新川美食

营业中

休息中

可能大家都有食米線嘅習慣，要揀一間又平又有質素嘅米線，可以試下新川美食。落單型式同各間餐廳類似都係叫個麵底加啲餸，我推介食雞絲同埋腐皮，因為個份量真係好多，唔洗40蚊就可以一碗麵配杯飲品！

米線鋪頭開到成街都係，成日食米線又食到厭，呢間鋪專門賣薯粉，米線外另一佳選！同其他米線餐廳差唔多，都係揀個湯底，再揀餸，鍾意食幾多叫幾多。平時米線鋪個麵底都係得幾條九菜，幾塊腐皮，呢間唔同呀，淨係個麵底已經有炸醬同生菜，正到！我個人唔鍾意食酸辣，唯有叫左2號湯幼薯粉走酸走辣。黎親一定係叫佢個招牌麻辣腩肉！碗野真係好足分量！腩肉味道神奇地正，冇乜邊度食到呢個味道。幼薯粉堅堅韌韌，又唔會咬唔開，D湯掛係薯粉度放落口，享受！炸醬撈埋食，味道昇華。連碟菜都大份過人，抵！

《秘製醬汁重慶酸辣撈紅薯粉》$23！！ $23（加餸另計啦親）—講緊係堂食價呀痴孖筋🤣🤣 試問香港地而家既粉麵店除左魚蛋粉之外點搵到咁既價錢？無辣不歡既小編見到即刻狗衝左先！！ —— 呢間outlook係一間完全不起眼既舊式粉麵小店，而且位置都唔算旺街，所以比較少人知？😶一坐低叫完等左大概5分鐘就有得食喇！ —— 最正係佢有市面好少見到超闊紅薯粉！！ （小編係荃灣某間小店都必叫呢款同款薯粉，有興趣下次介紹埋） 一上已經聞到個香辣味🤤份量好大碗，醬汁唔姑寒，足夠拌完成碗麵都仲有凸，薯粉烚到剛剛好，超彈牙🤤🤤配埋個醬不得了，好開胃，一條接一條，不過我叫左小辣，覺得唔夠辣🤪食得辣既可以叫中辣～ — 整體性價比、味道黎講$23無得輸🤤 但當日旺場時段去食都無乜人😕 旺角太子區食店換畫速度係光速，每幾個月就一堆有心做味道不錯既小店消失，但係大集團劣食$50-60一個工場飯就每日排哂隊🤷‍♀ 每次見到有D鍾情既食店結業都會幾心酸，同D東主傾計亦都知好多小本家庭式經營都唔會識做宣傳（例如旺角既某間已結業烏冬店🤦🏼‍♀😭）避免有質素小店陸續消失，行過既，見到有D有heart小店不妨用你準備買大家x既一

這新川比起平時的川味，門面也不算差別很大，但是吃來，應該是獨立鋪頭🤔，與川味那些分店有所不同。這次點了一個蘿蔔豬耳的撈拉麵。由於這次，等待其他友人來到，然後打麻將，但是肚子亦不算極之肚餓，因此沒有很好的胃口想吃腩肉，而且如果吃得急促，吃太多恐防會肚痛，於是就點了個沒那麼多肉的東西。😏撈拉麵看起來份量不少，麵條多，而且夠熱燙，湯麵條的份量，滿載整個腕子，相當爆滿。蘿蔔都應該有三四件，切得太大件，而且外皮都清得挺乾淨，不會留下少許根，以致影響口感，蘿蔔切得夠乾淨，起上來就會覺得甜味濃郁。豬耳的味道亦都正常，不算太過辣，但是又有點香辣的麻味，配合撈拉麵，相當過癮。由於內裏大部份位置都已經坐滿，我坐在門口那個單人位，但其實這個位置，有點兒反智。🕵🏾‍♂️因為單人匹馬來，大多數人都打算自成一角，或是不讓別人知道，反而，這個單人位是向着門外的行人路，那麼，不就會讓其他路過的人士，看到你形單隻影的低頭在吃米線？而且，既然店內有電視，更加應該將這個位掉轉，讓客人看着電視，背對門口，更見理智。😉

由於出開黎旺角，係唔知食咩既情況之下。。我諗係［佢］。。於是，我就由旺角行到黎太子。。還好，夜晚店內不是很多人，我揀選了一個能看電視的座位坐低。。。叫番我例牌叫既蘿蔔及加左海帶配上微辣既肉碎湯底試試。點解話哩間係鬧事中既綠洲？試想想係地段咁貴既位置，點可以仲$33米線配兩送？而且唔係將價就貨。。。湯底真材實料，飲完都唔覺得口渴。。。而且大大碗，絕對係抵食所以以前係附近番工經常黎幫襯講番碗麵，咁來無食，都維持都水準，配菜豬肉碎辣味依然吸引果然千里迢迢黎食無失望

今晚媽媽話執屋執到好攰，叫我買晚餐，我話不如食麥記，佢話不如食樓下的紅薯粉，我當然就佢啦！我點的係酸辣炸醬紅薯粉， 加芝士腸同腐皮。以前食過好多次都係食中辣都唔夠辣，唔夠過瘾，今次試大辣，點知成大層辣油，越食越覺得辣，要飲兩罐汽水先解到都辣，但口解到辣，個胃辣左成晚。 另外，腐皮份量都幾多又滑，芝士腸脹卜卜，味道唔似有時出面既cheap野。媽媽叫的是秘制醬汁撈紅薯粉加通菜。今次挑戰大辣失敗，下次叫返中辣，揾返啲酸酸辣辣既感覺！😄😅

現今的社會開了很多的米線店，各店都有不同的特式，今次去了家附近的「新川美食」。「新川美食」在太子的分店在砵蘭街太子這一段，以前這一段的砵蘭街十分之靜，但現在附近有中港巴的停車處，很多的食店都進駐了這條街，令去到這條街找東西食都十分之容易。進餐當日是公眾假期，十一時多去到時店內沒有太多的客人。店內的裝潢十分之簡單，顏色是以白色和綠色為主，椅子都是綠色的，卡位都只得數個在近門口的位置，還有數張的六人枱放在店的中間，佈置簡單。餐牌是以麵食為主，以湯粉或是撈粉配上食物，食物的選擇有三十多種，都是一般的米線店的風格來。今次的選擇是鹵水雞翼湯拉麵、豬肚湯米線和涼拌雲耳。鹵水雞翼湯拉麵($29) 由於是拉麵，配菜是炸醬、生菜、蔥花和莞荽，這個炸醬的肉香味濃，食落濕濕地而只有少許的辣感，但這個炸醬令湯底的味道更加豐富。拉麵十分之爽口有咬勁，而這一種拉麵比較幼身，吸湯的狀態十分之好，所以充滿了湯味，而鹵水雞翼可能未煮得太久，所以未到完成淋身的狀態，不過只是個人喜歡比較軟身的情況，而這個雞翼的味道也十分之入味。豬肚湯米線($29) 米線的配菜除了有炸醬、生菜、蔥花和莞荽之外，還加了芽菜和酸菜，

同朋友參加完比賽，超級肚餓，朋友帶路過咗嚟食薯粉～我不嬲都幾鍾意係薯粉，因為夠健康，口感又夠特別，今次就食咗蘿蔔牛栢葉薯粉，配料炸醬絕對係精髓！好味～蘿蔔非常入味！牛栢葉就一般啦！份量好多，果然真材實料，建議可以叫少啲薯粉～賣相就麻麻地啦！菜都冇條 

今日同朋友去完西九龍玩完一個挑戰賽非常肚餓，就去左太子搵野食，平時去開一間米線竟然星期日收5點，冇得食，我地其中一個朋友就話過去面街搵第二間米線食，入到去望下餐牌，有好多款米線揀，但第一次食始終比較保守，就揀左炸醬米線，配腩肉，肥牛同豆卜，辣就揀左小辣，嚟到都幾大碗，自問都大食，竟然食唔哂，配料份量都相當夠，唔會話多餸，其他份量就少，米線亦都幾爽口，不過下次我可以再試辣d，呢個應該同譚x嘅10小辣差唔多，總括來說，幾有驚喜，不過冇凍檸茶個啲揀，只有汽水同豆漿，算係美中不足！！

由於家住附近，經常會來吃。這附近的食肆多得很，薯粉都有三、四間，選擇新川最主要的原因是它的下午茶！$25一餸或$29兩餸跟一杯細豆漿，抵．到．爛！最常吃的是腩肉豬耳撈寬粉，腩肉和豬耳本身有少少麻辣，所以薯粉不加辣都ok了！腩肉肥瘦適中，豬耳爽脆，最重要的是完全沒有毛（在其他餐廳見過很多次全都是毛的豬耳，請不要想像佢有幾嘔心），調味是真的有麻的感覺，讚！不得不提的是，每款粉本身都有跟覆蓋半個碗面的炸醬，份量絕對比平常在其他店要付$4-6的來得多！炸醬鹹香，提味不少。雖然話下午茶份量較少，但已經夠晒飽！又平又好食，教我如何不愛它？

我已經食咗好多次，差不多一星期都食幾次，因為係附近返工。食到同啊姐都好熟。我自己鍾意食米缐，薯粉，餸方面就鍾意海帶，豬頸肉，最近推出，粉腸，超好味。豬骨湯底一流。                                           我唔敢挑戰佢哋嘅麻辣同酸辣，因為我唔敢食辣。