🐑虎珀合桃，呢度高级食府嚟讲，算唔合格喇，唔够香又唔够脆，发挥唔到坚果应有嘅香味。世一虎珀合桃，系嘉麟楼当之无愧🐑百花脆皮乳猪，每次必点，简单讲就系虾胶酿喺乳猪皮上炸，虾胶弹牙、乳猪皮脆口呢啲不在话下，重点系虾胶与乳猪皮中间爆发嘅𠮶阵油香，每次食都系惊喜🐑玉兰带子虾饺，全世界嘅虾饺，再好都唔会有阿一鲍鱼6成嘅水准，所以就算喺新同乐饮茶，都一定唔会叫虾饺。叫带子虾饺就唔同喇，厚身北海道带子打横开半，放上开口虾饺上蒸，带子时间刚好，唔会靱，估计系后蒸嘅，鲜味甚显著，带子味甚至已经向下渗咗入下层虾饺馅中，带子+鲜虾混和嘅味道，是但用个脑谂下都想像得到有几正啦😆🐑萝卜糕，煎得好香，第一啖咬落去，腊味嘅味道喺我口中狂爆，再赵落去就系白萝卜嘅甜味。贺年年糕我哋都有喺新同乐买过，必须要承认一点嘅系，自己煎，一定冇呢度嘅师傅煎得咁好食，唔系废话，系肺腑之言🐑鱼翅灌汤饺，严格来说，呢个唔系灌汤饺，而系汤浸饺。大饺蒸好，再放入鱼翅汤中，汤虽只是二汤，但火腿嘅味道，依然可品尝得出。接近$170一只，鱼翅放晒喺个汤度，一目了然，份量之多🤯，我自己都吓了一大跳，太慷慨了吧，绝无冇欺场🐑鲍鱼酥，牛油酥皮好香，上枱已经闻得到，超热上桌，保证系即叫即做。鲍鱼虽然切成小块做馅而非成只放上面，卖相系扣咗少少分嘅，但好处就系，咬入去个鲍鱼味确系好重，绝对可以弥补得到卖相方面嘅缺憾…查看更多
