斗滾 (適安大廈)

营业中

休息中

早排跑步行經山道發現斜路X哥個鋪位易咗手，新店叫斗滾，最吸引我望既就係話手切牛頸脊都係任食！對我來講，打邊爐冇得任食牛不如唔好食，或者要另外加錢都令人食得好唔爽。見有得任食牛，我就一於俾個機會佢，由於女友唔食得海鮮，今日可以自由活動，約咗個老友食。加上係任食，同仔食會特別爽，食兩輪都冇難度啊。星期日六點幾去到都已經有唔少人食緊，平日收費268一位，但假日就多30，可接受。其實價錢唔係問題，最緊要係佢俾你無．限．時．食！有時食到咁上下，想出去呼吸下，再食過，但如果限食90分鐘果啲根本廁所都冇時間去。先食雞煲，雞煲好鬼大兜喎，店員仲話可以任食，真係啱晒大胃王。原本嗌左小辣，但一食就覺得唔夠喉，同阿店員哥仔講，佢即刻拎入廚房搵師傅幫我哋加辣，大概去到中辣程度就最正。個汁咁惹味，好有encore嘅衝動，來碗白飯吖唔該！但食食吓又有其他野準備上枱。即係咁我知有海鮮食，但我以為係供打邊爐用嘅海鮮拼盤，點知原來係海鮮大雜會，以蒜蓉蒸嘅方式登場。真心講，齋計呢板野，佢賣三嚿水都唔過份囉。雖則啲海鮮唔算好大隻，但以鮮味取勝。我自己最鍾意開邊蝦，未食但聞住已經覺得好香。食完海鮮令到本身想再戰雞煲嘅我哋都放

在山道這間斗滾火鍋店，8月份做緊無限時養生放題火鍋，已經包含圖中既6項項目，都真係非常抵食，仲要任飲！性價比極高既火鍋店，當然質數食完後都覺得好正！蒜蓉粉絲蒸聖子，蒜蓉濃郁入味，有粉絲，金菇伴住，口感豐富，聖子肉質夠鮮，好入味！招牌大亂斗雞煲，香料味夠香濃醬汁好正，超惹味，雞件到坊間既唔同，真係特別嫩滑！湯底為松茸花膠圓肉燉雞，堅係足料，花膠夠綿密細緻又夠滑！好滋潤既感覺，湯頭入味！烏雞大大隻。先飲湯，後火鍋！海鮮盤非常豐富，鮑魚Q彈柔嫩，而且帶鮮味，海蝦亦新鮮彈牙，肉質細嫩！其他海鮮都係幾高質，牛頸瘠開邊，色澤紅潤又夠光澤！肉質好嫩又夠牛味香濃，大大份相當有質數。還有其他火鍋配料可以任食，呢個價錢食到咁既質量，絕對唔會失望。最後仲有甜品椰汁雪耳糖水，清新唔死甜！店員服務仲係好好，夠哂客氣又有禮。非常欣賞！

食肉獸福音，惹味雞煲任你食～～～最近屋企裝修，為咗慳錢我同大嚿決定自己做自己的裝修佬😁。今日係Day 1，剷灰剷咗一日已經令我哋攰到投降。夜晚即刻去搵返間放題食一食。～～～我哋嚟咗屋企附近嘅呢一間放題火鍋，佢哋有得先食雞煲之後再打邊爐，完全可以滿足晒我哋兩個咁攰嘅人。～～～首先上嘅係雞煲，大大兜雞煲非常惹味，雞肉滑溜，可以無限次添加，簡直係大胃王嘅福音。😆～～～食完雞煲之後就可以換湯打邊爐，我哋就叫咗養生湯，養生湯入邊又有原隻靚雞，食完雞飲完湯之後，就可以正式開始我哋嘅打邊爐。養生湯非常濃郁，而且飲落去感覺冇味精，用嚟打邊爐好健康。🥢～～～養生湯飲完之後我哋嘅海鮮盤就嚟啦，海鮮盤裏面有多種海鮮，當中我就最鍾意非常彈牙嘅鮑魚，而其他海鮮幾新鮮。～～～肉類方面佢哋嘅豬肉牛肉都幾出色，但我就更加鍾意佢哋嘅牛肉，牛味好重，而且肥瘦均勻。～～～除咗呢啲佢哋送上嘅材料之外，喺出面嘅自助區仲，有大量嘅食材可以比大家自己攞，自助區裏面我最鍾意嘅就係我心愛嘅辛辣麵，加一包辛辣麵落養生湯底成件事健康又美味，仲有佢哋自家製嘅手打墨魚滑裏面真係有粒粒墨魚，非常新鮮彈牙。🦑～～～整體來講服務員態度都好好，裏面仲

山道嘅斜波上開了這間無限時養生湯放題火鍋。去完hku搵朋友之後，走下山的路上，正好給我們遇上。.B仔一向喜愛吃火鍋，但限時火鍋次次總是吃得非常趕急，根本沒有時間和朋友慢慢吃。看到這間是無限時的，又可以吃火鍋，又可以和朋友慢慢聊天，所以我們便選擇了它作為晚餐落腳點。.一坐下一會，店家就為我們送上蒜蓉粉絲蒸蟶子，蟶子新鮮爽口，蒜蓉粉絲蒸嘅味道亦都調配得啱啱好，好食。.接着而來是任吃的雞煲，裡面嘅材料有洋蔥、辣椒、芫荽、豆腐干同雞肉等等，雞肉滑身醬汁濃郁，而索汁的豆腐乾更是令人吃不停口。食完雞煲，就可以order打邊爐。他們的打邊爐湯底是養生湯，並不是一般食雞煲店的食完雞煲加水打邊爐，所以湯底非常清澈健康。.我們的湯底是松茸花膠圓肉燉雞，大大隻雞件，雞有雞味，唔輸雞煲嘅雞肉，湯底裡面有大量嘅材料，圓肉紅棗等，飲完之後令人感到溫暖舒服。.以養生湯來煮海鮮盤裡的海鮮（鮑魚 帶子 蝦 蟶子皇 大蜆 同龍躉片等等），令海鮮更顯鮮甜，肉柱肥厚嘅帶子同彈牙新鮮嘅龍躉片食完都令人意猶未盡。.自助區方面，飲品推介大家試吓佢哋嘅自家製五花茶，清熱得黎唔會太甜，而新鮮即炸嘅炸魚皮亦都非常香脆誘人。仲有低卡芋絲，

斗滾👻放工同朋友去西環星期五想食好啲一於食養生海鮮放題 HKD 268.🔅蒜蓉粉絲蒸蟶子太大隻蟶子皇配埋蒜蓉同粉絲蒸得啱啱好夠晒新鮮🔅招牌大亂斗雞煲有辣有唔辣揀雞煲煮得幾惹味兩人分量都幾多食完已經半飽😋😋🔅海鮮拼盤好多款靚靚海鮮蟶子同鮑魚最好食🤤🤤仲有象拔蚌，龍躉片，鯇魚片同埋蜆好滿足🥰🥰🔅養生燉湯成個放題嘅精華蟲草花花膠燉竹絲雞飲完湯仲拎埋黎做湯底添😚😚🔅手切牛頸脊牛肉夠厚切煮幾秒就食得牛肉嘅味幾濃like 佢FB 仲可以任食添🤩🤩🔅其他火鍋配料菜類同丸類都係出邊雪櫃可以自取都係啲大路正常野😎😎仲有飲品可以隨便拎.整體黎講：養生火鍋 海鮮新鮮🥰.🎈 斗滾 (西環)西環石塘咀山道54-66號適安大廈地下A號舖及1樓AB號舖

星期五梗係要食好d☺️☺️今日同朋友去咗西環呢邊食養生火鍋，仲有好多海鮮添🤤🤤 佢成個火鍋放題冇限時但係都有一個順序嘅🤩🤩 1️⃣蒜蓉粉絲蒸海鮮今日嘅海鮮係大大隻蟶子皇用蒜蓉粉絲蒸得啱啱好熱辣辣夠新鮮🌟🌟 2️⃣招牌大亂斗大亂鬥即係雞煲佢有得揀大中小辣同埋BB辣，d 雞一上枱就食得，bb 辣完全唔辣，但都幾入味，入面仲有豆卜同埋少少菇🐔🐔🐣🐥 3️⃣養生燉湯今日個燉湯係蟲草花花膠燉竹絲雞一嚟到首先飲完啲湯之後再用啲湯底嚟打邊爐，個湯底好足料好濃味，仲有好多花膠添🍲🍲 4️⃣海鮮盤有好多唔同嘅海鮮包括蟶子皇，鮑魚，象拔蚌，龍躉片，鯇魚片，蝦同埋蜆🦐🐟 5️⃣牛頸脊手切牛頸脊份量都唔少喎同埋like佢個社交平台 page仲可以免費任食添，淥完幾秒食落好腍好好味，肉味好濃🐮🐮 6️⃣各款火鍋配料其實食完前面啲嘢都差唔多飽㗎喇，所以其他火鍋嘅配料就全部放喺出邊嘅雪櫃度，可以自己揀💁🏻‍♀️💁🏻‍♀️呢個幾好因為可以自己選擇份量唔怕浪費⭐️⭐️ 7️⃣是日甜品食到勁飽先話我地知仲有個甜品🤣🤣椰汁雪燕夠凍好好食，不過個椰汁底偏甜，應該幾肥😝😝 d 飲品全部自己出面拎，酒精類就要另外加錢叫，呢間仲要無限時，可以慢慢食慢慢飲添🥰🥰📍 斗滾