新照記茶餐小食店

营业中

休息中

LEE間野好易搵...就係洲啤隔離....咁我睇D人話D糕好味...咁我就緊係TRY下啦....買左紅豆同芝麻.加多2粒大魚旦....D魚旦食落..我諗唔係有塊皮包住既話會散哂囉紅豆糕既都還可以....芝麻糕既面果塊皮好硬..不過幾蚊雞係咁上下架啦....

行過見到佢個牌寫住有南瓜糕，嗜吃南瓜既我又點會錯過呢雖然個肚已經好飽，但我不甘心!!!點知排到時才發覺南瓜糕已經賣哂! 山長水遠，唔理咁多，綠茶紅豆, 芝麻同奶黃各一件啦比起喺深水埗果啲大件得多，綠茶味道略淡，芝麻同奶都好夠香滑啫啫得嚟又唔會散，不錯哦~~~

$7。2粒大魚蛋：只是一粒巨型的魚蛋，打了不少空氣在內，咬開可見很多空洞洞，尚算彈牙可是沒多大的魚味。有咖哩味可選擇，另有甜醬提供

此店的糕點品種繁多，例如：南瓜、紅豆、馬豆、馬蹄、西米、南瓜西米、椰汁、芝麻、紫米、綠茶紅豆、杞子桂花、蘿蔔、芋頭、奶皇…每件。$4。每件糕都好大件，但略淋，放得耐好易成pat野，變到水晒咁，所以最好盡快食芝麻糕：芝麻味都幾香，可吃到磨碎的芝麻微粒，香香紫米糕：最好味，必食，好足料，軟滑，甜而不漏奶皇糕：奶皇味無咩特別，奶皇味唔夠，滑就幾滑綠茶紅豆糕：紅豆粒都唔少，仲有d粟米粒粒，但邊有綠茶味喎…杞子桂花糕：陣陣桂花清香，ok雞屎藤：一排$4。三排$10，一掛6小粒，味微甜煙un平安包。荳沙餡：平安包有兩隻味，蓮蓉和荳沙，個包唔多好食，個包有點微酸，反而個荳沙餡都ok但少餡$10。4件。糯米慈：奶皇、花生、芝麻，個皮都幾煙un，做到好軟滑的口感，但個皮好痴，痴住晒張托紙。奶皇味都算夠香；花生味和芝麻味的碎粒都幾香

之前搵長洲既食物資料時發現有人話呢度既糕係三點出爐架…咁岩行完山~時間三點三~買完紅豆餅順路買埋糕點番去慢慢品嚐啦~~因為見到南瓜糕只淨番最尾一舊~老闆娘仲話賣晒就冇~所以打消左臨走先買既念頭….要左紫米糕, 芝麻糕, 紅豆糕, 南瓜糕..$4/件..外賣盒$0.5番到屋企雪左陣先食~首先每件切d試…紫米糕好多紫米..口感十足~淡淡既紫米香~好少機會見到呢款糕....芝麻糕就普普通通啦~有芝麻香..但又未係做得最好…因為食過d更好~紅豆糕相比起其他就較遜色喇…紅豆份量唔算多~幸好糕身都有紅豆味拉番高d分..南瓜糕就好驚喜~ 因為唔易搵到…只係食過太子一間出名糕點既南瓜糕...估唔到呢間比前者更有南瓜味~糕入面有一舊舊既南瓜蓉…仲有西米添~每件糕都大大件…唔太甜~糕身軟熟….估唔到又平又有水準…^^

長洲最多人圍住買小食既店舖,一定係呢間,因為好多唔同種類任君選擇,例如糕點、魚蛋、燒賣、雞肶、飲品.........,而我喜歡呢度既魚蛋,好有魚味!! 正!!最重要既係好近沙灘,游水前 / 游水後 / 唔游水既人,都會經過呢度,又點會唔成日都企滿食客丫!!

長洲之旅 - 第一站話說同男友去長洲渡假, 正打算check in之後就去掃街點知發現新照記係最近的地點, 所以成為我地的第一站起初都無咩大期望, 因為咖哩魚蛋都好難整得難食點知, 粒魚蛋真係好大粒同好彈牙, 又唔多覺佢腥我計過, 一粒要用咬6下先食完當然, 要視乎每個人個口幾大啦但1啖都差唔多等於1粒細炸魚蛋, 我覺得幾抵!$7/2粒 = 我食12粒細魚蛋喎咁抵又好食令我地兩日總共食左3串仲有, 有個姐姐仲好細心佢會幫我地分開用2支簽拮住每1粒魚蛋, 分便我地分開食

到長洲都已經四點 無食午飯既緣故又諗起呢到d大粒魚蛋 就黎呢到醫左肚先 用七蚊買兩粒魚蛋 係市區一定唔會有不過用七蚊買長洲既大粒魚蛋就好抵 因為一個人食兩粒就飽哂魚蛋彈牙爽口除左魚蛋 d燒賣都唔錯 一d都唔粉 真材實料

weekend到長洲一遊,行山行到累累地,上openrice search下有乜頂肚小食就行左過黎呢一度試下啦$7有二大粒魚蛋,可謂非常之抵食,有咖哩同凈魚蛋揀,每樣都試一串,發現有咖哩味果個好食好多,因為都叫做新鮮製作,所以點都有d腥味,但係點左咖哩汁串的腥味冇咁覺不過d魚蛋大粒又彈牙,唔駛三分鐘就清左囉

行去沙灘時途經呢間出名魚旦店。於是就買了兩粒大魚旦。真係好大粒，一粒=2粒正常SIZE 魚旦。由熱鍋中拿出來，熱騰騰的。咬落去，UM...都彈牙爽口。不過口感有點怪，爽得黎又似溝咗粉。味道又怪怪地，無魚嘅鮮味...反而甜甜地，味道好ARTIFICIAL。所以佢淨係得個大字囉！同甘永泰的真材實料有距離。

食完生果我地再吃糕點，當然是長洲最出名的新照記﹗4蚊一件超大件，抵吃得很呢﹗芝麻糕口感煙韌軟熟，黑芝麻味相當濃郁，吃完後口喉留著陣陣芝麻香，正﹗佢地仲有自家做的涼茶，我地飲左冬瓜薏米水﹗微甜味淡，感覺清涼，應該是真材實料，入面亦有好多薏米粒。長洲咁多小食，如講好味又飽肚，一定係呢間新照記﹗長洲更多好野食:http://hk.myblog.yahoo.com/smallsmalllin/article?mid=18843

來長洲前，已知道新照記的大粒魚蛋很出名，估不到一到達長洲碼頭，老公便聽到有途人說要找大粒魚蛋。 我們光顧完張記魚蛋粉麵，然後遊逛至海灘方向，便開始見到一羣羣的人，而路邊兩旁則有不同的露天攤檔，有些售賣串燒薯片，有幾檔則售賣大粒魚蛋，情況好不熱鬧‧幸好，我記得新照記比較出名，越過前面的攤檔，便可找到‧我和老公最終叫了大粒魚蛋(2粒)和煎蘿蔔糕(2件)來吃，覺得魚蛋幾有咬口及有點魚味，但是size卻沒有想像中大，所以$7/2粒真有點貴‧至於蘿蔔糕則有蘿蔔絲在內，有蘿蔔味，不用沾醬味道已不錯‧

我覺得新照記既糕係得個抵字.-_-'最好食既係椰汁紫米糕...好多紫米..好濃椰汁味其次綠茶紅豆糕同馬豆糕都食得下其實我覺得係林左d..欠口感-..-'4蚊1件..-.-我仲買左件椰汁糕...佢既口感係"爽口"好怪囉有桂花杞子糕,有椰汁西米糕,奶皇糕,紅豆糕但我沒買.其實大致上沒乜特別...買糕戈陣我想要綠茶紅豆糕但講左紅豆糕之後我更正返.但條友切左所以啤住我-..-'我覺得佢態度欠友善d糕最好就快d食..吾係擺得耐就會出好多水..變到一patpat仲有大魚蛋...7蚊1串.1串2粒-3-好爽好彈牙...不過好多地方都有得買...吾算特別

星期六個日去左長洲, 日間入左去食話出名的小吃. 食完一檔又一檔. 第一檔就揾到新照記. 見到人潮就知冇行錯路. 魚蛋真係好食. 買左一串有長條型及圓型一大粒. 其本上兩者都好大件. 價錢係貴.左. d. 但係真係好有魚味. 長條型的魚蛋, 味道冇咁彈牙. 有點鞋口. 圓型的魚蛋, 味道咸咸地. 有彈牙. 魚蛋好滑. 人地又話紅豆糕好味. 我覺得好難食. 等我仲去買左一件. 好大件. 但係好粉. 多豆但係豆變左粉狀. 太過甜. 好似真係食固体狀的紅豆沙咁 完全咬唔到豆.咬了幾啖. 成件掉了.

買左幾件糕點番屋企做手信, 等屋企人試下!有紫米糕, 芝麻糕, 桂花糕 同埋 馬豆糕!!紫米糕同馬豆糕都幾好味, 紫米糕係我既 "飛佛"芝麻糕食落好粉好粉咁, 又唔好味, 好似用粉開既芝麻糊桂花糕淋之之, 又冇乜味!!下次主攻 紫米糕 又香又甜!!企喺檔前面好多烏蠅 "嬲" 腳.....感覺好污槽!!