新明記肥牛豬骨煲

新明记肥牛猪骨煲（佐敦）呢间舖头，真系由内到外都充满港式风味！店内环境够晒地道，班伙记仲热情到不得了！讲到打边炉，今次真系有惊喜！汤底款式多到眼花撩乱，超有特色，最后拣咗金菜猪肺窝，一上枱就知无拣错——汤底足料到呢，忍唔住未渌料先饮两大碗！猪肺处理得干干净净，一啲异味都无；手切牛牛味香浓，入口软淋完全唔韧；圣子新鲜大只，咬落爽甜弹牙；仲有𠮶几款手打丸，粒粒都爽口弹牙，真材实料！最后仲要加多个乌冬，吸尽成个汤底精华，一滴都唔可以浪费！…查看更多

这间朋友店名一定要去食的火锅店，今晚再去，之前试过他们的火锅，用料也算新鲜，入门口便见到一个冰箱，放满一些冰冻的海鲜，象拔蚌价钱，由九百多至1600，这个冰柜没有盖，温度看似不大冰冷，没有冰柜会见到的白烟，所以这些海鲜今晚都不考虑。至于其他火锅的食物，看不到，但是以往食过，其他食物也好味，今晚试了他们的猪肚胡椒汤，汤底味道不错但是枱面，有曱甴仔随便在枱面的食具走来走去8只生水饺，有3只水饺裂开的（忘记拍照）这样令整体分数降低了…查看更多

呢间火锅店真系好值得推介一下🤩！佢系正宗地道港式火锅店，食材好新鲜👍。最特别系每次我都要专登book早啲去，去问事头婆叫佢整碟🤤靓牛肉，如果你好彩，就有一个叫做腩包嘅部位可以食倒🎊，呢个部位唔系度度有得食！重点我试过自己喺街市买返呢个部位，喺屋企打边炉，系完全不一样的感觉。换句话嚟讲，即系呢间嘅呢个牛肉部位，真心系呢度食 先系最好食☺️。口感非常软滑，牛味极浓，记得听事头婆讲，唔好渌咁耐，渌几秒，一转色就搞掂🎀。当然佢除咗牛肉之外，其他嘢水准都好好，简直系港式火锅界性价比之王🏆！P.s.地方系有啲嘈杂𠮶种，同埋嘢食都好大碟，最好就系三五知己，同埋都钟意饮下大啤，粗旷型嘅朋友仔一齐去就会比较啱啲🤣…查看更多

最近同两个friend去庆祝生日，选咗佐新生明记猪骨火锅。入到去，环境算系几轻松，啲位都几舒服。我哋叫咗啲牛肉，真系几好食，肉质唔错，唔会太柴，吃下去有啲咬口感。至于啲海鲜，虾同鱼片都算新鲜，加埋啲青菜，整体搭配得几好。猪骨汤底味道算浓郁，但又唔会过油腻，饮落去唔错。虽然环境唔算特别靓，但同friend一齐食个火锅，大家边食边聊，都几开心。总体来讲，呢间火锅店系一个合理嘅选择，庆祝或者放松时都唔错，唔会令你失望。下次有机会再约人黎…查看更多

即兴约食饭唔知食乜好就决定大包围打边炉烚下烚下！朋友推介呢间港式边炉，于是夜晚时间就直接walk in一坐低先拣个汤底，要左个招牌猪骨煲，个汤底本身已经好足料，有多旧猪骨，仲有萝卜、粟米等等，试咗啖汤都好鲜甜。打边炉料方面叫咗本地手切肥牛、鲜虾手工水饺、鱼皮饺、鲜鹅肠、肉眼筋、白膳片、花皮片同油麦菜另外再叫左个小食麻辣皮蛋本地手切肥牛肉味香浓，不过脂肪分布就较少，所以无咁重油香但就食多几片都唔会觉得漏！水饺建议必叫，虾好新鲜弹牙，水饺调味做得好好，不禁令人一粒接一粒咁食。鲜鹅肠超级肥美，系胆固醇之选🤣好耐无见啲咁肥嘅鹅肠啦！肉眼筋又系必叫，口感爽口，食落有啲似猪颈肉，唔系好多地方有呢款肉叫，建议黎到要试一试。其他材料都系新鲜，味道正常，整体偏好。麻辣皮蛋个人就无食，但同行朋友表示谭x嘅做得好食啲。要试地道港式风味一定要试港式边炉！而新明记就做到非常港嘅味道～…查看更多