影片
开饭介绍
新森林为一间以焗饭面为招牌菜的西餐厅，款式众多，另外亦有小菜及拉面供选择。
继续阅读
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
相关文章
放工想食啲够惹味又饱肚嘅焗饭，就拣咗呢间主打焗饭嘅《新森林焗之专门店》🌳，主打芝士拉丝加热辣酱汁，非常吸引！餐牌选择多，仲有铁板扒、特色小食等，真系港式焗饭迷天堂！🍛马来咖喱芝士焗牛脷饭 $60一开盖就闻到马来咖喱嘅香气，带微辣同椰香，好有层次，配上大量拉丝芝士，真系一啖接一啖停唔到手😋 咸牛脷炆得够腍，完全冇筋位，啖啖肉非常满足，呢个价位嚟讲性价比极高🔥！🥩铁板牛肉眼扒配蕃茄芝士焗饭 $94铁板上枱滋滋声响，黑椒香扑鼻而来！肉眼扒厚切多汁，酱汁咸香微辣，港式风味十足～一边食住扒，一边食焗饭，蕃茄芝士焗饭酸甜平衡，芝士食份量亦毫不吝啬，一餐两款享受，满足感爆灯💥！🍤一口虾多士 跟餐+$22外层炸得金黄香脆，虾胶够弹牙，味道唔会过咸，做前菜或者小食都啱晒，热辣辣时食口感最佳✨相比起一般茶记焗饭，呢度喺用料、味道同配搭上都行得出色啲。想揾间焗饭专门店叹个高质港式焗饭，呢间新森林绝对值得一试～下次想试埋佢其他酱汁款式🍴
继续阅读
喺黄色暴雨下嘅下午，喺湾仔唔知食咩好，见到呢一间细细个就食过嘅新森林。记得以前新森林嘅焗嘢又好味又大碟，所以同朋友决定再试吓，睇吓系咪同以前一样咁好食。见到有茶餐，茶餐系主食加小食，仲要有饮品都只系三十零蚊，连茶餐茶餐厅都做唔到呢个价钱。咁我哋就决定好豪咁样叫做四个下午茶餐，买单都唔使$200真系好crazy！芝士焗肉酱意粉+小食杂菜春卷（$39）我最钟意食芝士焗肉酱意粉㗎啦，因为下午茶嘅关系所以佢系Mini版。意粉即焗热辣辣份量亦都啱啱好。杂菜春卷够晒香脆，有啲蔬菜感觉健康啲，加埋甜甜酸酸嘅酱汁好惹味。红油饺子抄手+罗宋汤（$35）红油抄手用云吞做就试得多，今次系用饺子做都几特别，加埋佢嘅辣椒酱就更加惹味好食。罗宋汤材料足，唔会因为系下午茶嘅关系就会少左料。煎饺子四件+罗宋汤（$35）饺子煎到好香脆，加埋酱汁味道啱啱好。焗咖喱牛腩饭马来咖喱汁（$56）呢一个茶餐虽然系贵一啲，而且无小食，但系佢个饭系比意粉更加大碟，而且牛腩数量非常多，牛腩半肥瘦咁绝对唔会鞋，配埋马来咖喱，香浓咖喱再加埋少少辣味就非常惹味，贵少少绝对都得嘅。所有下午茶都有配嘢饮，我哋就叫左特饮仙草奶茶，仙草份量都几多，奶茶亦够味浓，所以要加$6都值得嘅。
继续阅读
#20250516 🤍📍 #新森林焗之专门店 湾仔湾仔道203号地舖 🍽️中环威灵顿街99号威基商业大厦地下D号舖➖➖➖➖➖➖➖➖➖➖➖➖➖➖➖➖➖#迷你焗の选B $59/餐 🥢 #鲜菌芝士焗西兰花💭 呢个餐第一步系拣个主菜先，如果唔想食淀粉类的话，焗菜都系个唔错既选择，成兜西兰花再加埋啲什菇，仲有啲芝士系面，食完都几饱肚🥦. 🥢 #焗咖喱鸡皇饭 💭 另一个餐既主菜叫左个饭，虽然size比平时啲焗细兜啲，但绝对无偷工减料，有三大炸鸡，仲有啲薯仔，配咖喱汁本身已经好味，最正系佢竟然有炒饭底太surprised，即刻加分🍛. 🥢 #罗宋汤连蒜茸饱💭 第二步就拣个前菜，食啲港式茶餐厅有时真系会为左个师傅汤而影响叫咩食，佢个红汤好足料，唔只杂菜仲有肉，跟佢个蒜茸包都有啲高质，唔系用法包而系用猪仔包，焗到外脆内软好好味，呢个包要比钱都会想叫尼食🥖. 🥢 #杂菜春卷 💭 个杂菜春卷就相对失色啲，以为入面系会有粉丝果只点知无，真系纯杂菜，只系轻轻炸熟左略嫌唔够香口，呢个下次应该唔会再叫😅. 🥢 #即炸墨鱼丸 💭 第三就拣返个小食先，炸墨鱼丸系屋企都整到既味道，而佢无用椒盐反而用左蜜糖做调味有少少特别，第一次咁样食原来都几夹，好似烧野食咁，如果佢搽左蜜糖再炸下可能会仲好味🍯. 🥢 #一口虾多士 💭 虾多士系两块方包夹住啲虾滑再一开四，呢个又炸得劲香脆，虽然咬落会食到有啲油渗出尼，不过唔算太油可以接受，因为虾多士本身的确唔易整🦐. 🥢 #仙草冻奶茶 +$6 🥢 #冻阿华田 +$3💭 最后一步可以拣野饮，冻野本来就要加$3，所以啲仙草变相只系再加多$3，咁计有个甜品食下又好似好抵，同埋佢成个餐咁计其实都好抵，岩晒啲想食好多款野既朋友仔，但佢啲小食偏炸野多，当饭堂食难啲🙈.#湾仔美食 #🐷在湾仔 #中环美食 #🐷在中环 #🐷_食
继续阅读
平时下午茶都会特登过嚟呢度食，因为实在太平，同埋佢哋有好多唔同配搭，真系一个价钱满足晒你所有欲望，想食焗饭又有，拉面又有，仲要价钱对得住质素，尤其佢个布甸好好食！如果大家住附近可以过嚟帮衬佢哋个下午茶餐
继续阅读
成日经过见到好多中学生帮衬试过就知点解😹餐单有好多不同的配搭一个餐你可以食到好多唔同嘅嘢简直系一个价钱满足你唔同嘅愿望🤓✨迷你焗猪扒饭+两个小食$59✨焗饭芝士好多 而且炒饭底都算干身 整体味道唔错 不过蕃茄味冇乜迷你size都好大个下小食都系一般中学生爱食嘅炸嘢不过味道都好好食 但就真系好热气✨迷你焗咖喱猪扒饭+两个小食$59✨首先咖喱味冇乜 而且味道偏咸呢个唔系好推荐 不过加配蟹籽沙律有惊喜大大兜 正常味道 不过$59真系冇得输佢份餐单仲有好多唔同嘅配搭全部都系$60内就可以食到好多嘢咁而家大家明白点解呢间咁多中学生帮衬😂我嘅建议系同同事过嚟一齐share如果四个人女仔share三个餐都好够饱！虽然整体感觉颓颓哋😅哈哈
继续阅读