敏華冰廳 (德福廣場1期)

有时一碗公仔面，唔需要太花巧，牛肉够滑，汤底够香，蛋黄够圆，已经可以静静地安抚你 🫶敏华嘅沙嗲汤底唔会太浓太咸，带微微花生香，辣得温柔，饮得出系识做嘅茶餐厅手势 🌶️🥜牛肉切得薄薄，唔鞋唔韧，吸咗汤汁之后咸香丰富；公仔面熟得啱啱好，唔淋唔硬，系童年味道返晒嚟 🍜🥩太阳蛋系亮点，蛋黄唔爆，一捞落面，成碗面即刻升呢变温柔 ☀️🍳再嚟杯冻奶茶，唔会太甜，茶底够香，饮落觉得：世界都冇咁烦啦 🧋😌敏华，唔系惊喜，但系次次返到嚟都觉得安心…查看更多

今朝喺德福商场嘅 敏华冰厅 开始咗我嘅假期 mode☀️，点咗个 $42 嘅早餐set，有 浓香鸡汤米粉 + 必食炒滑蛋 + 牛油多士，再配返杯茶走，真系perfect combo～🍳🍞🍵鸡汤米粉真系冇伏，汤底够浓郁但又唔会太咸，饮落仲有鸡味回甘，米粉滑溜唔易淋，朝早食一碗暖笠笠超舒服～😌 炒蛋滑到不得了，啲蛋汁仲系微微流心，捞埋多士一齐食真系冇得输🔥，多士香脆又有牛油香，一啖茶走落去，即刻觉得人生好幸福🫶🏼。敏华一向人气高系有原因，早餐唔单止平靓正，质素仲keep得好稳，真系试过一次就明！无论系返工前定假日慢活时光都一样咁啱～…查看更多

承认系为咗有张晚市优惠券而中伏，同时系畀之前食拉面、食海南鸡嘅经验呃到，以为同一集团质量一定有保证， 所以今次就盲中中试咗呢间敏华冰厅。招牌菜黯然销魂饭，净系个叉烧都已经唔合格，又干又柴又瘀黑。宣传品写有葱油，原来系要自己开口问店员攞。 蛋汁加甜豉油捞饭味道正常，但呢个叉烧质素要收75蚊真系有啲离谱。成餐饭比较好嘅系盅炖汤，相对比较足料啱口味。店员礼貌招呼正常，食饭期间都冇乜见到特别大嘅哈碌位。用质素评价，相信短期内都唔会再帮衬呢个品牌。…查看更多

完全唔推荐，坐低无人执台，叫左3次落单无人理，出去柜台再叫一样无反应，火大😡之前系尖沙咀K11分店有相同经历，唔系个别店舖问题，以后唔会再去。茶餐厅基本要求就系快，基本都做唔好，失败☹️…查看更多

今日去九龙湾交文件咁早附近冇嘢食，求其入一间连锁餐厅相信大家对敏华都唔陌生最出名系沙嗲牛肉面我就叫咗个轻快早餐沙嗲牛肉面加杯冻饮$41沙嗲够浓稠，花生香+微辣味平衡，食落沙嗲渣滓挂住啲面，不过面身可以硬返啲，牛肉够香，仲有啲洋葱碎，不过部分牛肉过硬饮品就叫咗杯冻柠茶，茶底够香，佢杯冻柠茶真系好饮冰火菠萝油$11好邪恶，听到佢新鲜出炉，即时叫返个，表面好脆皮，一咬「咔嚓」声，个包仲要热相反个牛油上枱时仲系冰冻，靠包嘅余温慢慢融化。咬落去一半脆热、一半creamy冻，呢种口咸精髓！ 唔求服务，总括嚟讲快餐野食算系高质，不过价钱就比一般餐厅贵少少…查看更多