新嘉美茶餐廳 (已結業)

上次新年前食过一次，但因为师傅整亲只手所以果次冇汉堡包得热狗卖，虽然热狗都好食，但真系好想试佢汉堡！所以今日去之前都打电话问下先，费事去到又冇！今次叫咗奶茶、超级汉堡跟沙律，奶茶好饮，沙律正常唔太酸，个包真心正，包皮好脆，料又多（薯饼、烟肉、煎蛋、番茄、生菜），汉堡扒系手打肉，好juicy唔会柴皮，略嫌烟肉唔够脆，个包大到一只手都揸唔哂！埋单$53真系超值！其实最佳配搭应该系薯条、汉堡包、黑牛，但因为今日天气太冻同埋新年食d嘢太热气所以要戒下口！餐厅做到二月尾光荣结业，要试就趁早！…查看更多

今日纲上登记左到湾仔鹅颈桥附近红十字会损血.正准时到达.并登记及评估是否可以损血🩸及督手指验血色指数.当时被评核报告可以损血🩸.但因为我还未食早餐.职员话要我去附近食早餐.食完早餐再归来给我损血🩸.突然间想起在附近有间怀旧餐厅.于是乎决定去食番个怀旧早餐.当我哋嚟到餐厅门口.入面顾客唔多.枱櫈绿色为主.地方整洁.我哋坐喺四人卡位.啲侍应叔叔都上咗年纪.服务态度真系好好👍.我哋都有睇👀餐牌.我哋拣咗两个早餐如下：1. 火腿通粉 X1 $38元 配：煎双蛋及牛油方包. 餐饮：热鸳鸯.2. 双拼面餐 X1 $38元 沙嗲牛肉拼猪扒公仔面. 餐饮： 热鸳鸯.注：在等餐的时候在社交平台发现餐厅公告做到2月底.光荣结业.香港又少咗间七.八十年代老字号嘅餐厅.真系越来越少.令人可惜！…查看更多

上星期三一个人去湾仔做嘢， 经过呢间都叫做有啲名气嘅餐厅见到门面ok，入面又唔太多人又知道系黄店于是入去食个午饭，餐牌选择都好多嘅， 于是叫咗个个汉堡包午餐， 但系上餐之后咬落去𠮶个汉堡牛肉冻嘅，另外薯条又系冻嘅， 奶茶叫少甜点知仲甜过红豆沙， 叫待应哥哥换个杯但佢个态度仲话好似话我唔啱咁， 价钱己收得唔平埋单差唔多100蚊， 食物质素差唔好味都唔紧要，因为支持黄店都预咗 ，但服务态度差就绝对接受唔到，永冇下次帮衬。…查看更多

入嚟简直系受气，问个收银系咪随便坐又唔答人，跟住我企系度望住佢，佢先比手叫我随便坐。入到去，嗌咗个茶餐鸡髀沙律同单份脆猪，鸡髀沙律正常但个脆猪唔脆，合共$65最后，收钱就系𠮶个西面阿婆，呼喝我放低啲钱，以后都唔会嚟呢间所谓嘅良心餐厅…查看更多

见到报导话 2月吴做所以就留意下见热门就系 超级汉堡🤨谂住都系 噱头嘢就试一下先😉超级汉堡包包面 有点点脆😯暖暖地入面好多料😲有 火腿，太阳蛋，薯饼厚牛肉汉堡，蕃茄，生菜当中 最出包系 牛肉汉堡扒🤩有肉汁😯 少少既牛肉美中不足既系 有少许筋🥴包底食到 有用牛油上过色建议食法: 切一半食😉易入口又令太阳蛋流黄😋结: $53个下午茶餐包野饮🤨🉐个包中上 水准😋🤨绝对 对得住价钱💰🫶🏼另外估吴到 旧式茶记都食呢种创意只可以做到2月……#新嘉美茶餐厅#超级汉堡包…查看更多