新新酒樓

新新酒楼是一家充满传统粤式风情的酒楼，复古的酒楼格局。一入座便奉上枱面花生，这是传统酒楼的经典小食，简单却充满怀旧情怀。蒜泥拍青瓜这款小食清新开胃，青瓜爽脆，搭配陈醋调味，酸香适中。少量炸蒜点缀其中，提升了口感层次，入口清爽不腻。蒜香一口骨每件骨头大小适中，刚好一口，份量适中至少有十件。外层炸得香脆，蒜香味浓郁扑鼻，咬下去肉质嫩滑，蒜香与肉香完美融合，令人停不了口。啫啫唐生菜热腾腾上桌，煲气十足，令人食欲大增。超大只虾干与肉碎搭配，酱汁浓郁惹味，唐生菜保持玻璃般爽脆口感，份外新鲜，熟蒜的香气与虾干的鲜味相得益彰，整道菜用料扎实，绝不马虎。清蒸沙巴龙趸是鱼肉嫩滑新鲜，即㓥即蒸，保留了鱼的天然鲜甜份量十足，绝无偷工减料，简单的清蒸方式更突显食材品质，适合追求原味的食客。怀旧金钱鸡是全晚的最大惊喜，怀旧金钱鸡在许多酒楼已难觅其踪，新新酒楼却将这道传统菜式完美呈现。金钱鸡由三层组成：面层是柔软猪肉，中间是鸡肝，最底是入口即化的肥膏，淋上叉烧蜜汁，味道浓郁。咬下去层次分明，肥膏的油香、猪肉的柔嫩与鸡肝的干香完美融合，甜咸适中，令人回味无穷，绝对值得一试！…查看更多

香港人放假时好多都会约埋饮茶，大多唔限时，一路食野，一路倾吓计。今日就约咗朋友上黎呢度。多款精美点心选择，厨房小食类都有，连好耐无食过嘅怀旧点心都有得叫。饮茶都会叫D饺类，见到瑶柱带子菜苗饺 ($33.8)，几名贵嘅食材名字组合一起，有别于食开嘅虾饺。外皮软滑透薄，见到内里嘅馅料，只只饱满。内里食到鲜甜带子，亦有虾肉，菜苗及冬菇粒，一只饺有唔同口感。睇见呢度有灌汤饺食，名字唔陌生，但唔知几多年无食过。仲要系花胶瑶柱灌汤饺 ($50.8)。以鲜甜上汤浸住只饺，花胶系侧边。喜欢嘅可以加少少红醋更令人开胃，入口食到有香菇，瑶柱丝，猪肉，虾肉及大菜糕。饺皮已被上汤浸得软滑，食吓食吓连连汤都饮晒。喜欢饮茶嘅原因之一，就系可以食到唔同种类嘅食物，煎炸香口类走唔甩。首先有香煎腐皮卷($33.8)，一条可剪成2件，方便易食。点喼汁食，皮脆内有芽菜，甘荀及菇丝及虾肉等作馅料，一啖一件好轻松。另一香脆炸物系蜂巢炸芋角($29.8)，一碟3件列队排好。唔系好多酒楼仲有得食，外面松化，咬入有芋蓉嘅绵滑感及惹味肉碎，无需点酱汁已经好好食。友人见到点心纸上有金牌炸乳鸽($52)，就话想食，心动不如行动。炸得颜色几靓，鸽身适中，每人半只岩岩好。卤得几入味，皮香鸽肉唔干，点少少喼汁食仲惹味。作为另类甜品有呢客原笼马拉糕 ($33.8)，大大个圆圈切成八小件。入口够热又松软，第一啖已食到熟悉嘅马拉糕味道，饮啖茶，食件糕，正。茶位每位$11，叫咗壶铁观音，加咗几两次热水都仍然咁香浓，二时后入座系下午茶时段，价钱下调，食得更开心。…查看更多

亲友想在生日食怀旧菜，就选一间交通方便的酒楼食饭。酒楼位于柯士甸道与弥敦道十字路口，无论是搭地铁或巴士都很方便。酒楼在商场内的高楼层，能远眺港岛区的银行及商业中心，景观真好!点 C 餐  6 位用 $2088 包茶钱、啤酒及汽水。另外多点两份小菜: 金钱鸡 5 件和客家梅菜扣肉 。上汤加拿大龙虾 6位份量有一只龙虾，如果是12位用有两只。龙虾斤量看起来不错，上汤汁味道适中柔和，龙虾和伊面都好味，份量亦够六人分享有余!翡翠花姿珊瑚蚌螺片、珊瑚蚌、西兰花及彩椒等都调味恰当，螺片和珊瑚蚌同样爽口，最爱的是新鲜西兰花!客家梅菜扣肉 $118闻到好香的味道，即时向侍应点白饭，扣肉几大块，味道刚好，扣肉肉质非常好及软腍，不用多咬可以大啖食，扣肉下的生菜更好味，好下饭! 清蒸沙巴大虎斑 1 条 (大)大虎斑蒸得靓，卖相很有气势，看起来多肉，夹下夹下果然多肉，蒸得刚好，新鲜，肉腍好食!白饭 $15在询问白饭的状况时侍应回覆白饭是即叫即蒸，所以要等，等下无问题，我哋只是想食梅菜扣肉捞饭吧!富贵黄金百花球虾球炸得结实，外脆内软，加入酸辣酱更好味!红烧竹笙鸡丝翅清楚见到材料丰富，汤亦鲜美，我哋饮晒一整锅。鸿运乳猪件全体以餐饮次序来算，鸿运乳猪应是第一道菜，但食到中段才到，乳猪皮脆肉厚，好食!金钱鸡 5 件 $190一直好期待的金钱鸡来了，闻到烧味的香味，汁少少甜，金钱鸡油脂味丰富，配青瓜可以解腻。5件金钱鸡有两件较硬，花点时间才可以咀嚼好，有点失望! 蚝皇金钱扣玉掌份量几多，玉掌下面的生菜更多。玉掌味道尚可，可以再更入味，冬菇和生菜好食，又多一款好下饭的菜肴!新新一品脆皮鸡  半只脆皮鸡闻到好香，皮好薄好脆，鸡肉腍身，不用蘸酱汁都够味，个个都好喜欢珍菌炆伊面味道调得很合适、不油、够热，好食!蟹籽海皇炒饭有蟹籽在顶部，另有虾仁、菜、葱和蛋丝等，炒饭有少许咸香味，干身，每人一小碗已足够。福康蟠桃 侍应主动更换碗碟及询问上菜进度，寿包要待客人同侍应讲才开始蒸，莲蓉馅有蛋黄，甜度适中，面团口感一般。糖水 - 红豆沙红豆沙材料丰富，甜度很合适，比想像中更好食，有点意外!半席晚饭份量算大，整体味道不太浓，很健康，我哋爱怀旧菜但期待品质更进一步。侍应服务体贴，酒楼位置方便，有景有美食，开开心心渡过一晚!…查看更多

爸妈有次经过见到新新酒楼，就讲话呢间楼酒佢地细细个就去，系好红嘅酒楼，以前好多明星面去。呢日同佢地去开佐敦，就直接去佢地去饮茶！ 12点已经人头涌涌等位，如果肯搭枱就快入啲，我地3个唔搭枱就等咗大约半小时就入得。*星期六 午市茗茶 $11/位 *点心都系$2x ，即制即蒸。《 剁椒蒸鱼云 $26 》一大个鱼头，肉多之余鱼鳃位又爽滑！《 金粟脆鱼饼 $23.8 》 薄身但弹牙加埋粟米粒甜甜哋好食；《 豉汁蒸酿茄子（大）$33.8 》 鲮鱼肉弹牙，茄子腍身入味～《 蚝皇叉烧包（小）$25.8 》 包热辣辣好松软，叉烧肉馅多，唔会得啲酱，好食！《 虫草花浸鲜竹卷（中） $29.8 》 唔油腻，汤又清香～《 银鱼仔肉饼饭（大）$45 》 几大盅，饭唔会太干，银鱼加肉饼好香口又有口感，加啲豉油捞饭好正～《 香煎萝卜糕（小）$25.8 》 萝卜肉多，香口好食，但如果多返啲腊肉粒会更好～《 鲜奶蛋挞仔 （中）$29.8 》好耐冇食过蛋挞仔，有四个～ 点心份量都几足，所以我哋三个都食得好饱。职员都好有礼貌，点心员亦都细心，下次再嚟饮茶先！！…查看更多

【油尖旺区】【新新酒楼】之前讲到有内地朋友嚟香港揾我玩，咁我就梗系要带佢哋食地道嘢。佢哋唔系广东人，所以选择多好多，例如可以去食点心，一样系我哋嘅特色。而佐敦呢间标榜所有点心系由该店自家制作，唔系交货嘅，之前睇过佢哋电视广告已经好想食，趁今次去饮早茶。个 $11 茶位我叫咗普洱、滚水，等佢哋睇会吓港式普洱风情。不过首先食嘅系 $18.8 嘅「蚝皇叉烧包」，歌仔都有得唱㖞，唔食点得，水准就正常啦。朋友就叫咗 $20.8 嘅「金粟脆鱼饼」，唔算系啲咩特别嘢，都系炸鲮鱼饼咁啰，落咗啲粟米都唔代表啲乜。港式点心点都要食虾饺烧卖呀，肠粉呀咁。先食 $30.8 嘅「蟹籽烧卖皇」，跟住食埋各 $35.8 嘅「笋尖虾饺皇」同「九黄鲜虾肠」，呢度应该系韭黄但佢打错字呀吓。一次过讲啦，味道都唔算好突出，只系睇得出真系自家制，够独特，三个人 $193 亦都唔贵。。。（地址：九龙佐敦弥敦道219号庄士伦敦广场11楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #佐敦 #新新酒楼 #自家制点心 #蚝皇叉烧包 #金粟脆鱼饼 #笋尖虾饺皇 #蟹籽烧卖皇 #九黄鲜虾肠 #1am1832 #1ambackup…查看更多