新駿皇窩心小棧

营业中

休息中

店員（ 四眼姨姨）好有正能量，笑面迎人，好有禮貌～顧客唔小心倒瀉咗飲品，四眼姨姨唔單止冇黑面，仲問顧客要唔要重新整多一杯，每次黎食，都見到佢同每個顧客有講有笑～ 另外佢同其他員工都有講有笑，氣氛好好～見到佢，食都食得開心 ~ 😆 值得稱讚❤️枸杞湯好鮮甜～ 豬腰豬潤好新鮮👍🏼 份量又夠大～

其實都已經好耐冇嚟呢間新駿皇，上次估唔到佢竟然咁鬼多人，直頭入去爆曬，座無虛席，仲叫我等位，但係我得45分鐘之後要去接返嬰兒，於是食唔到，呢次反而晏少少，三個人一齊去，反而有位。話說佢以前喺點心舖隔離原本嘅位置，我都已經食過，一路望住新駿皇開，直頭睇住駿皇嗰個招牌拆落嚟放喺地下嗰一刻。以前一份都係食佢一個隻味皇喇沙麵條，這次隔咗咁多年再去，梗係又要食返，味皇喇沙，其實我覺得比較似健康版的喇沙，內裏加了苦瓜、蕃茄、但有沒有我最討厭的青椒紅椒，因此吃起上來相當怡人清身，本身湯底甜香，只帶少許辣味，係非常之開胃。另外雞扒而家仲有得拎相，其實以前浸喺湯入邊都已經唔差，反而另上煎得比較乾，不比放在湯內好，吃力不討好，之後我都係放返雞扒入去湯嗰度，浸軟佢嗰層雞皮先至食，更加好。人流唔多，阿姐都比較輕鬆，面露寬容。另外加咗個紅油抄手，紅油都唔算好辣，小雲吞般的狀態，內裏少許肉，酸辣的味道，相當可口。除非嗰間餐廳真係好出名得一兩樣嘢，否則我同太太都好少會去餐廳叫同一款食品。這是她點的豬什，好似我以前都有食過，估唔到，湯底非常清，清新，帶點甜香的味道，而且豬什嘅份量多得客人，無論豬肚、定係豬潤，又爽，又

呢間 打正旗號 賣 枸杞麵新駿王 已經屹立左好多年係元朗 老字號😎好少人將枸杞當成一碗麵嘅菜款但 佢食落 絕對 唔會草青味因為湯底 濃郁既 豬湯味 令到碗麵好好食當然唔鍾意枸杞嘅話仲可以揀其他嘅菜娃娃菜、蘿蔔、白菜、鮮茄 ⋯仲有兩款主食豬、牛、雞嘅各種肉都可以想補下身叫返個「枸杞豬潤瘦肉麵」就最Happy面底方面 就可以揀撈麵、淨湯、白飯撈麵 極高CP值因為啲蔥蒜超級香另外仲撈左啲豬油提升咗麵既 質素每一碗麵都一定超夠飽！😋😋😋

本來想去附近俊賢坊食【大成麵館】魚餐，但因忘記星期日休息摸門釘，所以就轉去新駿皇試一下。我只幫襯過巴士總站剛開業時駿皇，幫襯咗一輪就冇再幫襯了 ! 之後搬咗去現址改名新駿皇，我就一直都未幫襯過，今日終於可第一次幫襯試下了 !今日兩個人去諗住食魚，見門口餐牌有個晚市蒸餸套餐$163元，可選一款蒸魚、再跟半隻蔥油雞、白飯、再送油菜+例湯+凍飲加$3元、及凍檸樂加$7元。坐低卡位先奉上兩杯暖水，水杯係不鏽鋼杯幾精緻幾靚。落咗 Order 叫晚市蒸餸套餐後，先上兩碗中式例湯，係南瓜胡椒湯，唔見有豬肉及豬骨，感覺係用胡椒重味去化替豬肉或豬骨?! 不過有部份人尤其老人家或小童，係唔受得胡椒辛辣味，希望加番啲急凍豬湯骨提升鮮味，唔好為降低成本用胡椒啦 ! 阿姐服務態度都唔錯，而且係用手機落 Order 都幾先進。揀咗豉汁蒸鯧魚，約 5 分鐘後先上蔥油雞半隻，雞算見肉好厚冇乜肥膏，但肉質較鞋冇乜鮮味，雞皮都幾厚。蔥油佢直接鋪面上，而且蔥油非常淡味，我要自己加幾滴豉油先有味，建議蔥油分開上更好。之後陸續上油菜，我揀咗牛腩汁菜芯，菜芯好大氣好翠綠鮮嫩，渌得剛剛好唔會過淋，呢個油菜值得一讚 ! 隔咗約5至8

【元朗區】【新駿皇枸杞麵】由於疫情我少咗入學校幫手，近排都真係少入元朗食嘢。加上我亦都冇之前咁癡線成日無啦啦走入天水圍去懷緬我同我前度相處嘅時光，其實佢嘅身影喺我心裡面縈繞不散的話，我個人去到邊度都依然係咁嘅狀態嘅。當然好似元朗呢啲重心地段，無論我點樣嘗試都好，嗰啲畫面，當時嘅心情，到今日到依然歷歷在目。就算係搵其他女性朋友甚至係女學生陪我行嗰啲路，根本唔會係同一樣嘢嚟，所以呢招根本冇用，搞唔掂，算數好過。雖然個人就渾渾噩噩咁，但係都係識肚餓嘅。本身係想試一間粉麵店，吖點知佢冇開喎，唔知係咁啱冇開定係執咗，唔理啦，即刻喺附近搵嘢食。就見到呢間喇，我以為係新開，因為之前對呢個名冇乜印象，原來只係改名。唔叫「窩心小棧」叫「枸杞麵」咁就梗係要試吓佢哋嘅招牌菜枸杞葉，佢哋用嚟煮啲肉，之後再配飯麵咁，都幾清。肉類我揀咗「鮮瘦肉」同埋「鮮豬腰」，選料新鮮之下，又真係幾好味，枸杞葉就有啲苦同甘，好似幾有益。而五穀類嗰邊我要咗「特色撈麵」，原來仲有得揀撈咩麵，我就要咗「上海麵」，都撈得幾好食，有啲葱油加埋啲肉碎咁，幾惹味。加埋杯不過不失嘅「凍檸茶」走甜，$55 嘅價錢，我覺得唔差，至少佢有佢嘅獨特性先

2022.09.06今日同姊妹一齊食午餐、行街、Shopping…..😬😬😬我哋點咗麻辣鯛魚片湯麵+春菜鯇魚尾湯麵…..😋😋😋味道唔錯，職員又好禮貌…..👍🏻👍🏻👍🏻

估唔到8號風球都開門營業，呢次真係有一餐溫飽啦，食到飽飽，豬肝粉腸枸杞湯麵啲面好幼滑，但係啲湯就鹹咗少少🤏要清淡一啲住家feel咁就完美喇，麻辣酸菜魚麵味道好啱香港人食，啲魚好新鮮好爽滑，湯汁好正又唔會好辣辣度適中，店員服務態度好好，細心又窩心，下次再去幫襯食唔同嘅菜式啲面容易入口好味有啲似手打👍🏻

新駿皇窩心小棧這間餐廳經常經過，沒有食過。最近我同事再lunch time去食，三個點了兩碗鯛魚片台灣麵，一碗枸杞湯（有豬潤和瘦肉），另外再加淨墨丸。魚片很滑，如果能夠吃辣，加辣更加好食😋

駿皇除左一般既客飯之外,仲有湯麵都同湯飯都做得唔錯,而且佢地既湯底既選擇好多,除左一般既清湯之外,仲有蕃茄湯,麻辣湯同四川擔擔麵湯等等,而且可以選擇既配料都非常多,梗有一樣會岩你心水

天氣熱熱地吾知食咩好...想食下粉麵🍜🍜行到元朗廣場附近諗起 "新駿皇" , 晚餐一於去食🍽😋平時有睇開我寫食評既朋友仔都知我好鍾意影餐牌🤣🤣😃方便大家睇下餐牌有咩岩食😃😃如果鐘意食🐽豬內臟既朋友可以試下🐽豬腰🐽豬心🐽豬粉腸🐽 (比較少見）(ps: 本人只食過🐽豬潤 味道都ok, 其他豬內臟未試過🤣）煲仔小鍋蘿白牛筋腩配白飯 $52(可以轉麵，但配飯好似夾d )落單後，食物好快到白蘿蔔好多& 切到好簿🥕牛筋及牛腩好似各有2~3舊 左右（吾韌) 湯底飲落有少少胡椒味另一個就叫左🐽羅宋湯豬扒台灣麵🍜$45 天氣太熱🌞🌞叫左個羅宋湯湯底就岩晒😋😋酸酸地幾開胃🐽豬扒🐽肉質乾左少少台灣麵有d 似烏冬（口感實d)整體有4分

之前一直都食開，以為執咗笠！原來新裝修開返，一定要食一食，好懷念湯飯味道😎叫左2個外賣自取湯飯餐枸杞豬潤湯飯，娃娃菜肉片湯飯各$49/1 (外賣加1) 共$98返到屋企開餐，我就食娃娃菜肉片湯飯 ，一打開無唯意，再夾多幾夾...唔係嘛...菜得3條！肉得3塊😡😡😡其他全部湯，會唔會少得咁過份🤬留意返菜係細細3條！！唔係要求大大份，但份量少到咁，真心覺得被人呃😓真係好失望！

By far this is the best value rice noodles I have ever had! For HKD$44, you can have 3 toppings in various soup base. I chose handcraft beef balls, shrimp wantons, and mud carp fish balls. The soup base was kinda like laksa, but it wasn’t oily nor salty at all, felt like it’s MSG free, that’s why I ended up drinking most of it when having my needle noodles! So delicious!The beef balls were definitely a must order. It was so bouncy and rich in beef flavor. The shrimp wantons were very fresh and y

平時都有食開駿皇，但多數都係食佢嘅湯飯。今次一於試下佢嘅客家咸肉雞飯平時好少可以食到客家咸肉，十分入味。但雞肉反而有啲失色。冇咩味而且都係得雞翼尖多，冇咩肉食。朋友就叫咗一個麻辣鮮牛肉鯪魚滑米線。麻辣做得幾好，幾惹味。可以一試

約了經紀於附近睇樓，由於未夠鐘和肚餓的關係，便隨便找點東西吃吃。呢間主打家鄉特色麵飯食既小店，吸引了我腹部坐下來看看餐牌，真的多姿多彩，款式什麼都有，有選擇困難症的我最後點了此客家撈麵蕃茄瘦肉湯撈麵湯的味道鮮甜味美，吃得出是新鮮食材，喜歡吃內臟的朋友更可點選加豬膶呢。麵我選了油麵，加了香蒜和蔥真的可口非常。一啖麵一啖湯，這就是家鄉簡樸之味嗎？我不曉得，但至少店內親切的服務態度，已令人感到小店的溫情完美簡單的一餐，便是這樣煉成

幫襯呢間街坊麵店已經好幾年了，由佢喺對面細舖食到而家搬到大舖，麵店侍應姐姐話，係因為對面舊舖啲渠整極都整唔好，所以就搬過嚟呢邊繼續經營。呢間麵店嘅豬膶枸杞米線，好多元朗人都識。但係我最鍾意嘅，反而係佢哋嘅鮮茄雲耳豬潤瘦肉米線湯底鮮味，豬膶又爽口，我最怕食啲淥到又乾又硬嘅豬膶。$39一碗足料米線，加$3就有冷熱飲品，呢個街坊價算係好抵！順帶一提，我哋唔小心倒瀉飲品，麻煩到侍應姐姐要抹枱抹地，但佢都主動幫我地添飲品，街坊麵店真係好有人情味啊！