新聚寶素食

营业中

休息中

今年除夕晚餐，搞搞新意思，食齋，揀中左新聚寶素食餐廳，一直都有買開呢間的外賣齋拼盤，齋叉燒，酸齋，咖哩齋，不會太油，口感逼真。餐廳內布置簡潔，做緊冬季素火鍋的推廣，好多枱客人帶都揀左火鍋，感覺好吸引！我地先叫左一煲老火靚湯，今天系發菜赤小豆蓮藕湯，真系超正，勁足料，湯底濃郁，十分養生！三菜一湯，泰式魚，鐵板牛扒，馬拉汁叉燒，豐富得呢！馬粒汁叉燒賣相不俗，就咁睇過去，就系一碟叉燒！太逼真了，黑色的欖角扮燶咗既部分，完全似食緊真叉燒，呢個手工真不錯！鐵板黑椒牛扒，咬落去有牛味！點做到的？店員話系商業秘密，所以真系要來食先知佢幾咁有牛味了。竟然食到牛肉既肉絲，厲害厲害！泰式魚，其實齋魚有黃花魚同泰式魚，魚本身一樣，系汁唔同，我地揀左泰式，酸酸辣辣很開胃，只係少少辣，唔食得辣的人都可以食。魚肉系由腐皮，紫菜，一卷卷包住，入面餡系用支竹打溶扎成，所以極似魚肉的口感，有時仲可以食到粉絲，原來粉絲扮緊魚骨！正吖！

同媽咪食飯，為左食得健康D就去搵素食餐廳，呢間係幾唔錯既，又平好食！首先叫左份二人晚餐，有兩款小菜、兩碗湯、一碟主食同甜品，再加多兩個小菜，好夠四個人食。湯係西洋菜湯，好足料，飲得出煲咗一段時間，夠火喉。最鍾意係蜜汁叉燒！正到爆，一黎味道好似真叉燒，質感同個樣又似，幾可亂真。菠蘿咕嚕肉都係必點，係由猴頭菇炸完再炒，好香口，汁酸酸甜甜好開胃，係唔錯的！另外呢款黃花魚好特別，係扎實豆腐加紫菜再炸，再加豉汁，好考功夫，好似魚肉質地，好食～呢幾樣就係平時食素都會點既齋小食，好平好抵食。福建炒飯重點既汁！唔同既菇扮海解，豐富口感，好食。最後係送二人餐既糖水，好足料，有薏米、花生等等。食素都食到好飽呀！

估唔到喺深水埗入面都會搵到齋菜食，今日扮吓健康叫下齋菜😂😂午餐嘅時間人流都好多，今次同朋友叫咗個二人餐食，可以任叫小菜，我哋叫咗個西泠煎軟鴨同埋魚香茄子好快就有一個餐湯飲，今日係蓮藕果皮蘿蔔湯非常之鮮甜，估唔到無肉煲既湯都咁鮮甜由於門外嘅齋鹵味感覺好靚所以叫咗個大既試吓，同出面嘅鋪頭一樣佢嘅齋每一樣都做得好好，同埋真係好大碟，如果細食嘅人唔建議叫咁多😂😂估唔到又係咁大碟，除翻60幾蚊一個人一個菜咁大碟係非常之抵食，個齋炸到剛好，外脆內軟，加埋個酸酸甜甜嘅檸檬汁，正睇幅相都見到個魚香茄子非常之正，估唔到個魚香茄子個味道同出面有肉嘅魚香茄子版本係一模一樣，非常之容易送飯，好食最後仲送咗個芝麻糊總括嚟講，依度嘅齋煮得好好味，不過細食嘅人建議唔好叫咁多因為真係會食唔晒我今次都要外賣返去打包再食😂😂😂人均消費60幾蚊$70嘅話呢一到個份量真係比茶餐廳嘅多好多🤔順帶一提，呢度嘅職員服務都非常之有禮，好親切

今次叫了西檸煎軟鴨($80)， 欖菜菇粒炒飯($65) 這個是豆腐皮做的素鴨， 因為有些素鴨有餡(如冬菇或冬筍做filling)。 而這款純粹以豆腐皮製作。 味道香口， 西檸汁另外伴上， 方便客人自己因應份量而dip。 西檸汁開胃，酸甜適中。  欖菜菇粒炒飯， 這款我反都有驚喜。 驚喜在飯粒，粒粒分明。 味道是正常炒飯的味道，但口感令這款菜式昇華，有層次。 這舖據說是老字號， 說真的價錢在素食來說也不算貴。 而且一定飽。 只是說奇怪的是，加一服務費是在加茶錢之後，再進行加一。 但也算是不特別貴。

經常到👆🏻店飲早茶或吃午飯，食品選擇豐富，味道高水準，店舖空間不大，亦增添了顧客間互相融洽的交流。今次特意帶同兩位非素食朋友來這邊晚飯。我們點選了一個2人套餐，包括2盅湯、2款小菜、1款飯麵類和餐後糖水，我們追加多1盅湯，而餸菜分量實質也足夠四人共享。我揀了兩款鎮店之寶的小菜：「 碧綠法輪卷」和「泰式素魚」，這兩款餸菜都必須廚師精心手工製作，當中使用的豆皮也顯出食材的新鮮程度，配上適合宜醬汁，簡直沒得輸！另外，老闆娘贈送了一少份免費「 欖角菜叉燒」試味品嘗。總體來說，燉湯滋味，食材新鮮，餸菜製作考究，味道配搭適宜，性價比極高，值得多多支持！＃出品不俗＃用心製作＃價錢相宜＃素同行VegMate

行完嘉頓山，落山時突然想吃齋，老公想到這素食店，就立即前往，一去到剛好有兩個位但是搭枱的。一坐下侍應已走來幾次問點什麼，但那時我們連menu也未有😅侍應提議我們點二人餐$280，可選兩款小菜，一個飯或麵，兩個湯及糖水。靈芝菇蘭花 - 足料好味㰖菜蓮耦 - 蓮耦非常爽口好味，還有些馬蹄，素肉口感有點像午餐肉福建炒飯 - 賣相似足真的福建炒飯，有蝦，菜粒，豆腐粒，紅蘿蔔食物質素令人滿意，但找數收$351，完全沒有單不知怎計，問他們就很悔氣拎張單出來說有茶介丶小食丶加一我問什麼是小食，她説菠蘿花生那些但完全沒問就放低碟花生囉點解唔比菠蘿我？🤬

適逢母親節，帶住屋企人來到呢間新聚寶試下齋味呢一碟崧子鮑魚炒飯真係好香，食完都仲係好回味一啲都唔會膩，同埋大大碟，三個人share夠曬飽話說媽咪食齋但一直都無食過齋嘅乳豬拼盤，一場來到當然要試下！齋乳豬配上佢地自家制嘅豆瓣醬，唔鹹，甜微微，又係好推介呢一碟叫作五柳黃花魚，用腐皮紫菜包住齋肉，再炸至外脆內軟，配上五柳醬料，酸酸甜甜好開胃呢道菜頻外觀都可以知道係菠蘿金沙骨係甘蔗外面裹上一層齋肉，配上甜酸醬，一路以為菠蘿會好似出面咁，甜到漏，點知呢道餸一啲都唔膩，反而菠蘿都好清甜，廚師哥哥好犀利最後食完所有野，侍應姐姐會送來一碗糖水，今次係陳皮紅豆沙，好食過一部分糖水舖，唔係死甜，係我終於可以食到紅豆味嘅紅豆沙呀！呢一餐係一份二人套餐（2盅湯+2個餸+一碟飯）HKD280，再加一碟餸，total就480蚊！留意，呢間係有加一㗎！雖然我都唔知點解我加一之後係咁貴

呢間素菜館真係抵食夾大件，仲要好味道，下次都會帶屋企人黎食。今晚有d 少插曲，食食下飯，有的通知門口有警察抄牌，全店好齊心咁提各位食客有冇心出面有車，有警察抄牌，當店員知道真係有食客有車在外，她第一時間跑出店外叫住阿Sir, 唔好炒住，車主黎緊，極之有Heart 既店員。今時今日真係好難得👍🏻

話說定期都會同朋友去試唔同的齋鋪，今劑又去試新店。朋友見到呢間有好多好評，又近工作地點，放工walk過去非常方便，決定一試。去到見坐到出門口，應該幾好。朋友叫左法輪卷，其實都係腐皮包住啲菇，下面原本係生菜，加20蚊轉左豆苗有套餐$238 兩餸一飯或麵, 兩盅湯，湯好濃郁，足料紅燒猴頭菇，紅燒係牛油加芝士，其實可以揀咕嚕或豉汁，不過我地懶係試新野揀左紅燒不過有少少後悔，組合埋怪怪地朋友唔想食炒飯，熱情靚姐推介豉汁排骨炒麵，話素排骨自己造，保證話正咁話聽佢話點左，其實一般，汁太少餐雖係$238, 但因加左20蚊轉豆苗，再加茶錢和加一，埋單$320，唔算好平。店內格局同一般舊式齋鋪無異，見有一圍食緊團年飯，好多餸都好似幾吸引，問姐姐攞菜單看看一圍大約1400 - 1700, 有豉汁蟠龍鱔(茄子)之類等大餸，看外表好得體原來樓上仲有一層，剛好有人擺齋婚宴，姐姐話樓上可以擺4圍其實如果家人唔介意，擺素宴都幾好，夠環保又健康。

老公生日要大魚大肉，乳豬拼盤（魚生、乳豬、叉燒）發財好事（發菜、蠔鼓、花菇）脆炸拼盤（炸鮮奶、炸芋卷）足料翅盤龍鱔雜錦串燒（魚蛋、午餐肉、烤雞）鎮江骨金菇魚肉菜福建炒飯、干燒伊麵紅豆沙、美點、壽桃包好滿足，好好味，魚生夠鮮味，乳豬皮夠脆。叉燒又香又淋碗仔翅好多好足料，翅針又粗又多。魚蛋大大粒夠彈牙，午餐肉好香。鯪魚球好多陳皮味又冇骨碎最受歡迎係炸鮮奶同炸芋卷，個個爭住食壽桃包勁正👍🏻鎮江骨個汁好味，不過可能個肉厚，咬落有苦苦地！其他質素都好好。重點係食完唔口乾。素食嚟講，呢間算冇乜味精，同埋唔算油膩。唔錯

話說家中有人生日，想食得特別啲，但又唔想太油膩太熱氣。而且一屋11人有老有幼，去啲太熱鬧地方唔方便，最後去左依間素食餐廳試試。開頭以為同其他素食餐廳一樣，😏都係一般野啦⋯⋯但又唔係喎原來👍🏿全部都好好味，但我最鐘意其中幾個：首先係個「乳豬拼盤」，老闆娘好熱情咁介紹：我地廚房自己整架，上面啲燒焦邊位係欖角做既；魚生記得點醬食。乳豬 好鬆脆叉燒 好食，好脆，好入味，但又唔油唔膩👍🏿👍🏿👍🏿魚生 我之前係其他地方食過，無咩特別，但都好食😌脆炸拼盤本人好鐘意食芋頭，出面好多都做到好實又唔香，無晒芋頭味。但依個唔同，香口得黎好滑好棉，仲有陣淡淡既芋頭香，我食左2件😁發財好事鯪魚球好香陳皮味。（而且無碎骨😂唔怕小朋友食唔到）雜錦串燒佢有魚蛋、午餐肉、烤雞，老闆娘話魚蛋係手造既。的確魚蛋「林」得黎唔會一咬就散，烤雞做得好煙韌，午餐肉好香好似真既咁，個串燒汁好香黑椒味，送飯一流😋鎮江骨唔知係味因爲用竹蔗穿住，所以食落有啲蔗既香甜福建炒飯我真心食到哇一聲，個飯望落白色無咩特別，但原來佢真係炒過，粒粒分明好香，雖然已經好飽，但都忍唔住食左2大碗🤫我地全家都好幸福❤️個個都食得好滿足，最開心係：個福建炒飯食唔

如果吾係個朋友介紹我去呢間食齋我都吾知原來食齋都可以有咁多款識🤤一去到就有一碗原汁原味無添加味精的靚湯擺在我眼前🙈☺️雖然我唔知個湯叫咩名但係飲落去真係好鮮甜🙈而且仲好有味真係第一次係街飲到一啲咁健康嘅湯本身以為用齋整成嘅湯應該好淡味但係佢呢個湯完全感覺唔到🖖🏻而且冇用肉嘅情況底下都仲好鮮甜👍🏻果然係真功夫🤜🏻🤛🏻之後我哋食咗炸蝦球🍤呢個炸蝦球真係好似整到一個蝦咁而且唔講真係唔覺係仿製嘅蝦真係好過癮😅雖然個口感比起原先嘅真蝦軟口左少少不過佢整得好好食比起真係蝦味道差唔多🦐而且炸得夠鬆化同食得出佢用鹹蛋黃炸😽好精神🤘🏾🤘🏾仲食咗一個豆苗而佢啲豆苗真係食得出係新鮮而靚嘅豆苗🤔食落去好嫩口，食到停吾到口而且應該佢係用上湯去炒所以好入味😎仲有食咗個蘿蔔糕同芋頭糕不過呢兩個我比較鍾意食芋頭糕多啲要整得好食嘅芋頭糕好難🤧而且要好花心機同時間出面成日食呢兩個都係個麵粉比較多😭但係呢個芋頭糕裏面真係有一粒粒嘅芋頭🥳食每一啖都比芋頭包圍🤩最後仲食咗一個冬菇整成嘅蟮酸酸甜甜嘅感覺唔係講係冬菇我都唔知原來一件簡單素食嘅餸菜都可以有五花十色的款式今次真係令我大開眼界👁👁

而家潮流興Green Monday一大班人食飯除左飲茶之外其實食齋都係一個好選擇！以往食齋嘅感覺都係一d五顏六色嘅野而家其實已經玩到出神入化架喇！呢日我地一大班同事黎呢間齋舖因為打左黎卜枱佢就安排左樓上嘅大枱比我地坐因為少黎唔識嗌我地叫左侍應姐姐幫我地揸主意嗌左個咕嚕肉、齋拼盤羊腩煲、鐵板鰻魚、芋頭魚咸魚雞粒炒飯、星洲炒米仲有一個叫法輪卷嘅喺所有小菜之中芋頭魚同法輪卷係最值得推薦芋頭魚真係成條魚咁嘅形狀咬落去又香又脆至於個法輪卷呀姐一開始嗌嘅時候我地都唔知係乜黎但係食落又幾好味喎~我地嗌餐仲有個例湯同甜品送最後埋單先每人$60左右真係抵呀！

同一大班同事去食齎！近期發現一大班人去食野，除左可以去飲茶之外，宜間素食館都很不錯啊～多數去食齎，都好似聽落健康。但其實因為無左肉，所以好多時ｄ野食都會好肥好油膩。不過宜間都無喎！油的程度是還好。可以接受的。特別推介芋頭魚，好好味熱辣辣咁上，真係好想再encore!!枝竹羊腩煲都讚啊！好似肉的質感ｈａｈａ叉燒都好有燒既香味～咕嚕肉就其實係咕嚕猴頭菇泥，都係肉好食ｄ　：ｐ有個鰻魚就麻麻，沒有像魚，似魚蛋個ｄ～其實１２個人叫了一個４人餐，一個６人餐，都已經很飽了！因為食前佢又有湯，食後仲有糖水。很滿足了啦店入面都好多唔同擺設，都係很positive的。就好似宜個鐘咁，每個鐘都係幸福的代名詞。看著看著，感覺舒服。

238 ：2湯＋2餸＋1粉/麵/飯老闆娘好熱情，會關心菜式做咩未黎，直接追單＋問好食不）而 環境整潔，光敞，長期播住佛歌？？（練耐力，俺仍俗人也），略嫌我坐個位有碳酰胺味，場地有2層高，上面見到有13位訂枱入座，當中有和尚，所以應該都幾大下。小菜：醃青瓜，白蘿蔔，紅蘿蔔食落酸酸幾開胃，俺不太好紅蘿蔔，草青味太重，建議小朋友唔好食ne個，刺激性有d高。湯品：唔知咩湯，但好甜，飲唔到味精，底部d豆比我清左都有4，5匙羹 。紅燒猴頭菇 西蘭花煮的軟硬適中，配勾的汁甜甜地，猴頭菇口感幾得意因為外面有稍為炸一炸過，同平時飲湯個款唔一樣。椰香焗飯 椰汁撈飯香香的～～裡面t竽頭同火腿切到細細粒，岩曬小朋友食，但係切片蘑菇（蘑菇罐頭個款）唔多夾ne道菜，不過沒傷大雅。海鮮一品窩（差唔多ne個名） 海鮮配料由䈮篛製成,魷魚帶魚蛋味，蝦會令你食得出它係䈮蒻，豬皮我道行未夠深食唔出係咩，只係食到soct soct聲, 香菇當然都係香菇味啦，馬碲夠大粒夠甜呀～直接蓋過原本味精味。