影片
以上资料只供参考，请与餐厅确认详情
店员（ 四眼姨姨）好有正能量，笑面迎人，好有礼貌～顾客唔小心倒泻咗饮品，四眼姨姨唔单止冇黑面，仲问顾客要唔要重新整多一杯，每次黎食，都见到佢同每个顾客有讲有笑～ 另外佢同其他员工都有讲有笑，气氛好好～见到佢，食都食得开心 ~ 😆 值得称赞❤️枸杞汤好鲜甜～ 猪腰猪润好新鲜👍🏼 份量又够大～
继续阅读
其实都已经好耐冇嚟呢间新骏皇，上次估唔到佢竟然咁鬼多人，直头入去爆晒，座无虚席，仲叫我等位，但系我得45分钟之后要去接返婴儿，于是食唔到，呢次反而晏少少，三个人一齐去，反而有位。话说佢以前喺点心舖隔离原本嘅位置，我都已经食过，一路望住新骏皇开，直头睇住骏皇𠮶个招牌拆落嚟放喺地下𠮶一刻。以前一份都系食佢一个只味皇喇沙面条，这次隔咗咁多年再去，梗系又要食返，味皇喇沙，其实我觉得比较似健康版的喇沙，内里加了苦瓜、蕃茄、但有没有我最讨厌的青椒红椒，因此吃起上来相当怡人清身，本身汤底甜香，只带少许辣味，系非常之开胃。另外鸡扒而家仲有得拎相，其实以前浸喺汤入边都已经唔差，反而另上煎得比较干，不比放在汤内好，吃力不讨好，之后我都系放返鸡扒入去汤𠮶度，浸软佢𠮶层鸡皮先至食，更加好。人流唔多，阿姐都比较轻松，面露宽容。另外加咗个红油抄手，红油都唔算好辣，小云吞般的状态，内里少许肉，酸辣的味道，相当可口。除非𠮶间餐厅真系好出名得一两样嘢，否则我同太太都好少会去餐厅叫同一款食品。这是她点的猪什，好似我以前都有食过，估唔到，汤底非常清，清新，带点甜香的味道，而且猪什嘅份量多得客人，无论猪肚、定系猪润，又爽，又干净，非常之甜香的猪什面条。果然冇嚟错，之后短期内都未必有机会去元朗，因此这次再来尝新骏皇王，不枉此行
继续阅读
呢间 打正旗号 卖 枸杞面新骏王 已经屹立左好多年系元朗 老字号😎好少人将枸杞当成一碗面嘅菜款但 佢食落 绝对 唔会草青味因为汤底 浓郁既 猪汤味 令到碗面好好食当然唔钟意枸杞嘅话仲可以拣其他嘅菜娃娃菜、萝卜、白菜、鲜茄 ⋯仲有两款主食猪、牛、鸡嘅各种肉都可以想补下身叫返个「枸杞猪润瘦肉面」就最Happy面底方面 就可以拣捞面、净汤、白饭捞面 极高CP值因为啲葱蒜超级香另外仲捞左啲猪油提升咗面既 质素每一碗面都一定超够饱！😋😋😋
继续阅读
本来想去附近俊贤坊食【大成面馆】鱼餐，但因忘记星期日休息摸门钉，所以就转去新骏皇试一下。我只帮衬过巴士总站刚开业时骏皇，帮衬咗一轮就冇再帮衬了 ! 之后搬咗去现址改名新骏皇，我就一直都未帮衬过，今日终于可第一次帮衬试下了 !今日两个人去谂住食鱼，见门口餐牌有个晚市蒸𩠌套餐$163元，可选一款蒸鱼、再跟半只葱油鸡、白饭、再送油菜+例汤+冻饮加$3元、及冻柠乐加$7元。坐低卡位先奉上两杯暖水，水杯系不锈钢杯几精致几靓。落咗 Order 叫晚市蒸𩠌套餐后，先上两碗中式例汤，系南瓜胡椒汤，唔见有猪肉及猪骨，感觉系用胡椒重味去化替猪肉或猪骨?! 不过有部份人尤其老人家或小童，系唔受得胡椒辛辣味，希望加番啲急冻猪汤骨提升鲜味，唔好为降低成本用胡椒啦 ! 阿姐服务态度都唔错，而且系用手机落 Order 都几先进。拣咗豉汁蒸鲳鱼，约 5 分钟后先上葱油鸡半只，鸡算见肉好厚冇乜肥膏，但肉质较鞋冇乜鲜味，鸡皮都几厚。葱油佢直接铺面上，而且葱油非常淡味，我要自己加几滴豉油先有味，建议葱油分开上更好。之后陆续上油菜，我拣咗牛腩汁菜芯，菜芯好大气好翠绿鲜嫩，渌得刚刚好唔会过淋，呢个油菜值得一赞 ! 隔咗约5至8分钟再上豉汁蒸鲳鱼，鲳鱼约女性手掌大细，肉质一般还可以，豆豉比较多但豉汁比较少，将碟内汁水用匙羹𢳂落鱼身，都系感觉俾蒸气倒汗水沟得太淡 !白饭口感及饭味还可以，不过碗白饭上枱，𢳂饭就𢳂到乱糟糟咁，希望又改善下用个饭勺压下佢，卖相会好好多。冻柠乐系瘦身罐装可乐上，俾一玻璃杯冰底自斟，呢样跟餐系加 $7元。另外我叫冻奶茶，跟餐加 $3元，冻奶茶比较淡冇乜茶味，但就几大杯份量几多，挂住食饮品照片唔记得影啦 ! 期间阿姐多次帮忙执枱，服务确系唔错呢点要赞。卡位枱面侧边拉出拎餐具，遗憾系冇提供餐纸巾，如果有提供餐纸巾，服务我会俾多一粒星、去到五星 ! 埋单可以用八达通都方便，使用消费劵人士就更方便啦 !
继续阅读
【元朗区】【新骏皇枸杞面】由于疫情我少咗入学校帮手，近排都真系少入元朗食嘢。加上我亦都冇之前咁痴线成日无啦啦走入天水围去怀缅我同我前度相处嘅时光，其实佢嘅身影喺我心里面萦绕不散的话，我个人去到边度都依然系咁嘅状态嘅。当然好似元朗呢啲重心地段，无论我点样尝试都好，𠮶啲画面，当时嘅心情，到今日到依然历历在目。就算系揾其他女性朋友甚至系女学生陪我行𠮶啲路，根本唔会系同一样嘢嚟，所以呢招根本冇用，搞唔掂，算数好过。虽然个人就浑浑噩噩咁，但系都系识肚饿嘅。本身系想试一间粉面店，吖点知佢冇开㖞，唔知系咁啱冇开定系执咗，唔理啦，即刻喺附近揾嘢食。就见到呢间喇，我以为系新开，因为之前对呢个名冇乜印象，原来只系改名。唔叫「窝心小栈」叫「枸杞面」咁就梗系要试吓佢哋嘅招牌菜枸杞叶，佢哋用嚟煮啲肉，之后再配饭面咁，都几清。肉类我拣咗「鲜瘦肉」同埋「鲜猪腰」，选料新鲜之下，又真系几好味，枸杞叶就有啲苦同甘，好似几有益。而五谷类𠮶边我要咗「特色捞面」，原来仲有得拣捞咩面，我就要咗「上海面」，都捞得几好食，有啲葱油加埋啲肉碎咁，几惹味。加埋杯不过不失嘅「冻柠茶」走甜，$55 嘅价钱，我觉得唔差，至少佢有佢嘅独特性先。。。（地址：元朗安宁路110-136A号好景楼17号地下）#1amfoodie #foodie #hkfoodie #thatfoodiething #hkfood #food #instafood #yummy #globaleats #tastyfood #foodpics #followforfollowback #love #eat #1am元朗区 #元朗 #朗屏 #新骏皇 #新骏皇窝心小栈 #新骏皇枸杞面 #招牌枸杞叶 #枸杞叶 #茶餐厅 #鲜瘦肉 #鲜猪腰 #特色捞面 #上海面 #冻柠茶 #1am0733 #1ambackup
继续阅读
您可能会有兴趣的...