影片
以上资料只供参考，请与餐厅确认详情
食家推介
每次行过都见面积极细的店舖外排满人龙，今早与家人往吃早餐，等了15分钟才有位，要了三份早餐，店员下单很快，然而两份简单的早餐下单后30分钟仍未有，家人的也巳经吃完，期间曾向3位店员查询不果，亦没回应要等多久，最后才被一位店员回覆很多单，她说的甚是，目测店家外卖单极多，没停过包装外卖，看来外卖服务比堂食服务好得多。
继续阅读
今日嚟到 揾食工房，一间充满地道风味嘅茶餐厅。呢度嘅环境好亲切，装修简单朴实，坐低一刻就感受到一种轻松嘅氛围，啱晒想食啖好嘢又唔想破费嘅我。瑞士鸡翼捞公仔面鸡翼内里肉质鲜嫩多汁，咬落去啖啖都系肉香。公仔面煮得弹牙有嚼劲，捞埋甜中带咸嘅瑞士酱汁，味道好夹。每一啖都系滋味嘅享受，份量十足，食完真系好饱足。滑蛋多士滑蛋多士烤得香脆，涂上厚厚嘅牛油，香气四溢。滑蛋煮得啱啱好，蛋香浓郁，口感滑溜。热柠檬茶～茶香浓郁，饮落去好解渴。
继续阅读
呢间餐厅用餐体验俾我带嚟复杂感受。嚟咗几次食呢间，我都品尝到几好食嘅午餐下午茶但服务质素就让我啲却步。待应和收银的态度经常不佳，令人感到不受欢迎，甚至有时会黑面。他们似乎急于客人快速order，落单过程比茶记仲紧迫，员工之间沟通都有类似模式。餐厅地点方便，餐份量足够。焗饭系出色 芝士焗得香口都令人满意。下午茶炸物 外脆内嫩，热辣辣，证明即时出餐虽然服务方面有待改善，但由于食物质素同地点方便性，偶尔都会帮衬。
继续阅读
行完山嚟食晚餐，嗌咗焗猪餐厅空间阔落，仲有对窗嘅类似吧台位置，啱晒一个人食饭，又唔洗同人搭枱，又唔会阻住铺头做生意，呢点要赞👍🏿店员服务态度都几好，而且仲冇加一，已经好少见焗猪上到嚟仲热辣辣，会咕噜咕噜冒泡，睇得出系新鲜焗好啲饭唔系炒底，似系普通白饭沟蛋丝，但系够干身，搭埋汁酱已经够味。猪扒jaam过粉再炸，所以唔脆，猪扒好腍，炸粉层皮同猪扒肉偶尔会分离，但系问题不大，都好食。猪扒层炸粉应该有胡椒，所以猪扒多咗浸风味。除咗鲜茄，仲有西芹、红萝卜、蘑菇、洋葱，所以个汁酱有少少似罗宋汤，唔会太酸，层次好丰富。可惜本人唔食红萝卜同洋葱，不知order前是否可以提前讲😂所以进食期间一直要撩啲唔食嘅食材出嚟，否则就可以大啖大啖享受。整体而言，系一次好唔错嘅用餐体验，都可能系因为人唔太多🤔
继续阅读
去马鞍山探朋友，佢带我嚟呢间，旺㖞，要排二十分钟左右才入座两个晚餐都好抵，就咁牛油多士，浓浓嘅粟米汤，跟住，哗哗哗咁大份嘅，想唔饱都几难先讲牛扒，洋葱真系够脆又有黑松露味，好配合薄T骨扒，烧汁嘅浓度好啱，牛扒好入味，薄身有唔同嘅口感鸡球意粉个芥末酱好香呀，我觉得加多少少辣更加好，鸡球好juicy ，个汁捞意粉，几乎想添呀🤣配埋餐饮，性价比超高，唔怪得要排队！好正，多谢朋友介绍，晚餐嚟讲，真系抵到烂啦！
继续阅读