新泰昌茶餐廳

今日不想出街，外賣泰昌茶餐廳二人套餐，只係$116, 包二個餸，飯，例湯或轉飲品，性價比高雲耳蒸鷄鷄件肉質嫩滑，雲耳盡吸雞汁精華，味道豐富鹹蛋蒸肉餅肉餅蒸得出色，加上大大粒鹹蛋黃，賣相十分吸引兩個餸菜配飯簡直一流，價錢實惠，會再光顧😍…查看更多

呢間餐廳都食咗好耐，大大碟價錢算唔貴，而且好食，特別係炒野，不過唔好夜晚去，味道差好遠，我估應該係兩個廚師黎，我食咗都有一段時間，久時久就食倒d奇怪野，我唔講咁多，最奇怪果次係食倒釘書機釘，我仲要次次都係叫乾炒公仔麵，我真係懷疑果次如果睇唔見食埋落去會點，自從果次之後我就冇再去過呢間餐廳食飯，不過我對碟炒麵真係諗諗不忘，真係炒得好好食，唔似附近其他餐廳咁，炒麵火喉次次都唔同，d麵經常煮過龍都仲放落鍋度炒，以上都係個人感覺…查看更多

之前成日黎呢間餐廳幫襯ga~其實係慈雲山區黎講佢嘅價錢係比較貴....不過佢d小菜係幾有特色嘅~我多數係晚飯時間去食~最鍾意食椒鹽鮮魷+原汁時菜牛腩煲~講真佢地d水準好唔穩定!!我試過食d 椒鹽鮮魷係炸到勁乾, d 時菜牛腩煲嘅牛腩係臭ga!!!!仲要唔只一次係咁!!!!! 仲有佢果度有個樓面ar嬸態度超惡劣 (瘦+綁馬尾ga)...平日堂食時叫佢攞d 嘢or抺下枱佢都黑口黑面!!!! 有一次我打電話去叫外賣, 叫時菜牛腩煲問佢時菜係咪有生菜揀時, 佢竟然好無禮貌咁話:[麻鬼煩! 要我行去睇! x]....跟住仲cut左我線, 咁我即刻打返電話落去, 今次係佢老闆接電話, 咁我就同返佢老闆講la! 點知佢老闆話佢不嬲係咁ga wor....嬲到我呢!!!!!我而家係比錢食飯, 而唔係比錢你黎受氣ga low!!!!!我發誓我以後都唔會幫襯呢間垃圾餐廳!!!!!!!…查看更多

身為學生,價錢同質素都好重要..不過有陣時都唔計得咁多,價錢第一位先..見依間細細地,人都多,就試下啦..佢d野普偏都好平..午市快餐都係$18/個..仲要日日唔同款..依個時世,仲想點呀?廚房炒d野普普通通,不過不失啦..d野都算新鮮晚餐d小菜都ok.. 叫菜膽雞竟然俾左半隻,$32ja枝竹豆腐火南,火南新鮮,枝竹豆腐無縮味..d汁岩岩好,唔多..同同巷既其他兩間優勝(試過有次食果兩間完全垃圾,縮味凍既都可以拿出黎)有茶有野飲,平成咁,兩個都係$60多d..仲有邊度可以做到?:)…查看更多

我果日中午同幾個朋友經過附近~~門口見到都好多人o下~~咪入去試下囉~~我地叫左幾個小菜試下~~大致上都ok~~最正係果個梅菜扣肉同埋羊腩~~埋單我地每人都係$30到~~有湯有飯有茶~~都算好抵~~~~~~…查看更多

係慈雲山食過咁多間呢間係最最最最難食食個咕嚕肉d波羅有陣"縮"味既飲紅豆冰d紅豆又孫既態度又差真係接埋佢好過啦…查看更多