新興麵家

朋友推荐全港第2好食牛腩面第1位话留俾大家去发掘味道方面唔多唔少岩岩好牛腩够淋 朋友推荐我叫牛坑腩幸运得话会有肥瘦均匀的坑腩食完面有时会想饮埋个汤唔会好油同好咸可能朋友推荐再加分的确令我一食再食 已经食左几年食辣的人我特别推荐佢嘅秘制辣椒油加豉油一起点 会令到食物味道更上一层楼缺点系佢只收现金支付 完全唔收电子支付同有时会漏单 如果太耐无黎记得问下大部分我都食得愉快价钱合理 虽然地方唔大 但长期满座仲有个电视俾大家睇…查看更多

叫牛杂面个面苦到我以为我食紧中药，同店员讲佢话返我，问系咪我嘅问题？服务态度劲差，我话我碗面苦佢叫其他客试吓佢个面苦唔苦？叫咗两碗面，有碗劲苦，佢话呢只面就系咁架啦，又唔见另一碗面系苦嘅？…查看更多

牛腩幼面（$40）先讲汤底，汤清唔油腻，味浓稍咸但可接受。牛腩份量足，上层有四旧肉质爽口带少量肥膏，好味道；下层有六七旧，有三旧全瘦（虽然瘦但肉质唔嚡，起码食到），其实半肥瘦（正常，肉质尚算软身），全部都有肉味。面条碱水味几重，但咬落好弹牙。牛杂幼面（$40）有4大片草肚、4旧肺、2旧粉肠（好可惜无竹肠）、1大件膀，每旧都比坊间大件。草肚好软身；肺几爽口弹；粉肠唔太粉；膀够粉兼软熟。玻璃支装冻豆浆（+$7）豆浆唔肯定系咪自家制，但一定唔系来货行嘢。味道少甜，豆味浓，而且仲有粉粉嘅豆蓉口感，坊间好少可以饮到呢类型嘅豆浆。最后讲吓啲潮州辣椒油，第一啖食觉得几辣，但食多两啖就几过瘾。PS：只收现金。…查看更多

听朋友讲过，但系住左屯门咁多年都无帮衬过，今日专登搭多4个站巴士去帮衬。 街方小店，座位唔多，5:30pm 去到直接入坐。 楼面姐姐服务态度好好👍🏻叫左碗坑腩粗面，汤头清甜😋唔会口渴，大大嚿腩，又香又软，只系$40，边到揾😏缺点： 面的枧水味重。下次食河粉或米粉🤔…查看更多

经过屯门总要过嚟食返碗，叫肥腩面通常都冇得输，不过今日个面就好似未过晒啲碱水味，有少少失望，不过佢啲水准算系叫做稳定，而且又大大碗，价钱咁多年都冇加得好多，冇投诉㗎啦…查看更多