影片
营业时间
今日营业
17:00 - 00:00
星期一至日
17:00 - 00:00
以上资料只供参考，请与餐厅确认详情
相关文章
有没有想过鸡煲、海鲜、火锅，可以一次过用一个价钱出现在一餐晚餐里呢？可以满足到3个愿望的，就是斗滚啦~首先会吃鸡煲，有五种辣度，我们点了BB辣，不过觉得辣度可以接受，下次可以挑战小辣，吃起来更加香辣惹味。我们自行在外面拿了猪皮、鱿鱼、牛柏叶，自制多种配料的鸡煲，吃起来更加丰富啊！吃完鸡煲之后，就是吃海鲜拼盘，是我最期待的唷！蒸好的海鲜，不用等立刻可以夹来吃～拼盘有鲍鱼、虾、龙趸、蛏子、粉丝扇贝、蛽、乌冬、节瓜、粟米，全部都用蒜蓉来调味，不需额外加什么调味料，单吃已经鲜甜又惹味！然后就是火锅了！火锅汤底我们选了+$38淮山鹧鸪炖汤，这个汤可以健脾润肺，汤料的鹧鸪不是只有骨架，还有不少肉吃的。另外有瘦肉、鸡脚、杞子等，非常足料！火锅之前我们都不浪费，各喝了一碗汤，味道很浓郁。火锅配料有任点牛颈脊和豚肉片，肉味香浓，脂肪和肉的比例均匀，两样都十分高质素啊！绝对是必点～而外面自取的推介八爪鱼和鲩鱼片，肉质新鲜。最后是甜品时间，有椰汁雪燕可以自取，椰汁味浓郁配上一丝丝的雪燕，好味又养颜！还有切好的水果，一碗有齐火龙果、西瓜、哈密瓜、橘，每样都可以浅尝一下呢～水果全部都很鲜甜，饭后吃点帮助消化，消除一下油腻感。💰298一位✔️餐厅设加一服务费
继续阅读
我哋今日去咗西环斗滚食一站式鸡煲蒸海鲜打边炉任饮任食放题一个价钱可以食到以上咁多样嘢，真系性价比劲高首先系食鸡煲，鸡煲有唔同嘅辣度选择，鸡件嚿嚿都好大件，佢嘅鸡煲酱好惹味店员会俾个漏斗你每2分钟炒一次，共炒三次超有体验感，如果唔够可以再继续加鸡煲食之后就到蒸海鲜，海鲜盘上枱𠮶一刻真系超打卡，一大盆海鲜呈现喺眼前，即刻忍唔住相机食先海鲜有鲍鱼蒜蓉粉丝带子大蚬鱼片中间仲有个乌冬海鲜好新鲜同鲜甜最后就系自选汤底打边炉，出边自助区有个大雪柜，装满咗打边炉嘅食材，都系任食，仲有呢度嘅牛颈脊牛肉都系任食 ！仲有冷泡茶、日式啤酒、水果、雪糕糯米糍同埋雪燕糖水，真系谂唔到个理由唔系饱住个肚走
继续阅读
最近同朋友去咗石塘咀一间任食鸡煲火锅店聚会价钱系 $268 加一，以食物质素同选择嚟讲，性价比真系唔错！🔥 鸡煲部分 鸡煲有五款辣度选择，我唔太食得辣，所以拣咗「BB辣」都食得好舒服。味道够惹味，花椒八角香气十足，啲鸡件滑溜入味，食落口感一流。🦞 海鲜拼盘 食完鸡煲之后就上海鲜拼盘，有鲍鱼、蛏子、扇贝、海虾、龙趸、花蚬，用蒜蓉粉丝蒸，蒸得啱啱好，唔会过熟，保持鲜味。🍲 打边炉时间 汤底我哋拣咗冬瓜花胶瑶柱清汤，真系有花胶落汤，诚意十足！配料方面任食手切封门柳，肉味浓郁，牛魔王朋友食到停唔到口；黑豚肉厚切爽弹，口感好正！🥬 自助配料区 自助区选择超多，必食推介包括海虾、牛柏叶、鹅肠同各款火锅丸类，样样都新鲜又足料。🍧 甜品环节 食完咸嘢就到甜品时间！有任食自家制椰汁雪燕，奶香味十足；仲有水果杯、雀巢雪糕、维记雪糕糯米糍，口味超齐全，甜品控一定满足！🍻 饮品选择 饮品方面都好有惊喜，有我最爱嘅解茶任饮，仲有几款啤酒可以拣，啱晒钟意小酌嘅朋友。
继续阅读
几年前旧公司搞聚会，我负责拣餐厅，当时我私心地拣左斗滚😂因为朋友推介话好正搞到我都好想试下。鸡煲+海鲜+打边炉先二百几蚊位真系好抵，时至今日佢都系$268/位。今次嚟西环分店，呢个地方都几大，仲有两个入口。开头落咗楼下见到佢哋啲neon sign好盏鬼。我5:30到咗，朋友未到，侍应叫我坐低饮住嘢等或者可以整少少鸡俾我食住先，又几贴心wor。不过我都系饮住嘢，系出边拎啲水果食住等。一开头食咗鸡煲先，我哋两个都系食得辣嘅，佢哋啲辣度唔系好辣，所以我哋拣咗中辣。上咗枱之后要炒四次，每次炒完计时2分钟再炒，8分钟后就食得啦。我仲加埋啲皇帝菜落去一齐炒😂芫荽都比我加咗两兜！一路炒𠮶阵时已经闻到好香，果日劲肚饿流晒口水咁喺度等🤤鸡肉整体都系嫩滑嘅，入边仲有豆卜，索晒鸡煲啲汁😋食到咁上下侍应会问你使唔使加鸡，唔使就可以蒸住海鲜先。食完鸡煲啱啱好上盘海鲜。有成六款海鲜，鲍鱼、扇贝、蛏子、海虾、龙趸同花蚬，全部都系蒜蓉蒸。海鲜味道唔错，蛏子、鲍鱼、海虾都弹牙。其实食完个海鲜都已经好饱㗎啦，但佢仲有得打边炉咁冇理由唔试埋㗎😂喺佢哋社交平台留言仲可以任食手切牛颈脊。本身谂住食少少算啦，所以雪柜啲火锅配料都冇乜点攞。点知佢一嚟即刻一人上一碟牛！食落牛味又几浓wor，所以2碟食晒😁
继续阅读
今日12位朋友去西环山道斗滚，冇记错已经去咗五次，星期六$328任食任饮不限时，6：00到10：30，次次来都食到超饱走，正呀！火锅四部曲：鸡煲任食一盘蒸海鲜饮靓汤任食任饮火锅1.鸡煲真系冇得顶！鸡肉嫩滑入味，酱汁浓稠惹味，配埋炸腐竹，越煮越正，食到舔舐脷！2.蒸海鲜够晒新鲜！有虾、扇贝、鲍鱼、其他贝类加埋个蒜蓉蒸乌冬喺底，正！3.花胶鸡汤好清甜，花胶够腍滑，鸡肉嫩。4.火锅任食,靓牛肉主打，各式各样丸类蔬菜类都系唔错嘅，重有时令水果，饮品种类亦可以，啤酒汽水无糖茶，任君选择。仲会去第六次第七次第八次，下次见！
继续阅读