撈得喜火鍋冰室

营业中

休息中

最近無得晚市堂食，但天氣涼涼地特別想打邊爐，今日lunch就同男友去左屋企附近既呢間冰室😁見佢有份menu主打川味系列，其實都幾吸引，不過今日打邊爐心切，下次先再試😆我哋叫咗椰子雞湯，黑豚豬腩，墨魚丸，唐生菜，同兩個飯😎湯底好清甜😍 馬蹄爽口，竹笙索湯😋雞件唔會太肥，有雞味，肉質嫰滑🤤豬腩片份量足👍 肥瘦均勻～墨魚丸足料彈牙，食到粒粒既墨魚，好有口感😋生菜爽口，浸落呢個湯底特別清甜特別好食👍整體黎講都係性價比唔錯既火鍋店🙌

想搵間烤魚隻味係夠香辣惹味，而唔係用化學野逼隻味出黎嘅，唔係咁易搵到，但呢間冰室就值得一試。🔹前菜 - 手拍青瓜、麻辣木耳：辣度都幾勁下，怕辣人士要小心。等條烤魚上枱前，食番幾件小食，辣下個胃，warm up 下，都唔錯嘅！而且都新鮮，唔係擺左好耐雪櫃嘅食物。🔹烤魚：麻辣烤魚，一見到滿滿嘅紅油，加埋條魚鋪滿醃製嘅香料，第一次食時有啲擔心會好濟/好濃味，但夾咗一口魚肉黎食之後，覺得佢個醃料好真，好香濃，係由真嘅香料去調配隻味，心機之作！講埋條魚，魚肉都算新鮮，魚皮同埋魚鰭位置都烤得非常之香脆（我就專食魚鰭位，夠晒脆卜卜！），加埋啲醃料，點一點啲紅油湯底，又香又麻又辣又脆，真係食到停唔到（我想加多條魚！）㊙️ 麻辣烤魚一定要食㗎啦！

今天朋友約食飯，來到元朗撈得喜，食自助火鍋。平日1位168，假期1位178。包括10款火鍋底揀任揀1個鍋底，5位或者5位以上可揀2個鍋底，汽水啤酒任飲，除佐生力藍妹和生力清啤就要另收費，每位仲送1杯特飲水果茶。其它打邊爐材料有各式丸仔，各種蔬菜，鵝腸，牛白頁，新鮮牛肉，肥牛，黑豚肉，蝦🦐，蛤，蠔仔，炸鱼皮，响玲和面食，仲有甜品和雪糕，等等。任食两小时，真係抵食。點咗麻辣烤魚味道正宗，魚用嘅係蘆魚，冇咩骨，皮香肉滑，加上麻辣味夠刺激，然之後來一杯夠曬冰凍嘅特飲水果茶，甜中帶少少酸，好正。地方夠大冷气又够坐得又舒服，下次屋企人聚會打邊爐都會選擇哩間撈得喜。

朋友強烈推薦話呢間打邊爐煲底多選擇，今日同老婆仔女試下，果然OK，食物質素新鮮，海鮮，肉類，菜類都多選擇，元朗少有這麼大間，座位都幾舒服，還有有特飲 甜品 雪糕，一家大細來都OK，下次會再來，老婆話同去深圳味道差唔多，沒得返回鄉下，但都可以食到地道的烤魚，好開心😃不過應該人手不足，聽面姐姐跑到不停，但得閒都會幫我們清理檯面垃圾，都算唔錯，個女最開心😃有她最鍾意的各種丸類和刀削麵，而且選料都比較好，好過有些放題都是用一些比較差的食材，一咬落去全是粉，食完邊爐個女即刻去拿雪糕，估唔到雪糕都好好味，店員話是維記雪糕🍦唔錯，多謝朋友推薦

同事住在元朗，相約到他家相聚，他介绍一間“撈得喜”，是食重慶麻辣烤魚，算是抵食每位收168，其他地方，可能要几百元才可以。而且，烤魚可以選大、中、小，不同的辣度，看着烤魚一路煮，又一路食，非常滿足。烤魚在煎煮其間，可以嗅到陣陣麻辣味，魚肉好彈牙好軟，大大塊魚肉渗上麻辣汁，可以想象滋味如何，嚼感一流，好彩是冷氣充足，否則必定食到汗流夾背。點了冰凍飲品，酸味味好醒胃，好sweet，可能時間去得早，所以不用排隊，就可以入内進食。

見openrice 食評都ok,天橋派傳單派到我手上，就假日試一下。佢有好多版本既打邊爐，我試左雞煲少辣bb麻，一黎2杯水果茶幾有誠意既。食完個雞煲出去拎d 料就黎了啦！！！得10幾款料簡，全部都最差質素果d, 最差果隻午餐肉，d 響鈴唔脆既，仲有d 食完好似食橡筋既牛肉，食左一舊無再食！😥仲有血色唔多好既肥牛😰最最最恐怖係果d 蠔仔，d 水勁黑啊，同佢隔離果盤血水豬肚，我唔知係咩？真係見到都唔開胃啊！！咁熱天時雪櫃唔夠凍雪料真係好恐佈，仲有臭味傳岀❌❌❌🤮🤮🤮又話有硯，我一隻都未見過？🈚️講番調味料架，佢無炸蒜果d, d人拎到好混亂，唔多衛生咁😰雖然野飲櫃無咩汽水選擇，不過有好多鴻福堂涼茶飲都唔差，仲有冷泡茶👍不過佢開門既方向好奇怪，好難拎野飲。食到最後啦，講下佢既甜品，有一個涼粉，但係無蓋既關係，傍邊既人整調味料好易整左落去，隔離個雪糕櫃都比人拎哂雪糕無再加過，不過有驚喜係佢有黑加倫子味雪糕👍總括，有冷氣但裝修環境服務都好大陸，員工不足又逼幾次拎野食員工都差d 撞到我，無咩加野，隅隔台小朋友行黎行去不停食雪糕涼粉，隔離台食到通地污穢又食完唔關爐😞😞😞😞講真$178 打邊爐咁既價錢荃灣

同一位同住大西北嘅朋友嚟到佢介紹嘅呢間店佢有雞煲、麻辣火鍋、烤魚等選擇全部任食嘅咁我哋叫咗烤魚～啲配料全部自助可以喺出面拎唔算話好多選擇一般嘅丸類、豆腐、豆卜、菜、菇、粉麵佢都有😋臨走先發現原來佢有啲熟食同冷盤🥲飲品都係任拎嘅不過冇酒類🥲另外佢會每人包一杯水果茶飲落都唔錯 唔係死甜個隻😛今次嘅主菜烤魚一上嚟就勁香😍佢條魚比想像中大同多肉同埋上鍋前應該炸過所以食落個皮好香口🤩個人覺得配薯粉真係好好好食😚而且價錢好大眾化每位$168（未加一）一定會再嚟🥰

元朗新既任飲任食火鍋平日食唔洗book都有位，地方大冷氣夠！$168一位，星期六日公眾假期+$10星期六日建議book定位湯底有10款個人認為椰子雞同重慶麻辣烤魚鍋比較吸引，結果揀左重慶烤魚，有大中小辣，揀左小辣，辣度都夠，越煲越出味。兩個人食有兩條魚！你冇睇錯，真係正，係一人一條🙊🙊鍋底有金菇，蓮藕，木耳等配料。加湯唔係加水，係加豬骨湯。小食有木耳青瓜！做法一樣，個汁唔錯，青瓜夠爽口！任食火鍋有蜆唔要唔洗加錢！抵食！冇沙！唔算太細隻，自己夾可以揀下。海鮮類有蜆、蝦、蠔、魷魚，個人認為蜆冇得輸，蝦都唔錯，火鍋食品都多選擇，不過我唔係太食肥牛，豚肉，雞肉所以冇食到。丸類大路食品，正常水平。魚皮餃同海帶結好正！豆卜串好正，出面真係好少見！索埋個重慶小辣湯一次過食好正！推介！！雪糕櫃有多種味道大大桶自己裝，推介：曲奇、香芋、櫻桃。其他味都好正！係維記。布丁都唔錯，配料唔算太多。送既水果茶特飲同珍珠奶茶，兩款都唔太差，好飲。飲品櫃都多選擇，可能送左兩杯野飲都好少出去再拎其他飲品。$168 一位，兩小時，唔洗加一 整體黎講係抵食，想再去試埋椰子雞湯唯一可惜係得日式烏冬同唔知咩牌子既公仔麵，如果有

見到任食火鍋平平哋又去試吓~因為佢話水煮魚係用生魚~烤魚用鱸魚🐟所以揀咗麻辣烤魚~有得揀麻度辣度呢樣讚👍🏼拍青瓜好食😋每人有一杯免費水果茶都幾好飲唔會好甜👍🏼至於個烤魚味係好味，條魚一般但都大條架。呢個價錢接受，慳錢選擇。

2021年8月11日(三)新張營業來試試，任飲任食打邊爐每位168 ，只收現金。雖然係任飲任食，但係火鍋煲底只有一份，食完加水繼續打邊爐，另外是日特飲都係每人一杯，今日嘅特飲係水果茶。晚上6:45到達， 7:15左右已滿座，有心食最好訂位。家姐唔食得辣，所以今次試咗招牌清甜椰子雞煲，寫住三個椰子一煲湯，先飲二碗湯，清甜順喉美味。加湯打邊爐，喺出邊攞咗蝦、蠔、蜆、牛肉、豬肉、蔬菜…海鮮及蔬菜都新鮮，肉類一般般，飲品款式多。涼伴菜有手拍青瓜及涼拌木耳。雪糕有好多款，曲奇、綠茶、香芋、士多啤梨、朱古力、仲有好耐冇食過兼第一次喺放題見到嘅醉酒櫻桃。樓面得兩位服務員，招待、落單、傳菜、執枱、收銀… 都係得佢哋兩位女士一腳踢，根本都做唔切，完全冇執過枱，生料區鮮蝦及蜆取晒之後，超過半小時都冇添加新嘅，直至我詢問服務員，她才入廚房取出鮮蝦及補添其他食物，人手嚴重不足，將心比己，諒解員工，沒有責備。整體來講，街坊生意，街坊模式，值得光顧。