平时旧式扒房多数都系去金凤或者名宝石,无意之中发现到原来铜锣湾有间「新宁餐厅」,咁就试吓啦。对比起其他旧式扒房,入边环境优雅好多。灯光昏暗,好有情调。而且感觉好干净企理,餐厅入面都好安静。🥖一般餐厅点餐之后会为你送上餐包同埋餐汤,但系呢度佢系会拎住一大篮餐包,入边有各式各样唔同种类,例如多士,餐包,燕麦包及小法包等等。客人可以自由选择,钟意食面包嘅拣多一两款食都可以。🥩主菜到。呢度嘅薯菜系原个焗薯,对比起出边好多餐厅系炸薯条或者薯角感觉高级好多。块扒质素一般,但系胜在诚意搭救,上面涂满咗香草及蒜蓉,令成件事生色不少,香气四溢。总括而言,我觉得呢度系食环境同埋服务比较多,食物我都会比80分佢嘅,但系整体感觉系食得舒服❤️…查看更多
