新羅寶韓國餐廳

营业中

休息中

Yachae salad 雜菜沙律🥗 $88呢一款清新嘅雜菜沙律係素食者都啱食，醬汁方面用咗相當特別嘅粟米汁，裏面有清甜嘅羅馬生菜🥬、脹卜卜嘅蕃茄仔🍅、紫椰菜絲、橙🍊等，超級健康，而且夠晒大兜，份量好多Noon nengmyun 水冷麵🍜 $105大大碗嘅水冷麵性價比好高，冷麵嘅口感超級彈牙，湯底但有微微酸甜食落去開胃，配料就有醃得好入味嘅青瓜🥒、韓國蘿蔔🥕同埋fresh 嘅雪梨片，成碗麵食落去冰涼，真係好適合依家嘅天氣！Ginseng chicken soup 人蔘雞湯 🥣🐔$220矜貴又滋潤嘅人蔘雞湯絕對係食韓國菜必叫食物嚟，裏面用咗一整隻嘅雞🐓，十分足料，仲有手掌咁大條嘅人蔘、大量蔥花🌿、少少米熬製而成，味道清甜同natural，雞肉仲可以點岩鹽一齊食，食完相當飽肚餐廳係米芝蓮餐廳✨，好受歡迎又係正宗韓國菜，座位寬敞，絕對適合一家人或者朋友聚餐嚟食啊👍🏻

Mira Mall 4樓食四方樓層有好多間食肆，搵咗呢間新羅寶韓國餐廳，係食正宗韓國菜，餐廳環境闊落，好多大枱，適合一家大細同家庭聚餐！餐牌選擇好多，唔想諗食咩可以叫套餐，二至四人餐都有。點完餐隨即送上多款經典韓式前菜🔥BBQ烤肉套餐共三款烤肉：牛排骨肉、烤五花肉、烤雞肉，牛肉色澤好靚，五花肉夠厚切，燒完用生菜包住，再點埋韓式辣醬食南瓜粥口感軟綿綿又甜甜地！豆醬雜錦煲熱辣辣，有金菇、雜菜、豆腐等配料！炒雜菜粉絲正常發揮，好惹味！石鍋雜錦飯夠熱，配料有好多，加入韓式辣醬拌勻食，食到底部有飯焦添，整體嚟講二人餐都好豐富，兩個人食絕對夠飽

▫️雜錦海鮮鍋海鮮鍋有鮑魚，青口，帶子，原隻八爪魚，金菇，蔬菜等，泡菜湯底少辣，配白飯／麵食會更惹味🐙▫️辣汁五花腩拌大蔥絲五花腩片同大蔥絲炒過後好濃味香口，腩片炒到邊邊微焦，蒜香同蔥味濃，雖然睇落紅卜卜但係調味不算辣，好邪惡😈▫️泡菜煎餅煎餅大大份，上台時仲熱辣辣，煎餅有一定厚度，煎到外脆內軟，沾啲秘製醬油食更香口🤩▫️白灼豬肉辣菜包白灼豬肉配埋幾款新鮮菜蔬, 配菜有韓式辣醬, 醃蘿蔔同香蔥絲可以包裹食用。豬肉灼得好軟腍, 一啲都唔嚡口，豬皮仲要有膠質，連埋蔬菜同啲配料一齊食好有咬口🐷

今晚在尖沙咀新羅寶韓國燒烤品嚐了二人套餐，餐廳已經開業3️⃣0️⃣年了！二人套餐包括了🐮牛肋骨肉、🐷豬肉、🪨🍚石頭飯、🍲粉絲、🥬菜籃連麪豉醬以及韓式前菜小食🥒韓式前菜提供韓式辣蘿蔔、泡菜、芽菜、波菜等，今天還有醬蟹🦀🐮牛肋骨經過醃製，肉質鮮嫩多汁🐷豬肉也經過醃製，烤至外酥內嫩，配合生菜、粉絲，泡菜、麵豉醬等，十分美味🪨🐠石頭飯則烹調得太過軟糯，雖然已經讓米飯底部變得香脆，但還是有改善空間🥬蔬菜籃大約有五至六款蔬菜，其中紫蘇葉配合着各種燒烤肉類及麵豉醬實在是不能錯過的體驗雖然餐廳的服務有待改善，總體而言，食物質素、地理位置、座位空間也是同區頗優秀的選擇🌟餐廳有會員Ⓜ️機制，一年大約有4張$300/$500 coupon以供 member飲食，令性價比更加高😉🌟食評指數：8/10💁🏻‍♀️人均消費～HKD300🗺️ 地址：尖沙咀彌敦道118號美麗華廣場4樓想睇更多餐廳分享，請like & follow @_jolly.foodie_#tstfood #tstjollyfoodie #JKHK

同屋企人食飯1家6口，佢就最鍾意去尖沙咀美麗華嗰間新羅寶，食佢哋嘅醬油蝦同埋醬油蟹我呢個唔食牛嘅人，就揀咗個豆腐炒豬肉，正👍🏻呢度最正嘅就係你可以食韓燒都可以整個窩煲吓天氣凍冰冰，咁樣食真係一流佢出邊會有啲免費嘅泡菜試食，不過通常都係唔晒，去過咁多次都未曾成功攞過醬油蟹同埋醬油蝦都好好味，但係對我嚟講太甜如果要去嘅話，就記得一定要book枱，因為成日都好多人等位不過佢啲位置都仲叫闊落，一家人坐齊晒一張枱都仲可以擺下袋

尖沙咀元祖級米芝蓮推薦韓式料理餐廳，人參雞湯牛尾湯燒肉一應俱全🔻牛尾湯飯套餐 💰93有4-5塊牛尾骨，牛尾骨煲得好軟爛，湯底係奶白色嘅，牛味都相當濃郁，不過成份牛肉湯都好似冇落過鹽，所以隔離有一份鹽可以自己落🙈每份套餐都送幾款小菜，有菠菜、芽菜、魚糕、泡菜等🔻人參雞湯套餐(半隻) 💰118人參雞湯內有紅棗、糯米、人參等，湯底濃厚，不過一樣冇落鹽咁，要自己落🙈有半隻雞咁多，超級多肉，兩個人share都食得好飽😋係前幾年有攞過米芝蓮，最近都冇了，食物味道冇好驚艷嘅感覺，係比較家常嘅味道🤔店內裝潢傳統韓國傳統嘅感覺，座位相當寬敞，坐得好舒服☺️整體而言，性價比都算高👍🏻

炆宮中牛排骨 $235: 招牌菜式燉牛排骨🥰 醬汁係傳統韓式 鹹甜口味，配上蘿蔔年糕及紅蘿蔔炆煮，令牛排骨非常入味，肉質好嫩 一咬即散，最鍾意近骨帶根嘅部位特別爽口👍🏼🍲海鮮刀削麵 $108: 刀削麵質感煙韌，帶麵粉香氣🥰 海鮮有蝦、魷魚及蜆肉，湯底充滿海鮮鮮味 而且無味精，一鍋可以分到4碗 食完暖粒粒😋🤌🏼白灼豬肉辣菜包 $280: 白灼豬肉係五花腩😆 新鮮五花腩 配上韓式辣醬及醃蘿蔔絲，用生菜或紫蘇葉包住，爽脆內嫩🙌🏼烤多春魚 $88: 傳統韓國菜必有烤魚🐟 多春魚烤至皮脆肉嫩，簡單用檸檬汁更突出鮮味!高興柚子茶:比坊間一般唔同會帶點柚子果皮及果肉，口感豐富，酸甜開胃🍊

前所未有最差體驗，一直幫襯咁多年，第一次去美麗華分店。當日晚上大約6：30分，我去到門口等入座，等左10分鐘先有個抽住外賣袋嘅員工行埋嚟，我當時講緊電話所以俾個電話截屏佢睇，係openrice嘅訂座紀錄，該位女員工態度極其惡劣，一開口就話「咩呀？咩嚟架？」我話訂左檯6：30, 之後問我姓乜電話號碼係乜，訂座紀錄上大約有6個客嘅紀錄，而我個電話號碼排第二，佢竟然睇唔到然後話無，我話係第二個，佢先帶我入座。入座後大概15分鐘，完全無人理，無餐牌，檯上有一份套餐餐牌同飲品餐牌，我同朋友睇完就諗住落單，之後有個男員工過嚟話今晚無做套餐，俾個餐牌我睇，當時我先知原來係有餐牌只係一路無人理過我地，之後就點餐，啲生肉嚟到，又無俾工具，無鉗無較剪，之後問佢拎都等左5分鐘，食物質素簡直係比小區韓國餐廳還要差，前菜唔新鮮，完全見到都唔會想食，求其拿拿聲未食飽都想走，舉手想搵個員工攞醬油，舉左10分鐘都係無人理，扮睇唔到，所以放棄了，最後賣單，又係一開始果位女員工，俾張單我之後話唔好意思唔記得收燒酒錢，之後又俾過第二張單我賣，食到一肚氣，真心不知所謂的新羅寶，一定唔會再去，希望管理層見到呢個review可以

經過美麗華見到新羅寶搬左新舖，都有段時間無見，有點掛住醬油蟹就入去食。醬油蟹醬油蟹味道鮮甜，啖啖蟹肉，每啖都好滿足，醬油味道適中，不會過咸。烤牛排骨肉，豬肉，雞肉一人燒肉餐，牛排骨肉牛味濃郁，入口軟林，食材新鮮，雞肉幼嫩多汁，生菜新鮮爽脆，夾埋燒肉一齊食口感10分豐富。雜錦飯套餐有菠菜，芽菜，紅蘿蔔，木耳，冬菇，翠玉瓜，材料非常豐富，口感特別。豆腐湯豆腐蛋味濃郁，入口幼嫩，加上泡菜味道酸酸辣辣幾開胃。

餐廳位於尖沙咀，環境寬敞闊落，座位好多好舒適，格局、裝修都偏韓的餐廳餐廳曾連續多年米芝蓮獲得推薦餐廳，屬香港元祖級別的韓國餐廳，有多款傳統種類食物可以選擇，包括烤肉、韓式料理等，尖沙咀分店平日也座無虛席，建議先訂座~餐前小菜有五款，分別是兩款不同辣度和口感的泡菜、醃豆腐卜、菠菜豆芽及薯仔，而且餐廳其他免費前菜可自取，口感酸甜，開胃爽口豆腐海鮮湯鍋 $330冬天就是要吃鍋，鍋熱辣辣上菜，二人份量，份量充足海鮮湯鍋材料擺滿鍋內，有蜆、蟹、八爪魚、蝦，配料有海量大豆芽、翠玉瓜、豆腐、金菇、雞髀菇，香氣撲鼻，十分豐富湯底很濃郁，清甜中帶有鮮味又有韓國大醬的味道，是正宗的韓國味道，整體味道微辣但不過分，店員還會開着明火爐，可以鎖住溫度 (湯底惹味，很適合配飯)紫菜包飯 $70韓式經典食物，紫菜包著帶有芝麻油香氣的米飯、甘筍絲、雞蛋、醃蘿蔔、青瓜、火腿，份量不錯，味道鹹甜鹹甜，口感厚實又香脆，材料亦豐富足料，價錢合理-總體評分-環境：8/10 食物：7/10 服務：7.5/10 抵食：7.5/10

想在香港旅遊區搵一家價格不高、坐得舒服的餐廳，向來不是一件容易的事。今天分享的新羅寶在港屹立30載，其尖沙咀分店不僅位置方便，餐廳環境一點也不擠，我和朋友點了一個2人餐試試。套餐份量十足，除了5款開胃前菜，還有2款泡菜小食任吃，燒肉我們選了牛排骨肉、五花肉、雞扒。肉的份量剛好，我們將燒肉放在生菜上，再配搭韓國辣椒醬，每一口都清爽而惹味。最後還有3道熟食，包括炒雜菜粉絲、豆醬雜錦煲、石鍋飛魚子雜錦拌飯，其中粉絲味道最為吸引，而雜錦煲有大量洋蔥、豆腐、翠玉瓜等，味道十分濃郁。

5款前菜都各有特色和好味！特別喜歡乾身個款泡菜，有啲辣味，口感偏爽；第一次食前菜有花生粒，口感唔錯，甜甜地好食。炆宮中牛排骨$235呢個排骨真係好好食，已經係第二次叫，個湯勁濃，送飯食一流，加上連啲飯都好好味🤤口感煙韌又有飯香☺️牛肉好腍好入味，帶少少肥肉，所以一個人食晒會幾膩。鮮蠔仔煎餅（4塊）$135勁多蠔嘅蠔餅，煎得又香又好食，必叫之選👍🏻水冷麵$105正常味道，麵質煙韌，梨汁凍湯，唔錯。

今日收工醒起好耐都無食韓國野~ 經過Mira見到呢間韓國料理餐廳，就決定入去試下！野食方面，都有唔少選擇～我地都比呢個2人Set Special Offer吸引左！我地揀左Set A (Raw Meat Set)，呢個Set除左有牛排骨肉﹑烤五花肉﹑烤雞肉既燒肉之外，仲有南瓜粥﹑炒雜菜粉絲﹑豆漿雜錦煲﹑石鍋飯！咁多樣野食，大大滿足想樣樣都試下但胃口又唔大既我~食韓國野當然唔少得滿滿既前菜~韓式燒烤套餐係今次呢個set既一大亮點，包含左多汁的牛排骨肉、風味獨特的烤五花肉同香嫩的烤雞扒肉。外皮烤得恰到好處，内裡肉質軟嫩多汁，搭配韓式醬料後更增添左幾分風味，仲可以包生菜食，減少左D油膩感！食左咁多次韓國野，南瓜粥就真係第一次食，佢口感細膩，D粥亦都好綿密，南瓜既甜味恰到好處，唔會過於濃烈～炒雜菜粉絲亦都好貼心咁剪好，一筷子可以輕鬆夾起，而且粉絲都幾juicy，吸收左蔬菜既精華，口感滑嫩～豆腐雜錦煲既豆腐質地柔軟，湯汁鮮美，配合各種蔬菜同肉類，既營養又美味而未食過飛魚籽既我覺得石鍋飛魚籽雜錦拌飯係好有驚喜既！撈埋一齊之後，飛魚籽既爆裂口感同石鍋既的完美結合，令人回味無窮

餐廳裝潢充滿韓式傳統氣氛, 以木色系為主, 枱與枱之間有舒適嘅距離。𓊈白灼豬肉辣菜包 $𝟸𝟾𝟶𓊉一半放滿白灼豬肉, 另一半放有不同類型嘅生菜, 中間有韓式辣醬, 辣蘿蔔同辣香蔥, 白灼豬肉好軟腍, 唔會覺得靭, 連埋豬皮食充滿骨膠原, 好好食!𓊈牛肉菜湯飯 $𝟷𝟸𝟶𓊉牛肉湯以牛骨熬製而成, 有濃濃嘅牛肉香味, 入面有細細粒嘅牛肉碎, 部位雖然較肥, 但連埋湯同飯一齊食, 完全唔會有油膩感, 湯入面嘅蔬菜亦都好鮮甜。𓊈辣蕎麥冷麵 $𝟷𝟶𝟻𓊉見到menu 有3隻辣椒有少少擔心, 店員好好咁幫我地註明要少少辣, 冷麵面層有半隻蛋, 青瓜絲, 白蘿蔔片同梨片, 蕎麥冷麵麵質爽彈, 味道辣辣地幾好食!

點樣食推介✨⭐️經典韓國餐廳⭐️⭐️尖沙咀韓國菜⭐️新羅寶韓國餐廳 地址：尖沙咀彌敦道132號美麗華廣場1期食四方4樓403號舖🍖紫菜包飯 $70 (7/10)麻油味夠香，飯粒本身係有調味嘅，雖然餡料都係蘿蔔、醃蘿蔔、火腿同青瓜，但食落係好夠味嘅🍖炆宮中牛排骨 $235 (7.5/10)d牛仔骨的確炆得好腍，味道偏甜但好啱送飯，裡面嘅蘿蔔又好鮮甜，年糕同依個甜甜地嘅汁都夾！好快就食曬一大兜🍖水冷麵 $105 (6.8/10)麵嘅份量好多(⊙ω⊙)，食得飽兩個人-回頭指數:🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)-人均：$200服務：(6.8/10)