影片
港铁石门站 C 出口, 步行约1分钟
继续阅读
电话号码
55069005
营业时间
今日营业
10:00 - 22:00
星期一至日
10:00 - 22:00
公众假期
10:00 - 22:00
公众假期前夕
10:00 - 22:00
以上资料只供参考，请与餐厅确认详情
舖头入边中年女人态度极度恶劣 全间舖冇乜客 呼喝客人唔可以四人枱两个打横坐 只可以二人枱对住坐 话自己繁忙时间 饺子又唔熟 厨房出餐好耐净系挂住整外卖 刻意扮睇唔到 食个饺子好似欠咗佢咁
继续阅读
之前都有帮衬过，但今次经验之后唔会再帮衬喇，反正石门附近大把食店，费时贴钱买难受。今日见到餐厅提供的下午茶餐包，小食加饮品五十蚊以内，价钱算合理。叫咗汤饺，味道中规中矩；小食叫咗猪耳，食咗一半先发现有三至四块明显发黑，因为落咗大量麻油调味，好难分得出究竟系唔系变坏，但总之食落去心大心细🤢。最大问题系服务质素极差。埋单时我已经企喺柜枱前面，柜枱个呀姐都系到，交咗张单畀收银呀姐，点知佢突然无声无息走咗去做第二啲嘢，等咗一大轮先番黎。最离谱系，番黎后竟然唔记得已经收过我张单，仲反问我坐边张枱，我俾钱佢仲要拧哂头、西哂面，态度恶劣。打开门做生意埋单收钱都收到咁悔气，真系令人火滚。睇番间铺d comments都大开眼界，清一色劣评服务态度差，呢间我都唔会再帮衬，亦都建议大家慎选🙄。
继续阅读
我系17号嘅中午时段去该铺头用膳，讲真体验真系唔好我嗌咗六只嘅韭菜煎饺 、八只嘅帆立贝莴笋鲜虾汤饺加咗个米线 同埋一杯百香果蜜 韭菜煎饺煎到个饺子皮㶶晒 系有明显嘅黑色黑到咁真系食唔落 另外𠮶个帆立贝莴笋鲜虾饺 ，有两三粒都系爆开晒应该系煮嘅时间太耐 控制唔好而𠮶个百香果蜜就成浸糖浆味 饮咗几啖就饮唔落除咗嘢食方面 店员嘅态度都唔系咁好出餐嘅时候冇讲低呢个系咩饺 放低啲饺子就走咗我啱啱开始食𠮶阵时已经同个店员讲咗好热佢就话个冷气坏咗，我话唔紧要 咁开风扇得啦啩佢又话坏咗，成间舖头风扇又坏冷气又坏，热得好夸张，出晒汗。今次体验真系唔好，系朋友推荐先去呢间嘢度食但系一去就遇上咁嘅服务态度同埋用餐体验大家真系要慎重考虑吓去唔去好
继续阅读
系影片分享平台见到有人介绍，于是过嚟一试。 点左个芫荽马蹄猪肉汤饺+元贝莴笋虾饺（煎饺）。 芫荽汤饺先上，汤还可以，但略为淡，汤饺劲易烂，啲馅跌晒出嚟，不过芫荽系多既、马蹄亦几甜但好少猪肉，所以啲馅好散。 之后到煎饺，每只饺都有元贝同虾，系丰富的，不过就有点咸。。总括来说，饺子是足料的，亦够大粒，以这个价钱来讲算系咁，可以一试。 但不要对味道及服务有期望，这间店无论后生定有点年纪的店员都很随意，态度似唔忧做。 另外，如果有试过荃湾那间出名的饺子店，这间无论是汤底、馅料、味道真是完全无得比。
继续阅读
今次系第一次试呢间餐厅，食完有啲失望，最尾都无食晒(´Ａ｀。)#### 1. 双拼汤饺（粟米萝卜猪骨汤）- **价格**：$76芫茜马蹄猪肉饺- **评价**：呢个芫茜马蹄猪肉饺味道一般，无鲜甜味，马蹄感觉都好平淡，饺子皮好厚( ´•̥̥̥ω•̥̥̥` )紫菜粟米猪肉饺- **评价**：紫菜粟米猪肉饺更加失望，紫菜味过于浓烈，成个饺子好似食紧素饺( ˘•ω•˘ )### 总结搞饺镇嘅饺子味道普通，好失望，唯一好饮嘅系𠮶碗汤，好鲜甜，料都好足，煎饺应该会好食啲，希望未来可以改善下饺子的质素( ´•̥ו̥` )
继续阅读