遲不見，我們追問時，伙計說飯要逐碟煮，所以較耐，如吃湯粉一分鐘就可煮出來。這個是藉口？朋友的見求終於來了！等超過20分鐘！朋友說 : 白咖哩汁香味足，味太鹹又太多。紫米有味飯都不錯。豬頸肉夠冧，味道略濃。其他配菜一般，長青豆太生，好似無煮過。補充 : 熱奶茶冲得不錯。這裡午餐時間可訂

因為同屋企人去大館行，所以先會去中環呢類貴區食。。 去openrice搵到呢間越南/泰國餐廳，睇個餐牌又唔算貴，不妨一試。上到去先知原來係大台綜藝節目入面試食既廚師真係好靚仔 見佢淨係坐係度以為做生招牌，原來都唔係。。。。。多order佢就會去煮，仲會試味。我地3個人叫左牛肉米，雞肉米，炸蝦餅同埋札肉米紙卷，兩杯凍咖啡。。 芒果晏晝已經無晒，無得食芒果糯米飯個店員好主張環保，佢話d菜係自己種，一次唔好叫咁多野食，可以分開幾次叫，我地都分左3次叫野食。。 哈哈。。 同埋問咩答咩，服務好好！牛肉米粉個湯底係牛肉煮的，咁又真係好香牛肉味，我嫌牛肉un 左少少；牛丸好彈牙，又夠味，比出面好食。米粉係勁正，出面真係食唔到。。因為好煙韌，無好行果d粉味。雞肉米粉個湯底係椰子雞湯，個湯底超正，家姐係飲晒成碗湯，share 左少少比我。。但係我已經想食佢果個。。 可惜我唔鐘意食雞肉。。無食過雞肉，所以不作評論。炸蝦餅好熱好脆，真係有蝦肉，又厚，應該真係手打。。跟果個醬有少少酸，應該都係自己整。。我覺得加唔加醬食都好正！最敗北係札肉米紙卷，因為d菜有點兒苦，成個卷又無咩味，所以個醬又唔係好夠用。。 凍咖

朋友介紹下第一次接觸老撾菜式在香港真是比較偏門少見的菜式，確實要試一試😚😚餐廳位於中環，店名很特別，”Sisombath” 施心畢原來是用上老撾皇朝的姓氏，亦是店主祖母的姓氏，好有意義和代表性 餐廳裝修簡潔光猛，食物分別有沙律、老撾粉、小食等午飯時間就點了這裡有名🐶老撾雞肉粉(椰汁湯底) 配無糖豆漿($68) + 🐶是拉差牛油雞翼($48)呢到既老撾湯粉用上100%全米湯粉，即是不另加綠豆粉的全米粉，口感真的比一般米粉煙韌爽滑而家點雞肉粉湯底用上香甜濃郁的椰汁湯，十分獨特，配上雞肉，難得地夾！是拉差牛油雞翼以單骨上碟，沾上獨特甜甜辣辣醬汁，好開胃！😋呢間老撾餐廳老闆能滿足港人口味又能保留大部分老撾食物的傳統特色確實難得一試的好餐廳！👍🏻

估唔到喺中環都可以食到老撾菜，就係位於威靈頓街翡翠中心樓上啦，lunch係有lunch set ! 我覺得有啲似越南菜咁，有牛肉，雞同海鮮米線可以選擇，仲有咖喱飯！個lunch set 仲包杯嘢飲，有老撾咖啡，同埋仲有香茅薑茶！呢碟係白咖喱雞飯，原來老撾咖喱雞飯係有咁多餸菜，估唔到仲有炸薯角呢杯係老撾咖啡，佢係用煉奶，所以比普通咖啡甜少少，賣相都幾精緻試吓個牛肉米線先，味道就一般，湯底只係微熱，如果熱啲更加好食呢碗係扎肉墨魚餅米線，不過我見到只係有墨魚丸😝😝味道尚可不過呢度環境都算幾歡堂，因為喺樓上所以都唔太需要等位，尚算不錯。

最近電視又出新一輯美女廚房，其中一位評判陳希裕Justin好吸睛，上網一睇原來佢有老撾皇族血統，又跟過米芝蓮大廚學廚，今年年頭係中環開左間餐廳，所以決定要黎試一試。地點餐廳位於翡翠中心，係正半山自動電梯底，非常方便，附近好多寫字樓，吸引左好多上班一族黎食lunch。裝修餐廳只有簡單裝修，有東南亞大排檔既原始風味。牆上貼左老闆既海報，亦都有不同既菜式名稱。枱同枱中間既空間都適中，唔會太迫。食物種類午市主食有老撾100%全米湯粉/老撾見求（飯）/老撾沙律，另外有幾款小食/老撾米紙卷，都有唔少款式。由於新店開張，午市主食附送熱飲，相信只係限時優惠。落單及等候時間午市都幾多人，可以電話訂枱，當日早上電話訂左兩位，但搵唔到我地個紀錄，店員都好快速係5分鐘內安排過另一張枱俾我地。我地點左老撾牛肉100%全米湯粉，老撾雞肉100%全米湯粉，老撾咖啡同南薑香茅水。老撾牛肉100%全米湯粉餐牌寫老撾湯粉有四種湯底，以為要揀，原來係每種唔同配料已經set 好跟咩湯底，牛肉湯粉係跟牛肉湯，老撾湯粉同平時食開既越南粉唔同，湯底濃味d，但唔算超重牛味，每碗湯粉有大概3-4塊牛肉同2-3粒牛丸，仲有豆卜等等材料，

第一次食老撾菜蠻期待的。可能係平日啦，人很少，加埋我張枱，全場只得2枱。餐廳沒有特別裝潢，食物整體尚可，價錢合理，但⋯沒有驚喜。如果想靜靜地同朋友食飯傾計，也許可以考慮。