新光潮州菜館

营业中

休息中

原本打算去看飯碗班最後一堂的作品, 跟住再跟大隊去吃晚飯.後來大皇請我到一品齋幫手做訪問, 來個上半場甜品.本來約好去妹記小廚, 但已結業(按KC食評), 之後來到呢間舖.舖面不太大, 大檯還是要等一陣才有.一如以住菜式由KC拍板.鹵水拼盤,蠔餅,沙爹牛肉炒芥蘭,川椒雞,香檳骨,沙拉骨,涼瓜煎蛋,欖菜肉碎炒茶樹菇,春菜煲,大芥菜煲,魚肉碎粥,蠔仔粥,九肚魚,綠豆清心丸拼盤好大碟, 材料絕對不少. 有鵝片, 鵝腸, 大腸, 豆腐, 墨魚. 個人覺得最好味是鵝片和鵝腸, 頗入味. 但腸類食物不宜多吃. 偶爾吃是不大問題. 個人覺得最好食係呢味.川椒雞味道濃, 熱辣辣來吃真的不錯, 雞肉炒得嫩, 也是不錯的菜色.蠔餅皮脆蠔肉大大粒冇沙, 好味. 食左之後覺得和喜萬年好味幾條街.蠔仔粥和魚肉粥我兩樣都喜歡, 但個人覺得魚肉較有口感.沙爹牛炒芥蘭個汁太杰, 沙爹味道十分港式, 反而芥蘭幾腍.九肚魚又係麻麻地, 的皮好似好霉咁. 有點像以前公司的(食送)...其他香檳骨, 沙拉骨, 兩個菜煲等不過不失, 可以一試.綠豆清心丸第一次吃, 幾好味, 清心丸幾有咬口.最後的功夫茶一啖正好消滯.每人百五元

幾十歲人都好少去上堂，今次同Openrice的食友柴娃娃上左幾堂，上堂當然教到Miss嘔血，之後的飯局也是重要節目之一。星期五晚原本去妹姐小廚，點知執左，所以一行人等就拉隊來了這裡。十點幾依然多人，呢度得一張大檯，都要等左一等至可以全部坐低。我們十四人，撇開魚蝦蟹等貴價菜，實在可以吃很多菜色。叫了鹵水拼盤、蠔餅、九肚魚烙、川椒雞、香檳骨、沙拉骨、涼瓜煎蛋、沙爹牛肉炒芥蘭、欖菜肉碎炒茶樹菇、春菜煲、大芥菜煲、方魚肉碎粥、蠔仔粥。鹵水拼盤是伙記的推介，雖然要三百大元，但幾大堆頭，亦好多野食，計有鵝片、鵝腸、大腸、豆腐等等，種類其實不算很多，但份量幾多，我們合十幾人之力食到後期都有得剩，人不夠多還是叫三併好了。味道普遍有水準，鹵水不算很有香味，但都叫交到功課，最好味的要算是鵝片，呢排點都係食鵝的最佳時間；蠔餅都不錯，這裡是介乎炸及煎之間，中間軟熟而邊位脆口，食得過；比起蠔餅，九肚魚烙就差一皮了，無厘火氣亦好腍身，九肚魚一向魚味不足，夾埋就好像吃一塊沒有味的東西一般；川椒雞不是個人喜愛的菜色，但這裡的也做得不錯，雞件已起骨，用麵醬爆得香口，夾炸脆的辣椒葉來吃都不錯；潮州菜沒有生炒骨或咕嚕肉，反

呢度D o野食幾掂o架,凍墨魚幾新鮮好爽口,醃咸蟹D 蟹膏好滑,酒味好濃,雖然係生o既,但完全唔駛驚肚痛,如果覺得咸可以點D 黑醋食,好鮮甜仲有鹵水鵝頸肉冇骨又夠嫩,好入味.蠔仔粥唔單只D 蠔仔好(唔會有苦味),個粥本身都好香好夠味甜品可以叫反沙芋,唔駛成日食芋泥咁悶

咦喂~ 點解食版依度咁奇怪，居然冇人寫o下灣仔尾銅鑼灣交界依間新光潮州菜館?? 唔通冇人知道依間係好o野o黎??依檔新光，開正晌駱克道近鵝頸橋的過海小巴站傍邊，日頭直情廢事做午飯市，只在晚黑開檔，擺明晚飯宵夜食肆格，是銅鑼灣潦落夜市的中流袛柱。新光開業經年，雖說是間老字號，但因為經營時間異迴，加上銅鑼灣區冇乜叔嬸作夜蒲，故其客路少有年紀老邁人仕，反而以後生新潮人物及舞國佳人居多。新光晚市由少主"太子輝" 主政，此人兄經常笑口噬噬，相當友善兼順得人。鄙人食o野出名麻煩笠籮；有一次心血來潮，欲嚐好耐冇嘆過的煎午餐肉送潮州粥，便帶同白豬仔午餐肉一罐到新光，要求太子輝著廚部師傅將午餐肉煎香給我送粥。好人到極的太子即時照辦，還再贈我山水腐乳兩磚，火工腐乳白粥俱分文不肯收受，賽孟嘗也。但礙於新光伙計們時常向食客們Hard Sell 甚麼凍蟹潮州炒針翅之類貴價食品，故倒扣十分。新光奇景，仍係越夜越旺，鄙人曾在凌晨四時與友人造訪新光但全場爆棚，焗住走頭。此等境況以星期五六為甚，相信亦與銅鑼灣及灣仔區於深夜時份冇乜可食之處有關。至於新光出品，不外乎潮式"凍魚飯" (打冷) 及廚部火工o野兩大類別。打冷