文仔記麵食店

营业中

休息中

不明白朋友們點樣捐窿捐啦搵到黎呢度食嘢，既然咁努力sell就即管你試吓. 見到有好多內臟部份以為好正，點了我最喜歡的豬大腸，結果非常一般不吃可也。牛腩，不用試了豬手， ok la 水餃，朋友讚到天上有地下無，事實就非常一般。韭菜餃，全店稍為有啲心機嘅食物。其他一律沒有特別。但老闆非常熱情，良心小店算係咁啦。

趁住同家人入西貢探公公，就順便去試試文仔記麵食店。。嚟嘅原因源於老闆娘嘅故事，除咗辛酸嘅故事外，佢嘅食物真係好好味㗎！佢哋嘅餐牌有好多唔同嘅食物，有麵、飯、小食、自家製飲品等等。。 我哋點咗淨雲吞、粟米餃，水餃、韮菜餃，油菜（芥蘭），淨米粉，淨米線同牛什。飲品我哋點了自家製黑芝麻豆漿同五花茶。先講個湯底，好清甜，無味精嘅味道，所以唔會頸渴。👍🏻 餃子方面，我哋試晒4種餃子 😌 好味、好滑、好「林」。 粟米餃好colourful，啱晒小朋友！😊芥蘭菜唔太硬，啱啱好！Super like! 米粉同米線好滑，好味。牛什。。好正！好正！好正！ 滷水汁啱啱好，唔太咸，好清。👍🏻 牛什好「林」好入味！超正！😋😋😋飲品係自家製，黑芝麻豆漿好香，豆味無比黑芝麻味蓋過。😋 店內環境好舒服，老闆娘好好傾！😊 到最後我哋仲買咗一打水餃、一打雲吞同一打韭菜餃外賣！😍

#小秘書 仲以為呢日 #微微雨，#天氣 應該會無咁熱，可以入 #西貢 行吓，順便食埋飯先出嚟🤤 不過入到 #西貢 就好似去咗另一個世界咁，不時落暴雨之餘，天氣又焗又熱🥵 #廵過大街小巷，#小網始終無收穫👉🏻👈🏻 #小秘書 誤打誤撞走到去 #文仔記 嘅門口，剛好當時一場大雨照頭淋... 我哋唯有硬着頭皮走入去避雨😅 我見 #文仔記 裡面幾乎每一個客都係食緊 #水餃，既然我哋又未食飯，當然要試試啦😋 呢日我就叫咗個 #牛腩水餃河🥟 #水餃 嘅 #餡料 包括有 #冬菇 #木耳 #西芹，#健康嘅食材 但又不失應有嘅鮮味👍🏻 而 #師傅 亦將 #牛腩 炆得好淋滑又入味🤤 #湯底 保留到獨特嘅鮮味，用嚟配河粉一齊食... 一流👍🏻呢日 #西貢 嘅雨水都係來去匆匆，食飽之後我都只好坐多一陣、走埋去 #老闆娘 度偷下師... 呢勻真係錯有錯着👍🏻 有得食到好嘢之餘、又長知識😉 讚呀！

係西貢工作多年，完全吾知有呢間小店🧐都係新假期介紹下，黎左文仔記試食。一行5人黎食個輕鬆lunch，主要係餃類。同行三位同事都叫咗韭菜牛腩，識食應該食呢個。果然冇介紹錯，牛腩肉質juicy，同出面食開完全唔同👏🏽👏🏽腩汁一流！呢三款小菜，必食！魚皮十分之脆！豬手用八角去炆，肉同皮既比例岩岩好😌😌鐘意食豬大腸既朋友，絕對誠意推介👏🏽👏🏽👏🏽 鹵水汁入味！另外，佢地有自家製黑豆漿、五花茶、南瓜汁。我地分別都有點，大家都讚！

今日一個人走入西貢影相走咗入一啲小巷內，𥚃面原來還有很多傳統的小店，當然從中包括一些食店，路過一間門面很撲舊的食店，這間食店叫《文仔記麵食店》除了門面是一些很撲舊裝修外，內裏也是一些很懷舊的裝修選擇的食物基本上全部曬在牆上面這裏有幾款自製的飲品，今次便撰擇了新鮮製作的南瓜汁，飲洛口便感覺到新鮮南瓜味，並不是一些有防腐劑雪藏的飲品也叫來了一碗雲吞牛丸麵，麵質彈牙，也沒有濃濃的鹼水味雲吞皮薄涵靚，咬落爽口，蝦肉可見通透，感覺到是採用新鮮蝦製作牛丸雖有牛味，但欠缺彈牙的感覺香港巳很少這樣的食店，不知還能保持多久，相信這是自己的鋪，否則應該已被按季的租金淘汰了

入得來西貢，好多人只會食泰菜，不過行入少少，有一家幾隱世的小店介紹比大家。可能你會話，食碗粉麵駛乜入到黎西貢食。不過試過一次你就知道。首先,小店一樣野係出面嘅分鋪就比較少見,就係豬肺。另外仲有自家製粟米餃,水餃都好出名,都係老闆娘親自推介。每一日都係新鮮包得好一路食嘅期間老闆娘十分熟練咁樣包水餃。粟米加入邊以蔬菜為主,十分清新,啱晒一啲唔鍾意食肉嘅人。水餃入邊有芹菜、雲耳，少少豬肉等等,食落去爽口非常。用料都好新鮮！另外,豬肺都處理得好好,無豬嘅腥味。$20一碟油菜雖然有啲貴,但係唔知係唔係心理作用,總係覺得係西貢食嘅都好新鮮。

除自家製水餃好吃之外，其他都並非用心之作，不吃也罷。牛腩、牛根不夠腍，麵條當然也是從外訂貨，但質素比一般水平低。將貨就價這個可以理解，但連簡簡單單一碟油菜都做不好，才令人憤慨。菜心乃當時得令之蔬菜，即使是大陸農藥餵大都甜，文仔記卻有本事燙得過熟（雖然事先聲明不要過熟），白白浪費了食材，無法入口。小店提供的食品種類繁多，倒不如集中精力，做好有把握的餃子，並用心做好其他基本麵食及蔬菜，才對得起付顧客，更重要是，對得起經營不易的小店招牌吧。

點了水餃和粟米餃，味道清淡，不肥腻粟米餃內裏有甘荀，粟米和肉水餃將甘荀粟米改雲耳很多人食雲吞，可能好吃但餐牌沒有標價，食後收買不平宜，似欺騙，如有興趣問清楚價錢南瓜汁加水太多，又甜，沒有南瓜味黑芝麻好多人欿，可能好味

西貢市中心由新墟及舊墟兩部分組成，新墟向來是遊客旅遊熱點，舊墟以西貢居民的房屋為主。本來舊墟居民與遊客互不相干，但隨着遊客數目不斷增加，結果遊客也開始進入舊墟，人流漸多亦令舊墟內的小店為人所注意。例如舊墟內的文仔記，以前在新墟近小巴站的位置經營，與另一所店舖「德X」是西貢區內主要的中式粉麵店。但後來文仔記從原本的舖位，搬往現在舊墟的現址繼續營業。搬遷的原因無人得知，是租金太高還是競爭對手威脅生意，只有當事人才知道。不過文仔記自從遷往現址後，再沒有對手與其爭一日之長短，生意也開始穩定下來。不少西貢居民都會視文仔記為西貢中式粉麵店的自然之選。今天我媽休息，下午跟我到舊墟的沐足店後，再到文仔記食下午茶，各自點了一個撈麵。我媽點了炸醬豬手撈麵，我點了一個牛腩撈麵，另外加汽水一罐。一般撈麵撈的汁，大多以蠔油或牛腩汁為主。文仔記用的撈汁正正就是後者，用牛腩汁來撈麵，相對於蠔油比較清淡，味道不會太鹹。牛腩的口感算是適中，不會偏硬或過韌，跟粗麵恰好配合，吃用麵再喝一口湯中和蠔油撈麵的鹹味就剛剛好了。

我好鍾意食水餃，搬咗西貢住之後就成日搵粉麵店，行過見到呢間細細間，就入去試吓！水餃有驚喜，第一之食用西芹包嘅餃子，好爽口，好鮮，仲有蝦，雲耳絲，味鮮無味精！ 雲吞都好食，河粉一般無咩特別，仲有好鍾意自家五花茶，唔甜又解渴！辣椒油如果可以整得惹味，無益味會更好。再去會食剩水餃

西貢舊墟，其實是一個美食宏集的地方，只不過我來來去去，食黎食去，都係果幾間茶餐廳，有好多好食的，傳統的，老字號的都 miss 了。是日，一個人來到西貢，心中就有一個尋找新食地的念頭，目的就是要探索一些自己未食過的店。可是，我經常性地不想多花錢大魚大肉，高級及常非常特別色彩的餐廳就沒有去了，所以，我來了這一間時常路經，但從來都吸引不到我入去的麵店，名叫《文仔記麵食店》。我點的，是雲吞牛腩麵，牛腩算是不錯的，但一吃之下，味蕾對比一下，我可以說這兒的牛腩不是西貢最好。雲吞方面，也只是不過不失，大地魚的味道不夠香吧。飲品，不知為何，食廣東麵如果不飲汽水，總係覺得差左D野咁，所以，一支7喜唔該。普通麵店，雖是用心製作的街坊店，但出品的確是比上有不足。

(838)炎炎夏日，打風不成，天陰又沒有雨，行山也是頗適合，這天在西貢行完山之後，來到西貢市集，想吃點東西，路過橫街，被街旁的文仔記的廣告牌引了入店內。門前貼上報紙單張介紹有稱西貢水餃皇后，當然要選擇水餃了，另外揀選了牛雜河粉。水餃牛雜河粉(33元)，賣相優美，水餃皮薄得餡料已經透現了，內裡包含著木耳、芹菜及豬肉，口感爽脆美味。牛雜有牛膀、牛腸、牛肚及牛肺，牛雜都炆得軟腍入味，不過牛肺味道就是麻麻地，牛肚是金錢肚、牛膀、牛腸都好味，河粉質素就是一般的，湯底也很清。這餐牛雜質素一般的，水餃質素就頗佳。