文興

今天去大埔熟食中心搵食，其實是去 林記點心食嘢，但唔想飲林記的中茶，所以上open rice seach下，發現這檔的都有正面評價，加上剛巧見到這檔很多人，於是單點了一杯凍奶茶$20, 估不到味到唔錯，茶算香，奶味亦夠香，而且2者也算平均，幾好飲，這間值得再來。下次有機會，或者會試下這間的食物！！！另外，雖然我只單點一杯凍奶茶，但阿姐都沒有黑面!!態度都友善!!!! 最後都係這句，來熟食中心就唔好要求環境，這是平民大眾來的地方，環境嘈雜，擠迫都是可以預計。…查看更多

因為自己住在大埔，可以說是看著文興開，食了很多年。其實從去年年尾就開始發現他們廚房的產品有點變樣。到這次再去的時候覺得連燒臘也變了。今次點了本地燒鴨半隻連骨，宋嫂魚羹，還有幾個家常小炒。埋單的時候1050元。除了宋嫂魚更維持原有的水準，廚房的水準可以說是十分平平。燒鴨的水準更是令人失望透頂，可能連一間普通燒臘鋪啲水準都不如。希望重新改善。…查看更多

餐牌上寫雙拼三文治（雞蛋/火腿/餐肉/咸牛肉）$20，叫了腿牛治，姐姐說要加五元（收25），說是老闆說的。雖然唔係一定要食，但明明是他餐牌寫雙拼內容叫的 如果因為要咸牛需要加錢，餐牌就應該在一般雙拼中把咸牛肉這個選項刪了。（問題是叫蛋牛不會加錢。一開始以為是火腿的問題，兩款肉要加錢，但竟然說是因為咸牛肉要加？哪蛋牛時也應該要加了呀）根據加五元這算法。腿牛治比煙肉腿治還要貴一蚊，搞笑！:(不過他家的茶是不錯的，無論奶茶還是檸茶都很棒棒！…查看更多

大埔優閒旅遊和生活的應到地點如果來大埔區旅遊，最舒服的景點一定是到大尾篤租單車遊船灣淡水湖。可以大尾篤對美食來說，實在乏善可陳。數到大埔最多，最集中美食的地方，非大埔市政大廈熟食中心莫屬。當地是全香港最大的市政熟食中心，好說有三四十檔餐廳，粥粉麵飯西餐飲茶小食甜品一應俱全。當中我最欣賞的是文興茶檔。不論是米粉，奶茶，雞翼，西多士等等都相當高質素，性價比自然非常高。蘇絲黃也大讚這裡的西多士，一件西多士一般繁忙時間只會切四塊，但隨著非繁忙時間，或跟老闆的熟絡程度，那西多士可以切9塊甚至16塊變成16宮格，是未吃和在吃也覺得好好味和幸福的味道。奶茶也是相當受歡迎，個人覺得媲美金茶王吸數。雞翼和米粉也相當高水準，連熱檸茶的檸檬也一絲不苟。是一間回頭率極高的小型茶檔。…查看更多

本來一心黎大埔墟街市食魚蛋粉，點知最出名嗰兩間都無開，真係好黑仔諗住去個廁所就去第二度搵食，路過見到有枱食緊西多好似好吸引就坐低左大部分地方嘅西多都係一塊過，有啲地方就切到一粒粒但就好易炸得太乾爭爭呢到嘅西多分六舊炸完全係黃金比例可以increase surface area 去吸收蛋汁，夠蛋香得黎又keep到外脆內軟，真係唔錯仲要只係$20凍檸茶都係中上之作茶底夠澀，大大杯檸檬又多，叫少甜少冰樣樣做足唯一投訴就係無set要散叫，但價錢都叫合理街市熟食中心另外有個吸引之處就係可以同時食唔同嘅舖頭嘅野食仲嗌埋隔離舖清湯牛腩粉，大大碗好抵食，牛腩不過不失咁街市真是個好東西…查看更多

見到早前阿蘇介紹呢間野，跟住過嚟試吓買外賣。唔知係咪似住自己有呀蘇介紹，加上本身冇乜教育，俾錢買外賣冇單都冇所謂，問佢記唔記得我，佢話「唔記得」，跟住我話「吓唔記得？我俾咗錢喎！」跟住佢即刻俾返錢我，唔做我生意，係咪傻㗎？點做生意㗎？不知所謂！真係以為自己好巴閉🥱…查看更多

好多人講大埔街市熟食中心好多好野食，所以週末好多外區人士入黎搵食。至於小弟就只食呢間文興，事關佢個沙爹牛肉走比較清淡路線，而且佢個麵火喉岩岩好，好彈牙好咬口，另外個茶走係必食之選，煉奶既香配合奶茶既滑，絕對可以稱得上係香滑奶茶！因為小弟就戒左甜一段長時間，所以茶走都會叫少甜，但少甜反而更飲出茶香！不過疫情期間，熟食中心就裝修左一段時間，而重開後文興依舊未重開，直至最近先開返檔，今次食返覺得個沙爹牛味道有少少退步，冇以前咁香，而茶走就保持水準，不過依然保持會翻食評級！…查看更多

呢日因事一早嚟到大埔墟街市，見未夠鐘就一個人走左去2/F熟食中心揾地方食早餐，2/F有好多食肆選擇，最後揀左呢間《文興茶水檔》。餐牌簡單清晰，普遍價格都好實惠。最後揀左沙爹牛肉麵、火腿奄列配牛油方包飲熱奶茶 ($33)。沙爹牛肉麵 - 牛肉同好多茶餐廳嘅牛肉一樣，都有“嗱”過，口感帶爽爽地，無咩牛味，麵質一般，不過沙爹十分好味，湯底味道亦很好。火腿奄列配牛油方包 - 方包表面脆脆地，火腿略鹹，但夾方包一齊食味道就十分唔錯。熱奶茶 - 茶味有層次，奶味剛好，茶同奶茶十分融和，口感順滑，好飲！…查看更多

閒來有點兒時間，但其實剛剛才吃完東西，沒有理由再吃下午茶吧，於是就遏止友人再叫下午茶😏，只是坐著休息，以喝杯茶走就好了。我後邊的少女，發現原來是太子女或是職員，用某些電子程式，竟然能令樣子好像花了妝一樣，真是有趣。茶走茶味尙算濃郁，夠厚夠盛，煉奶不算太多，也不會太甜，溫度夠熱，杯子夠厚，保溫一流。看到接近五六時，旁邊的餐廳立即過來放餐牌霸位。。。既然茶味夠香濃，下次未吃東西，再來吃常餐/下午茶更佳…查看更多

大埔墟街市的熟食中心一向臥虎藏龍，除了炒辣蟹，牛腩粉，點心之類，今天我想推介一下一家叫文興的茶檔。這家茶檔位於熟食中心，環境自然不太理想，可是她的奶茶是我喝過在大埔區最好的奶茶。奶茶要好，主要是茶底的混合茶比例，有一些店雖然也做得不差，可是每家店各有風格，有一些味濃，有一些比較淡。我比較喜歡茶味比較重，回甘比較久的茶，而文興的正正是我的心頭好。她的奶加到茶底中，也不失香滑。香滑而仍然完整保留茶甘味，真是高手。每當茶癮發作，我也會特意去品嚐一杯。大家可以去試試。…查看更多

好多太太都喜歡去大埔墟買餸，因為貪佢有熟食檔可以嘆個早餐。我當然唔放過啦！今日去到食文興，order左我最愛沙爹牛肉麵早餐啦！如果你不介意+1蚊就可轉jam多。當然要試下啦！沙爹牛肉麵有水準，最正係jam多啦！味道甜味剛剛好。靚太必選。食飽飽去買餸。…查看更多

在附近蹓躂完，找了一間茶記簡簡單單吃個包作為午餐。豬扒包很大個，幸好店方已將之切開兩半，方便食用。麵包又熱又香，豬扒脆得來仍有肉汁，還有蕃茄以及生菜；最喜歡的是沙律汁剛剛好，不會過份的多，少許已經能夠提升整個包的食味。雖則只是一個普普通通的豬扒包，仍然有令人值得細味的地方。…查看更多

在平記吃蝦子撈麵時見鄰座的食客點的西多和奶茶看來不俗，我們便有樣學樣，照叫可也。即叫即煮的西多香噴噴的，炸得外香脆內鬆軟，相當好吃。文興的奶茶有茶香又不苦澀，與西多很配。在樓下的街市買餸前或後來吃個三點三下午茶也不錯。…查看更多

星期日來到大埔, 無論是大埔人又好, 外來人又好, 總愛上黎大埔街市呢一個大排檔搵食. 因為這兒, 早就在廣福橋頭時代, 已經出哂名多野食, 而且現在, 還有好幾檔老字號, 依然由同一家族去經營. 但是在新街市, 舊名字依然在, 新的名字, 也有. 是日, 太太去她們食慣的發記, 而我行多幾個舖位, 去外母喜歡的荐檔, 叫份野過檔, 一試.來到這一邊的大排檔, 人頭湧湧的主要因為有林記同平記兩間老字號. 所以要安全的企係度睇MENU, 是有一定難度的. 簡單的看一看, 讓我發現了這個小店的一個得式. 就是用菠蘿包夾野食的, XX波. 於是, 我比較貪心地, 叫下了一個非常豐富的, 餐蛋波. 菠蘿包, 應該是蒸過, 外層的皮可是不太脆. 但麵包甜美, 好食. 夾有新鮮而且又熱辣辣的餐肉同煎蛋. 油是油了點, 但香煎熬辣的餐肉, 香煎白滑的雞蛋, 夾上甜美的菠蘿包, 這樣食, 比起菠蘿油更加之香, 更加之惹味......食完, 真有少少衝動想去買個菠蘿包, 自己試下整.....特別的東西, 始終是吸引的, 這餐蛋波, 我總覺得係呢一檔既特產, 兇面就算有, 都沒有呢一個風味. 我再可以加多一個字, 正......!…查看更多

我相信很多人都只知大埔文兴的奶茶好正!..但其实有2样很好吃的东西没太多人知!..第一是波罗蛋, 是新鲜波罗包(10元)里放入嫩滑煎蛋, 甜咸碰在一起, 十分好味..但每天供应有限..另外系加了沙律酱既豬扒包(12元), 也是值得一试!…查看更多