敏華冰廳 (置富第一城)

你话漏咗单我都冇咁兴。鸡扒要半小时煎，肉都老啦。14:02 落order，14:32 问几时有？转头、因为块鸡扒大同厚，所以要煎耐啲，心谂：吓！。14:34 问几时有？转头。14:39 大鸡扒 有啦～ 叉一叉块鸡扒。真系厚㖞。同对面个普通葱油鸡扒相比都系差不多啫。对面屋企人13:58落单，14:08就有。上枱𠮶时个waitress 话系葱油鸡。问佢系咪大块㗎？佢话系普通葱油鸡～ 大同普通都分唔到～ 求拿其$62蚊上咗枱就算～ 香港饮食业蒙羞。…查看更多

敏华应该系呢几年兴起嘅冰室～ 佢提供多款食物，有最传统嘅公司三文治，面类，蛋挞，亦有其他选择如冬阴功面，选择可谓包罗万有～嚟得冰室，其实都想试吓佢嘅蛋挞，可惜已经卖晒🥹 今次就叫咗下午茶餐葱油猪扒饭加蛋 $62其实价钱就唔系平啦，但系佢份量又真系好够😆小熊猫已经叫咗少饭，但依然系食唔晒～ 猪扒超大份，肥瘦适中，好入味～ 我选择咗太阳蛋，因为可以将啲饭捞埋蛋汁一齐食，好滋味～ 最重要系有豉油，真系好𩠌饭食～ 餐饮我就叫咗冻奶茶，茶底浓厚，饮完精神👍🏼…查看更多

返工咁辛苦唔通个个都想返工？返工的确系攰嘅喺返工之前叹番个肥仔早餐就啱晒啦最钟意就系敏华嘅沙嗲牛肉加埋烘底嘅厚多士😋仲有炒滑蛋 劲过醒神全餐啊🤣🤣觉得敏华所有嘢食都不过不失！不过早餐沙嗲牛肉系真系出色嘅😋…查看更多

年廿九周围都好多人，最终选了哩间冇咩人嘅餐厅系，上次冬至已经冇咩人，今次亦都唔例外，点了以下食物：1. 栗子滑鸡煲配白饭 & 热咖啡：好彩点火冇几耐打开黎睇下，原来入面好少汁，差啲未食就煲㶶底，栗子与鸡的份量差唔多各半，鸡唔系特别滑，相比之下会喜欢上次食香辣牛腩煲。2. 豉汁蒸鎗鱼配白饭：即叫即蒸，鱼肉有点老，时间过左少少火，条鱼大细&质素唔差过一般酒楼，整体都唔错。服务都几好，几有礼貌，上菜速度都快，赞赞赞!!!…查看更多

同同事食lunch 你当晚话一定要嗌黯然销魂饭啲叉烧好嫩滑啲汁好香浓应该有加到香葱转左太阳蛋叫咗小饭但都食唔晒咁啱蛋挞新鲜出炉所以即刻叫咗蛋味好香酥皮好松脆我今日早到唔使等位…查看更多