新光粥店

【油尖旺区】【新光粥店】喺一个好热嘅夜晚，自己一个人喺佐敦揾嘢食，但系唔知点解啲餐厅一系闩咗，一系就唔系好适合一个人食。本身有间我差啲入咗去，点知一只脚踩入去，厨房已经有人同我讲话闩咗门，都几无奈。行吓行吓就揾到呢间，真系好热，又冇时间喇，求其食啦。呢间粥舖嚟，不过我真系热到唔想食粥。先食 $11 嘅「牛脷酥」，都唔知佢放咗几耐，不过胜在唔热，又香口，又几好食㖞。跟手叫多个 $21 嘅「叉烧肠粉」，唔知系咪因为肚饿，觉得个肠粉都唔错。虽然佢个叉烧馅真系好一般，不过趁热食又几得吓㖞。虽然话唔食粥，但系点都要食返啲主食嘅，咁就叫咗 $35 嘅「韭菜猪肉饺子」，有六只，仲有啲生菜垫底，味道就相对平庸，始终系粥舖，冇得要求咁高，同埋佢价钱都唔贵。最后要讲返我一入嚟就叫咗嘅嘢饮，系 $8 嘅「冻豆浆」，爽。埋单 $75，合理。。。（地址：九龙佐敦宝灵街44号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺区 #佐敦 #新光粥店 #牛脷酥 #叉烧肠粉 #韭菜猪肉饺子 #冻豆浆 #1am1828 #1ambackup…查看更多

星期二，晚上8:58天气开始凉（唔系冻），除咗煲仔饭，我最喜欢食粥、炸両、炒面等。今晚夜了点才有时间食晚餐，由于回家车程最少一小时，想著找点简单的医肚后便回家，由尖沙咀走到不太熟悉的佐敦碰运气。到了佐敦见到一间粥店，正合我意，但在门口停了数秒，心中觉得这不是我想入的店舖，然后再「扫了」隔邻两条街，仍没有心水，心想好吧，回去之前那间粥店吧，这时候，在宝灵街一间较旧门外放著少量油器、蒸糕，我的脚已走向店舖。我点了最爱的皮蛋瘦肉粥和炒面（炒米沽清），这才发现，店舖营业时间到9pm 😱。老板娘和另外两位员工（可能系儿子？）笑笑口说：「唔使急，我哋冇咁快走，慢慢食。」粥，当然好味。炒面，不是我最爱，但 ok 的。最重要，系人情味，这些地道的食店，充满儿时味道和回忆，但已经越来越少，因为老板娘话斋：「租贵、人工贵、来货贵！」没想到，这舖的租金要咁贵！疫情前后经济不太好，业主不愿减租还想加，要是加租的话，我以后就冇得再来这里食粥了。香港除了地产覇权外，可以容纳其他让社会平衡一点吗？…查看更多

见老店入去一试，点知有惊喜，碗粥劲大碗，即叫即滚，味道算可以食得出粥底煲左好耐，好绵冇米渣，葱放得岩岩好，食得出爽口，鱼腩粥入面啲鱼腩好鲜甜，推荐老店甘既价钱有甘既质素，性价比好高👍🏻…查看更多

老店，姨姨服务态度唔错，粥几棉下，猪润非常可以，唔明白点解会有甘多负面评价咯，肠粉就无粥甘好啦，可能个人口味问题，我唔太喜欢这种口感的拉肠，但粥就真是唔错，值得一试。…查看更多

作为一间老粥店，除了风味重要之外，其实食物味道都好紧要，可惜呢度只保留到风味，真系令人感到伤心。早餐时间去帮衬，因为天气真系太热所以唔系好想食粥，怕未食完已经成身汗，于是叫咗豉油王炒面、蒸萝卜糕同埋饮咗一杯豆浆。豉油王炒面勉强合格，始终佢炒得唔系好够干身。萝卜糕就完全失望，我记得以前佢嘅萝卜糕味道唔错，衣家就粉多萝卜少，唔掂。豆浆唔太甜就几好，佢话系自家制，都似系嘅。…查看更多