新樂園大排檔

今天去大埔出差，約了大埔的朋友吃晚餐。朋友帶我去熟食市場打邊爐，點了一份黄酒雞煲。份量很大，應該一份是一隻雞，黄酒煮雞第一次吃。酒味很香，配薑粒和雞一起煮，聽說是非常適合坐月吃的。另外，配了兩隻荷包蛋，老板說煮開後便加入，馬上轉小火繼續慢煮，雞肉便老得不會很快。另外，點了一份小炒皇，韮菜，蝦乾，鱿魚，果仁一起炒，很香得適合配啤酒。下次可以去試一下他們的羊腩煲，看别人點了，賣相也很不錯，也是最早沽清的。…查看更多

每次去新樂園都係食牛腩河粉，覺得佢呢間嘅牛腩幾好食，份量又多。今次決定試吓咖喱牛腩飯，我最欣賞佢牛腩同白飯係分開器皿承載，自己鍾意食幾多醬汁就自己落👍🏼👍🏼咖喱牛腩飯一上枱，聞到好香咖喱味，而且份量都算幾多，佢個咖喱汁唔會好辣，我鍾意牛奶味嘅咖喱汁，所以都幾欣賞👍🏼我鍾意佢呢間嘅牛腩唔會大大嚿，切成條狀方便入口，而且牛腩都幾腍，吃上去口感唔錯。而且我都鍾意佢薯仔份量都幾多。總括而言，52元一大碟碟頭飯，仲有埋杯凍檸茶。算係幾好㗎啦。…查看更多

【大埔區】【新樂園大排檔】之前講大埔嘅時候有講到一間粉麵店，嗰間嘢最出名係魚蛋，咁我食完之後，覺得都係普普通通。表述咗件事出嚟，就有大埔嘅朋友話我聽佢中意大埔墟街市新樂園嘅魚蛋。有名有真相，我就二話不說即刻殺入大埔叼吓佢。佢哋本身原來係食啲大牌檔炒嘢嘅，而嗰度嘅顧客都係叫飯類多。不過我既然係去食粉麵嘅，就唔好忘記初衷，叫咗個下午茶，係 $45 嘅「金牌牛腩」併「手打牛丸」配「米粉」，講咁多其實咪即係「牛腩牛丸米」囉。啲牛腩又幾好食，順滑得嚟又香牛味，牛丸就有「大埔水準」，唔差嘅。下午茶套餐仲有嘢飲，我叫「凍檸茶走甜」，都係茶記水準，正常冇特別。食食吓忽然間諗起，喂我唔係嚟食魚蛋㗎咩？懵咗？係喎，又話想食吓魚蛋嘅。咁就唯有叫多碗嘢，叫咗 $42 嘅淨食「手唧魚蛋」併「鮮味墨丸」，個魚蛋係真係好過之前講過嗰間，唔錯。墨丸都 okay，又香口又有墨魚粒喺入面。咁樣食兩碗嘢加杯嘢飲就食咗我 $87，價錢都唔貴嘅，合情合理價錢咁囉。。。（地址：大埔鄉事會街8號大埔墟街市及熟食中心2樓CFS01號舖）#1amfoodie #foodie #hkfoodie #hkfood #food #foodporn #instafood #foodphotography #foodstagram #foodblogger #yummy #foodlover #delicious #foodgasm #instagood #foodies #tasty #tastyfood #dinner #foodpics #foodiesofinstagram #love #dessert #restaurant #foodblog #eat #1am大埔區 #大埔墟 #大埔 #新樂園大排檔 #下午茶 #金牌牛腩 #手打牛丸 #米粉 #牛腩牛丸米 #凍檸茶走甜 #手唧魚蛋 #鮮味墨丸 #1am1280 #1ambackup…查看更多

用餐時間（8:16pm late dinner）follow@wojengyea/@wo!正嘢 for more food info🐒 支持我哋發掘更多美食 😋今晚大埔得果8度，梗係食個暖笠笠羊腩煲；筍、馬蹄、羊腩、炸枝竹、大蔥、冬菇。煲滾之後飲一啖羊腩湯🥘，清清地又唔係好鹹，但師傅只係落咗馬蹄 🌰，冇落竹蔗，所以啖湯唔夠鮮甜。作為細羊腩煲，佢都算落足料，差唔多有20 幾舊羊腩🐑，當然唔係每一嚿肥瘦適中🍖，有啲比較韌，但係我覺得都算係靚嘅。炸枝竹走過油，所以一直細火煲都唔會話好腍或者溶咗，吸晒啲汁，好滋味，如果多多幾嚿就更好。大蔥煮完好鮮味，冬菇🍄同埋筍都吸晒羊腩汁啲味道，唔會太鹹幾好食。.本身想試佢個臘味飯，不過我哋兩個人食唔晒一份，佢冇一碗咁叫，所以叫咗個白飯🍚 ，白飯加埋羊腩汁同腐乳，真係冇得頂。唯一扣晒分嘅地方係送嗰碟生菜🥬🥬好明顯冇洗過，係每一條菜上面都有黑色一點點灰塵。🧐.呢間嘢冇冇收加一同醬料費都幾低食，除咗碟生菜有啲污糟之外，個羊腩煲值得推介。👍🏽…查看更多

嗰日去大埔墟街市樓下海鮮檔買咗啲海鮮，包括蟶子, 花甲, 瀨尿蝦, 桶蠔同埋海蝦，然後上去新樂園叫佢整俾我哋食蟶子就整咗豉椒炒蟶子花甲就整咗油鹽水花甲; 瀨尿蝦梗係避風塘做法啦，超級無敵正桶蠔就整咗炸蠔, 本人覺得只係OK,可以熟啲，但係啲friend就覺得好正海蝦就就咁白灼，都好鮮味後尾仲整咗個啫啫煲生菜，正到不得了所有海鮮買咗$680 ，然後上到去餐廳整咗以上做法嘅菜加埋兩支汽水同嗰個生菜就俾咗$720。三個人食，平均$450一個囉。咁多海鮮都真係好抵。呢間嘢整體做海鮮嘅味道唔錯，價格相宜，可以再去…查看更多

想食下炸魚沙律 經過新街市見到佢banner 咁大隻字下午茶 俾佢吸引左就試試佢吉列魚柳沙律等左5分鐘黎到係咁即刻問姐姐沙律係咪就咁呢幾條發黃既菜佢話係 冇雜果薯仔果d? 係，我地係菜沙律望下餐牌又真係冇寫 不過唔係俾幾條發黃既菜當沙律呀睇見都唔想食唔會有下次想伏既可以去試ps 見到佢係一大兜唔知放咗幾耐嘅菜到拿一撮…查看更多

趕住下午两點去大埔交文件,天色想下雨,1點3,粗粗地冇要求找一間熟食檔食個快既午飯套餐.咖喱豬扒飯+奶茶($48）咖喱汁,一般,有少少鹹咗,豬扒,真係好一般,件數多,但冇咩味,温度不熱,應該預先弄熟,加咖喱汁上去,就出.白飯,不是我喜歡那類,米既味道很淡,我少有的吃剩.奶茶,温度和暖,不喜歡這温度,我喜歡夠熱的.冇茶香,比美x,大家x 為差,極之一般般.服務水準,人手唔夠,一般般.衛生方面,服務員用毛巾一抹,有少少野落地,坐位下有 tissue.唔知點講,整體就是一般般.…查看更多

未搬入大埔就曾經去過熟食市場吃豬扒麵(不喜歡)，其後就試過泰式那間，之後10次有9次都係喺鴻發牛雜。這次早上行過最近扶手電梯這間新樂園，看見大家的早餐都賣相吸引，見店方都肯開一張大枱出嚟，於是便毅然坐下試一試。非常之親切的服務態度，例如會專登為我哋三人開大枱，然之後搬開上邊的食物，清潔後讓你坐下。然後我亦都看見前面有筲箕承載住起的魚皮，心想，店員會不會那一兩片給小孩試試呢，起了，心中一想，是變成真，be careful what you wish for because it may come true，於是小孩拿着魚皮在吃，非常快樂:)。這個雞扒早餐，比起上次在金龍吃的早餐有過之而無不及啦，雞扒好香脆，非常之大塊，醃料味道極之香濃，本身都有點蔥油的味道，更加好味，另外就有些茄汁豆以及煙肉。薯角都非常大份，可能有超過10件薯角，中間的薯仔肉亦都大大件厚實；另外的沙律，有些沙拉醬在裏面，味道當然亦都很好。奶油脆豬大大件，雖然不算很多醬油，不過夠大件到香脆，味道也相當不錯。條狀通粉，粉狀的感覺，不太堅硬，吸湯不錯，帶點咬口，挺為特別下次再去大埔熟食市場，就試一試這檔的訓練，如果冇眼測試這兒的偷懶或是有集和紅發都不算差太遠的話，間中吃下這兒都不錯，因為鴻發那邊的話這有時挺不好相與，老闆作招徠，阿姐完全不想落單、收錢、或是執枱。牛腩米線，其實也不差，不過牛腩輕微略瘦，但也帶皮及少許肥，米線沒特別，夠林，湯底也濃但不太具肉香。以價錢來說，不太差，但牛腩質地，還是鴻發略勝。…查看更多

今日踩完單車， 本嚟想去大埔街市熟食市場食炸豬排，點知四點去到，已關門大吉。 實在太攰，唔想再四圍搵食，見呢間新樂園話下午茶做到五點，二話不說就坐低叫下午茶食。 我哋叫咗西多士及魚柳包餐， 西多士正常， 魚柳包超有驚喜， 魚柳係即炸嘅，而且大大塊，厚肉嫩滑， 麵包都係熱嘅，可能制作需時，要等耐啲先有得食😅…查看更多

今日lunch黎熟食中心睇下買咩，見呢間店啲店員勁忙好好生意咁，就試下呢個豉椒排骨炒河粉係是日午餐其中一款，雖然咁多人但等左5分鐘左右就有，好快手份量真係唔小，排骨量都多，好抵食，味道都唔差，有好小好小辣辣地，又幾惹味…查看更多

熟食中心多數舖頭都cut cost，只有乾炒肉片河。呢間有乾炒牛河，於是就係度食 👍🏻.$36下午茶餐，送熱奶茶。乾炒牛河同奶茶質素都不錯。枱櫈乾淨企理，舖頭在街市最邊邊，座位空曠，唔洗同人逼。滿意的一餐 👍🏻…查看更多

今日係大埔做野，趁12點早少少上黎食個lunch 食物牛筋飯好大碗飯！如果係女仔，記得叫少飯！因為真係湯碗咁大碗🤣我老公食都話超飽。啲汁好咸，啲牛筋軟硬度適中！有好多蘿蔔。例湯-蕃茄薯仔湯一上湯俾佢嚇窒左🤣好大舊筒骨係碗，啲薯仔煲到溶晒，啲番茄都好甜，個湯都好濃。干炒牛肉烏冬應該有3餅烏冬？😦好大碟！我一個女人仔食唔晒，留咗啲俾老公食。啲牛肉全熟，唔係鞋，但唔算滑。味道我覺得岩岩好！好夠味，但唔係咸。超多片牛肉檸檬茶茶底略嫌唔夠味，但檸檬係靚！淡淡鮮檸味。不過唔係好甜服務應該係老闆娘？超級好禮貌💓不過好似得佢一個做樓面一腳踢環境入去要掃安心，上到熟食又要再掃，所以應該少咗好多人去食？但係比想像中嘅衛生環境好。坐得有啲密，有機會要同人搭枱，但搭枱又冇牌擋。所以最好湊齊4人坐一張…查看更多