新川美食

這碗炸醬湯紅薯寬粉，絕對是近期吃到的寶藏主食！先誇湯頭——酸辣口裹著炸醬的醬香氣，喝第一口就被「濃」住了：酸是酸菜和醋香的鮮爽，辣是溫和不嗆的回香，炸醬的肉香浸在湯裡，每一口都夠味卻不膩，連喝三勺都不過癮。 食材新鮮度更是加分項：紅薯粉彈潤掛汁，寬粉軟韌裹滿醬香；蘿蔔甜脆、紫菜軟嫩，滷水雞翼滷香透骨；魚腐吸飽湯汁軟嫩爆汁，牛百葉脆爽帶勁，五花腩油脂香融在湯裡，每樣配菜都襯得湯底更鮮活。 最妙的是酸辣度剛好踩在舒服的點上：小辣款是柔和的開胃感，麻小辣多了層麻香後勁，吃完嘴巴舒服不燒胃，連不愛吃辣的朋友都炫了大半碗。整體是「煙火氣裡的用心」，從湯底到食材都透著實在，吃完暖乎乎的，忍不住想再點一份打包帶走！…查看更多

叫咗豬耳柏葉酸辣米線， 個豬耳比湯淥到骨肉分離， 落單寫爽D上到黎連豬軟骨位都係淋嘅，問服務員有冇得另上去就話冇， 係林咗少少（ 骨同肉都分開曬都話少少？？） 但米線的確係彈牙好食嘅…查看更多

🥹本身睇評論以為態度會好差點知入到去老闆娘勁nice 而且態度超好俾籃擺袋+客氣，完全唔係啲人講到咁差🙏🏻叫咗響鈴豬頸肉薯粉，勁足料起碼有6-7塊豬頸肉湯底好價錢抵食🙂‍↕️會再去幫襯的…查看更多

食到一肚火！平時每星期都會有一晚去食，次次去都唔算多人。當時店內只有4至5檯客(共十幾檯2人枱)，坐低已立即落咗兩碗粉，野食到咗後我開始食先，朋友10分鐘後到達都即刻開始食，嗰陣店內客人仍然不多，約半滿。店內近廚房位置有2張4人枱，而每張枱上都有擺隔板。當時我同朋友坐喺其中一張4人枱既最埋邊，而隔離座位，包括另一旁既4人枱都係冇客。食食下咁就有位男士入嚟，一個人食。老闆娘就指咗佢坐我哋身旁既2人位。我同嗰位男士對望咗一眼同苦笑咗一下，應該大家都心諗緊，咁多位都要啲客逼埋一邊坐？！而且店內仲有其他2人及4人枱係吉既，都唔會話好阻人吖。之後嗰位男士開口問可唔可以坐另一邊，咁老闆娘就無奈地話OK。本人食完自己碗粉後，因為朋友未食完，就拎份功課出嚟放喺膝頭做住先。當時已經感覺老闆娘一直望住我哋。直到朋友食完，飲緊杯野飲，老闆娘即刻印張單出嚟交比我。食過既朋友都知道佢每次都唔會印單，行去收銀埋單就可以。此舉已令我哋黑人問號，畢竟朋友杯野飲仲有半杯，咁已經要趕我哋走？睇返時間由我進店只係半個鐘。我哋冇理佢，繼續飲埋杯嘢同埋抹嘴撩牙。呢個時候老闆娘已經急不及待，問我啲嘢食仲要唔要，然後即刻收走。食咗咁多次真係第一次會咁。當時我以為已經店內滿客，費事阻住人所以即刻起身走。一起身見到仲有幾張吉枱，有二人枱亦都有四人枱，亦都冇人喺出面等緊位。究竟係有乜咁迫切要趕啲客走呢？ 唔講以為佢full Booking。即刻上嚟OpenRice睇吓有冇人有相似嘅經歷，點知真係有，決定以後唔會再幫襯。…查看更多

講到食米線，新川一直係我嘅最愛，位置喺正太子站D出口附近，夠晒方便，而且服務亦都唔錯。撈米線 / 薯粉我認為係十分出色嘅，每次都係叫呢樣，再加理魚肉春卷、魚腐、腐竹、雞絲，真係好足料，又飽肚，每次食克都好滿足😇！…查看更多

心血來潮想食紅薯粉，人在太子即刻搵下附近有冇呢樣野～見到每次經過都有啲興趣嘅新川美食，今次唔使諗啦，即刻行過去！晚上八點鬆啲嘅時間入面坐爆，不過等左5分鐘就入得。湯炸醬大腸麻辣腩肉紅薯寬粉+可樂炸醬啲份量都幾多，味道仲好OK添！反而大腸味道一般，而麻辣腩肉好瘦，呢兩個餸都麻麻地，比較失望。主角：紅薯寬粉係好食嘅！湯底都係OK嘅！整體食後感係：價錢平、想食紅薯粉嘅話可以再黎。姐姐嘅服務正正常常，而且非常快手！…查看更多

🥣 炸醬湯紅薯粉條配麻辣豬耳、豬頸肉 ($49)叫咗小辣，個湯底正常👌🏻 薯粉係攣攣薯粉😍豬頸肉軟硬適中，但係佢就唔係炸過嘅豬頸肉，冇咁惹味🐷 唔知有冇人都食得出，出面有啲豬頸肉係有豬臭味嘅，但呢間就冇👍🏻麻辣豬耳食落超級滑😋DaiC的話💭：1️⃣環境光猛，乾淨企理👍🏻 估唔到食薯粉嘅舖頭都會有置物籃預備俾客人🧺2️⃣當日我星期六中午去到，唔算多人，店員都好nice🍽️：新川美食📍：太子砵蘭街414號地舖…查看更多

特登叫個蕃茄湯米線外賣返到屋企個湯底變咗清湯明明離開舖頭前仲問多一次湯底係咪蕃茄湯嗰上年紀職員仲答我係🙄返到屋企發現後，第一時間打電話去舖頭問返個上年紀嘅職員我話你頭先又答我呢個係蕃茄湯？佢話我答你張單係咋嘛，我根本都冇睇過你碗嘢！淨係識得講，哎呀係咩，唔好意思完全冇話補返個湯底俾我，因為蕃茄湯底要額外加錢咁我話咁點？係咪要我拎多次落嚟？落到去舖頭話我哋搣走咗釘喺外賣膠袋出面既外賣單又係嗰個上年紀嘅職員搣走！最搞笑反而係話個客自己搣走。態度又唔係好，做嘢成日甩甩漏漏幫襯咗幾次，次次都有問題！而且今次我叫冬菇同豬皮餸，佢哋啲餸勁少冬菇得三小嚿！總之外賣嘅話就睇路啦！你估個個都咁得閒返轉頭補返啲湯底？…查看更多

呢間餐廳真係令人失望，服務態度差到極點！每次去到都硬係要逼客人坐牆角嘅位，完全無尊重客人意願。最離譜係個阿嬸，成日黑住塊面，好似你欠咗佢錢咁，講嘢又唔禮貌，完全冇服務態度可言。食物質素亦係一般，完全唔值得忍受呢啲咁嘅服務。食飯應該係一件開心嘅事，但係喺呢度食飯只會令人氣憤，簡直係自討苦吃。呢間店真係應該檢討一下自己嘅服務態度，否則我相信好快就會冇人再幫襯。以後我一定唔會再踏入呢間店一步！…查看更多

今日食：撈紅薯粉+生根、滷水雞翼同凍檸茶，整體算係抵食！ 紅薯粉：彈牙有咬口，唔會太腍，調味都算足夠，撈粉本身冇酸菜，我覺得唔夠酸，所以自己加咗醋。不過原來有湯底版本係有酸菜嘅，下次可以試吓！ 生根、響鈴：好食！吸汁入味，唔油膩，真係有啲餐廳嘅響鈴會唔好食，呢度嘅滿意！牛肉：比較普通，食落有啲膠膠哋，難咬開，口感唔太好，食嗰陣仲有少少擔心會哽親。 滷水雞翼：味道算入味，但煮得耐咗，肉質偏柴，口感扣分。 凍檸茶：試咗走甜同少甜，走甜反而好飲啲，茶底有啲淡，少甜版本嘅糖精味太重，唔太推薦。 總結：$55兩餸包嘢飲，性價比算高，餸菜質素參差，但紅薯粉同生根響鈴係亮點！如果揀到好食嘅餸菜可以上4星。特登去就未必，但如果路過或者想解決一餐，可以一試～ …查看更多

之前幫襯過幾次，負責流面個阿婆次次都安排人坐得好辛苦。一個人食安排坐四人枱，兩人迫人坐細枱，仲要拎隔板隔開。又唔係繁忙時間，完全不顧食客感受，現場根本唔滿坐，俾錢去食簡直貼錢買難受，以後唔會再幫襯。…查看更多

依間湯嘅米線冇食過，但熱撈寬粉好好食。嗌咗少辣少麻，但麻都幾勁🤣 少麻都成個嘴唇有感覺🤣🤣🤣而份量超級大碗，嗌咗兩個餸，豬頸肉薄身少少，唔係爽口彈牙嗰隻，但唔係好肥，雞絲就索哂d麻辣汁，覺得鹹咗d d。如果叫湯粉，寬粉就未必好吸湯，但撈麵來講，寬粉就索哂d汁，絕對夠味的！食完有少少頸渴，不過食依d重口味嘅野都正常嘅~另外米線小店來講，覺得佢環境望落都乾淨，唔會油淋淋，而且有時仲會見到隻貓貓㗎！…查看更多

聽過新川好耐,今日終於試試佢… 份量ok,但湯底鹹得過份（雖然見有得揀味道較淡）, 另外揀咗麻小辣,又唔麻又唔辣…成件事都幾差…我都唔會再想比機會再試…因為真係鹹到苦…查看更多

今日去開太子，想食辣嘢，於是去咗新村美食，叫咗湯嘅薯粉，嗌咗中麻辣，舖頭落咗好重花椒，真係做到好麻辣，好好食。舖頭仲有貓店主，好親人，但係又唔會阻住食客店舖環境都OK。…查看更多

新川之前有兩間分店～一間係太子～另一間係紅磡～可惜紅磡嗰間已經結業性價比都算高～份量都多～湯底都夠酸幾好食可以選擇豬骨濃湯或者秘製醬汁撈粉～餸方面都有好多選擇～價錢都唔係好貴～份量都算多～秘製腩肉豬骨濃湯炸醬紅薯粉～有：芫荽碎、酸菜、蔥花碎、炸醬～湯底夠酸～最鍾意多芫荽碎令到湯底更惹味～秘製肉碎好惹味唔辣～秘製腩肉都有好多塊味道唔算濃～都係靠個湯底～炸醬有豆豉粒、蒜蓉粒、辣椒粒～不過唔辣座位都舒適～枱都算幾乾淨…查看更多