斗滾 (寶輝閣)

一直想試斗滾好耐，但次次想Walk in去食都冇位。難得知道放早，早一星期預先打電話去book，終於食到。佐敦店鋪面都幾大，入口處就有懷舊電視機裝飾，幾有趣。我哋約咗5:30 ，食最早輪，入場時未有好多人。這裏主打先飲湯，再打邊爐。我哋坐低先點咗呢度的招牌，養生烏雞燉湯。點完湯，雞煲已經上枱，選了BB辣，加了牛腩，跟住侍應的指示先炒4次，就食得！雞煲好足料，夠惹味。雞煲可以無限添加，但我哋已經急不及待食海鮮。再上枱的是蒸海鮮，有鮑魚、蟶子、扇貝、海蝦、花蜆、龍躉片和讚岐烏冬。簡單的蒜蓉香蔥。放在荷葉去蒸，特別清香，海鮮十分清甜。烏雞湯大大一鍋，大半隻烏雞煲得好腍，仲有瘦肉、蟲草花等配料，湯頭清甜不膩，好好飲。自助區琳瑯滿目，選擇好多，而且擺放得好整齊，令人賞心悅目。必食的包括手工墨魚滑、蝦滑、鱔片、脆肉鯇、爽肚、豬頸肉、豬潤等，仲有各式丸類及菜蔬，鵝腸、炸魚皮是我的愛！火鍋料選擇真係好多，而且細細份，可以乜都試啲，啱晒多心的人。另外只要全枱人喺社交平台留言就可以任食手切牛頸脊及黑豚肉，牛頸脊的質素好好，我見每枱枱上都擺放了兩三碟，係受歡迎嘅項目不二之選。麻辣雞煲、鮮味蒸海鮮和老火靚湯這三個完美結合，都不過三百，價錢可愛又可親，難怪成日full booking！最後的甜品，只食得落椰汁雪燕和一條雪條就收了手，但已經感覺好滿足！這個任食三重奏，食物豐富，又有雞煲食又有靚湯飲，男友大讚！…查看更多

在食肆競爭激烈的環境中，大家都想盡辦法吸引客人，位於佐敦道的「斗滾 」個人認為做得頗成功。任食雞煲和火鍋，人均二百幾元，還有每人一份海鮮拼盤，絕對超值抵食，怪不得晚晚都爆滿。大大煲的雞煲很快送來，有計時器提醒兩分鐘炒一次，8分鐘就熟透，香氣隨即迎面飄來，雞肉嫩滑，味道調配得恰到好處。如果一大班人來不夠食，還可以無限添呢！食完雞煲隨即遞上蒸好的海鮮拼盤，海鮮份量按人頭分配，今日有蟶子、扇貝、鮑魚、鮮蝦、石斑魚……，中間還有烏冬麵。海鮮新鮮定是理所當然的，更難得是每樣都肥大且肉厚，加入超多粉絲、香蒜和香蔥，簡直令人食指大動。接著是火鍋，我們選了冬瓜花膠湯，除了有大大舊的花膠，還有蜆肉，令湯底更鮮味。除了牛肉片和豬肉片需要請服務員落單，其餘火鍋配料可以自取，款式多不勝數。脆鯇魚片、鮮蝦、魚滑、白鱔片、丸類、蔬菜、烏冬等等，，食物都很新鮮和有質量。還有原個水果呢！食到飽飽地，再出去行下取食物，跟住再食過，人生一大樂事。雪燕糖水很清甜最後食埋雪糕和糯米糍，夠曬滿足。…查看更多

my ultimate pick for group feasts—their giant seafood platter never fails to impress with its insane presentation來過很多次，絕對係我同班朋友聚餐嘅首選！佢哋個巨型海鮮盤勁誇，每次都要打卡for <$300pp, you score AYCE-🍗chicken pot (choose ur own level of 🌶️)🥣fishmaw chicken soup (later turned into hotpot broth)🥩quality sliced beef chuck🍥hotpot toppings (shrimp, squid, fish balls, you name it!)🥤drinks🦐seafood platter (not unlimited)🥥coconut milk bird’s nest dessert, fruits, mochi ice cream (lost track of how many we devoured lolll)even on a weeknight, it’s packed—book ahead! and yes, we happily camped there for 5 HOURS eating + chatting 每人$300就有任食雞煲（可以揀唔辣或者自己揀🌶️）、養生花膠雞燉湯、牛頸脊(同平時屋企人喺九龍城買嗰啲一樣咁好味)、火鍋配料（蝦、魷魚、魚蛋…真係咩都有）、甜品(椰汁燕窩、雪糕糯米糍、芒果…) 平日夜晚都爆滿，必須訂位！ 我哋仲坐足5個鐘，一路食一路傾計，非常適合聚餐…查看更多

啱啱嘅星期六男朋友帶咗我去食佢同同學聚會嘅放題打邊爐 - 斗滾,主打HK$298無限時飲食1️⃣招牌大亂斗 :任食雞煲,仲有大中小辣選擇同可以加牛腩~咁多間雞煲任食之中覺得佢哋呢個雞煲做到半麻半辣,牛腩又炆等好淋!!仲可以任食🤤🤤2️⃣海鮮盛宴: 用蒜蓉粉絲底蒸出嚟嘅時令海鮮,冇得輸😍3️⃣養生燉湯 : 大概7-8款供選擇🍲芫荽皮蛋湯🍲鮮茄薯仔花甲湯🍲冬瓜花膠瑤柱清湯🍲養生烏雞燉湯🍲乳鴿燉湯🍲香甜椰皇雞🍲清湯安格斯牛腩🍲清湯涼瓜花聯雞🍲足料佛跳牆（需預訂）4️⃣任食手切牛頸脊: 燙涮5-6秒,一變色就要夾起!!勁香濃肉香😍 宜家只要係social media留言仲可以食埋黑豚肉添😍😍另外,public area 仲有30款以上火鍋配料~雀巢雪糕同椰汁雪燕放題(男朋友就話d 雪糕糯米糍好搶手😆)除左15款普通飲品,鍾意飲番杯既朋友都可以留意番由即日起至2025年7月31日仲有Asahi，Hite，Somersby提供添!!!!.好難想像298可以有咁多野食😂😂大癲😂😂…查看更多

同老公去咗佐敦間斗滾打邊爐,,之前都食過其他分店,覺得唔錯😋今次去這分店地方幾大,環境闊落！第一式>惹味雞煲先上雞煲,揀左BB辣,分4次炒,洋蔥、紅蔥頭、芫茜及惹味醬汁爆炒後香氣撲鼻,雞肉嫩滑好惹味,仲可以追加雞,真係食到飽!第二式>海鮮盛宴一大盆蒸海鮮,裡面有鮑魚、帶子、蝦、 蜆同元貝,真係色香味俱全!最正中間仲有啲烏冬,吸收咗所有海鮮嘅精華,食落去口感特別好,南非鮑魚及大大隻聖子,彈牙鮮甜,簡直係海鮮愛好者嘅天堂！第三式>火鍋到打邊爐啦,佢哋有好多種湯底可以選擇,真係滿足到各種口味!揀咗佢哋嘅瑤柱冬瓜蜆湯底,,記得先飲湯•再火鍋！湯底果然好鮮甜！最令我驚喜手切牛頸脊係任食!牛肉質素超高,切得薄薄地,肉質鮮嫩,每一口都令人陶醉,真係一流！豬豚肉大大塊都係任叫任食！第四式>配料、飲品、生果、甜品自助區仲有好多其他嘢食可以拎,除了丸類,蔬菜類,竟然有白鱔食得出佢哋好新鮮,口感非常好!真係唔可錯過,仲有多款以上罐裝飲品啤酒任飲及甜品椰汁雪燕 豆腐花 雪糕,雪米糍及多款生果任揀...真係飽到唔識講😂…查看更多

✨已經係我第二次幫襯！呢度吸引之處係可以一次品嚐雞煲+海鮮+火鍋任食,而且唔限時.....雞煲✨第一步先吃雞煲,可選擇辣度, 芫荽會分開上;需要食客每2分鐘攪拌一次, 重複4次就可以開吃! 而且有個可愛嘅雞仔計時器畀你計時,,朋友唔食得辣叫吾辣,估唔到雞煲醬都十分入味,雞件都嫩口又惹味！招牌海鮮盛宴✨海鮮的分量係睇人數計, 種類大概有6款,包括鮑魚、蟶子、扇貝、蒜蓉開邊蝦等中間有烏冬及萵筍,粟米等配菜...海鮮爽口彈牙,中間嘅烏冬吸收咗海鮮嘅湯汁好鮮甜好好味！火鍋✨冬瓜瑤柱蜆湯底鮮甜,對於我哋係牛魔王當然要叫手切牛頸脊啦, 好鍾意牛頸脊嘅口感,脂肪不多,油花適中,牛味香濃,黑豚肉口感爽嫩軟滑不錯,有驚喜！✨自助區火鍋配料有30款以上,仲有多款飲料,新鮮水果,同自家製椰汁雪燕及雪米糍！大滿足！…查看更多

朋友介紹下黎到呢間長期滿座嘅任飲任食打邊爐，價錢親民而且食物質素亦相當之性價比高呢度火鍋分為四式，保證食到飽，呢間絕對係值得再回訪❤️第一式任食雞煲：雞煲共有五種唔同辣度選擇，滿足大家食辣唔同程度來揀選，我哋揀選咗小辣，雞肉十分嫩滑多汁，餐廳好貼心有個計時器雞件炒得啱啱好，搭配香濃的醬汁非常惹味第二式海鮮盛宴：包含了鮑魚、龍躉、蟶子、扇貝、花蜆、海蝦等多款海鮮，每種海鮮都原汁原味口感鮮甜，蒜蓉豉油汁搭配粉絲烏冬，每條高級細海鮮精華令人滿足第三式火鍋：湯底種類非常多，我哋揀選咗冬瓜花膠瑤柱清湯，湯底清甜，湯底配料十足有不少冬瓜與花膠，冬瓜清香與花膠膠質感完美融合，滋補而不膩第四式手切牛頸脊任食：火鍋配料任食，其中必食手切牛頸脊，牛肉肉質鮮嫩，大片厚切油花均勻，非常有質感，搭配各種火鍋配料，還有啤酒汽水多款飲品，最後食埋雪糕甜品，畫上完美句號😋…查看更多

今日放工就同朋友過咗嚟佐敦食斗滾。餐廳主要係食雞煲、海鮮同打邊爐。雞煲任食，出面亦有自助區俾我哋任攞火鍋配料、小食同甜品等等，選擇非常之豐富。招牌大亂斗雞煲入邊好多唔同嘅材料，有大大件嘅雞件、紅洋蔥、菇、豆卜等等。店員會比計時器客人，客人每隔2分鐘就可以自己炒雞煲，炒四次之後就食得，非常特別嘅體驗。雞件好大件，好多肉，而且肉質嫩滑。醬汁好濃郁而且好充足，而且有少少麻辣嘅感覺，好過癮。配料亦都好吸汁，醬汁同豆卜特別夾，一咬開就爆曬啲汁出嚟。如果鍾意食芫荽嘅朋友，店員會額外俾一碗芫荽俾客人自己加落去，加埋芫荽一齊炒香氣十足。而且叫雞煲之前可以問店員加牛腩落雞煲，牛腩油脂豐富，唔會比醬汁完全覆蓋本身牛嘅味道，好特別。海鮮盛宴每一台都會有一盤海鮮，海鮮嘅數目因人數而定。海鮮全部都好新鮮，鮑魚同海蝦好彈牙，上面仲有蒜蓉作調味。蜆同埋蟶子好鮮甜，充滿海水嘅鮮味。龍躉嘅肉質都好滑，魚皮嘅膠質好充足，同埋一條骨都冇，非常貼心。仲有讚岐烏冬同埋瓜可以一齊食，十分滿足。火鍋湯底選擇非常多，免費有三款，其他可以加錢轉，我同朋友就揀咗蕃茄薯仔。火鍋上枱，店員就叫我哋可以飲下湯先。蕃茄薯仔湯好清新，非常適合啱啱食完雞煲之後飲。湯入邊仲有少少胡椒作調味，味道更加豐富濃郁，可以飲一大碗都冇問題。手切牛頸脊店員會連同火鍋一齊上兩盤手切牛頸脊，只要喺佢哋社交平台汁會喺口腔散發出來。牛頸脊肉質亦好紮實，同埋每塊都好大件好厚身。最後，出邊仲有任食水果、糖水、雪米糍同雪糕，大家可以拎嚟做飯後甜品。…查看更多

🐔第一步：任食雞煲如果食得到，可以叫第二煲呢🤣。叫咗微辣，香口惹味但唔算辣。自己爆炒雞煲四次就食得，儀式感好重！d雞都幾滑。🦐🦐第二步：海鮮盛宴蒸海鮮，款式包括：鮑魚、蟶子、蝦、扇貝、花蜆及龍躉，配埋烏冬一流！個人最愛鮑魚同扇貝，樣樣食落好新鮮同埋彈牙。🥣第三步：先嘆番啖湯多款湯自選，黑蒜乳鴿燉湯：非常濃郁，而且滋補，飲返兩碗。🐂第四步：滋補火鍋任食牛頸脊非常嫩滑嘅高質肉。雪花均勻賣相好靚！仲有多款配料同飲品喺自助區自取，食到超滿足。…查看更多

斗滾星期一至四只需 $268 就能無限時任食雞煲火鍋靚牛，氣氛熱鬧得很，餐廳開放至凌晨1點，特別適合與朋友慢慢邊手聊天邊打邊爐，價錢相當吸引。當晚9點多到達，依然全場爆滿，人氣之高可見一斑。斗滾四式第一式：任食雞煲雞煲有五種辣度，我挑了BB辣，辣度對我來說剛剛好，不會過火卻足夠刺激味蕾。雞肉滑嫩，醬汁香濃惹味伴隨著麻香，越吃越開胃。第二式：海鮮盛宴海鮮拼盤很豐富，蒜蓉香氣滿滿，鮑魚肉質厚實有彈性，鮮香突出；蟶子爽脆鮮嫩，入口帶鮮香；扇貝細嫩鮮甜；海蝦殼薄肉質爽彈；花蜆小巧卻充滿鮮美蜆汁，啖啖滋味。讚岐烏冬吸收了蒜蓉與海鮮精華湯汁，口感滑溜，帶濃濃鮮香，非常滿足。第三式：滋補靚湯清湯涼瓜花膠雞湯帶點涼瓜的甘苦，喝下去清爽解膩。涼瓜的甘香加上花膠的膠質，既滋補又養顏，對夏天來說尤其合適。先淺嚐一碗熱湯，再開始火鍋，既暖胃又養生。第四式：火鍋只要全檯在社交平台留言，就能任食手切牛頸脊。牛肉片帶油花，涮後軟嫩多汁，牛味濃厚，十分美味。自助區提供多款火鍋配料與新鮮蔬菜，選擇多元。飲品方面有汽水、果汁、啤酒任飲，甜品區則有水果、雪糕以及椰汁雪燕鮮奶。…查看更多

成日食火鍋放題都食到悶，呢度嘅放題比較特別，有齊雞煲、蒸海鮮同火鍋，非常豐富👍🏻.雞煲非常惹味，雞件有肉但係唔嚡口，少少辣幾開胃❤️.蒸海鮮有元貝、蟶子、鮑魚同海蝦等等，食得出食材好新鮮，蒜蓉味道香濃，仲加咗烏冬墊底，烏冬吸收晒海鮮嘅湯汁同蒜蓉嘅香味好好食😋.椰子雞湯底非常清甜，清熱一流！任食嘅手切牛到相當高質，肉質軟腍有牛味，我哋都encore咗幾碟👍🏻.📍 斗滾 (佐敦)佐敦佐敦道26E號寶輝閣2樓…查看更多

呢間「斗滾」嘅雞煲好出名，晚晚都排長龍，咁就梗係要去朝聖試一試啦！我哋六點半左右去到，好彩唔使等好耐就有位。餐廳環境幾有特色，有啲霓虹燈裝飾，好有港式味道，氣氛熱鬧，最啱一班人邊食邊傾。斗滾雞煲 (半隻 - 小辣)主角雞煲一上枱，嗰陣香味真係撲鼻而來，唔係死辣嗰種，而係有好香濃嘅香料同醬油味。我哋叫咗小辣，個辣度啱啱好，可以食到雞嘅鮮味之餘又夠惹味。啲雞件都幾足料，唔會全部都係骨，肉質好嫩滑，而且超級入味，每一啖都索晒醬汁嘅精華。打邊爐配料食完雞之後，戲肉嚟啦！伙記會幫你加返個秘製湯底，之後就可以開始打邊爐。個湯底因為有之前雞煲嘅精華，所以滾起上嚟特別濃郁。手切本地肥牛： 牛肉味好濃，脂肪分佈都幾靚，淥幾秒就食得，入口好有油香，必點！即炸響鈴： 響鈴夠晒大塊同香脆，放入湯底索一索汁，半軟半脆嘅口感真係無得輸。自家製韮菜餃： 隻隻都好飽滿，韮菜味好香，豬肉餡料都好足，食得出係心機之作。服務同價錢雖然餐廳好full，但啲阿姐都好有效率，加湯落單都好快手。價錢方面，喺佐敦呢個地段嚟講算係中等價位，埋單每人大概三百蚊左右，食到捧住個肚走，CP值都算唔錯。總結總括嚟講，「斗滾」絕對係一間會令人想再encore嘅雞煲店。個雞煲夠晒鑊氣同惹味，打邊爐配料都好有質素。…查看更多

對上一次同朋友嚟都已經唔知係幾時～ 心掛掛佢哋嘅打邊爐4重奏😂 呢到係無限時任飲任食，試過就知係好有諗頭✨ 飽到捧住個肚走，強烈建議大胃王過嚟挑戰吓😝1️⃣ 雞煲🐥雞煲打頭陣🤩 我就揀咗ʙʙ辣🌶️豆卜嗦哂啲湯汁，好味到傻咗😋 而雞煲醬係自家秘製好惹味😍走地雞肉又嫩滑，湯底亦越煮越濃🤤2️⃣ 海鮮盛宴🦞一次過喺齊度打卡一流📸鮑魚、蟶子、蜆、扇貝、帶子、蓉蒜開邊蝦🦐海鮮新鮮又鮮甜～仲有好入味嘅讚岐烏冬😆 正到爆燈🙈3️⃣ ʙᴜʟᴜʙᴜʟᴜ🔥食完就變打邊爐🍲 手切牛頸脊必食🐮全台人ꜰᴏʟʟᴏᴡ佢地ʟɢ同ꜰᴀᴄᴇʙᴏᴏᴋ，有得升級任食牛頸脊呀😍 厚切又大片，牛味超濃郁😳出面仲有超多嘅火鍋配料添🤩…查看更多

佐敦道食肆好多選擇，但係坐得舒服嘅就吾多，今晚呢間［斗滾］我覺得好有驚喜所以要分享。首先係座位濶落，環境舒適，價錢相宜😙二人放題嘅「斗滾四式」：第一式麻辣雞煲，材料豐富有洋蔥青紅椒麻子胡椒乾辣椒作配料，夠晒入味，雞肉彈牙嫩滑，仲可以任食追加，食完再打邊爐，正👍🏻第二式：海鮮盛宴，蜆、鮑魚、帶子、蟶子、石斑片、蒜蓉開邊海蝦和元貝新鮮得嚟又大隻，食落非常鮮甜肥美，食得出啲食材都係用心挑選，真係連烏冬都好食過人😋第三式～飲湯，叫咗網上推介嘅烏雞湯果然出色，濃郁入味，真材實料📍第四式就係期待嘅火鍋任食環節！肥瘦啱啱好嘅牛頸脊味重得來又不失嫩滑冧身，非常有質感，火鍋料有海蝦和多款菜類，飲品除咗汽水啤酒，另有自家製冰紅茶，水果有香蕉🍌柑和芒果🥭，甜品係雪糕🍨職員服務好好，次次主動加湯和幫忙，絕對係回頭之選😚…查看更多

二人同行·食到讚不絕埋單人均$316 真係要講吓～♾️ 斗滾四式·任飲任食（包括啤酒任飲）包括：任食雞煲、蒸焗海鮮、手切牛頸脊同滋補養生火鍋、小食、配料、甜品、水果、飲品超過100款🔸自炒雞煲·仲可以加埋牛腩有5種辣度揀咗少辣，鮮嫩雞件肉質彈彈配紫洋蔥更是鍋中精華，微麻惹味得過癮🔸海鮮拼盤（一次性）海鮮迷至愛，大大盤荷葉蒜蒸原汁原味香噴噴上台，極鮮有海蝦、帶子、南非包、中聖子、龍躉、蜆🔸手切牛脊椎厚度適中帶少少油花，輕輕焯一焯，入口軟嫩咀嚼多汁牛味重，叫咗兩轉都係仍然咁正🔸滋潤鍋湯底超過十多款+$38花膠涼瓜雞湯，呢個季節啱晒先飲靈魂湯頭，甘口清潤加埋配料涮鍋好恰當…查看更多