捌捌陸台式料理 (D2 Place ONE)

【绝不推荐的灾难级用餐体验：服务混乱、食物不好食还要收服务费！】「贴钱买难受」！呢间餐厅绝对系离谱的饮食灾难。首先，出餐完全失控。简单一个套餐竟要苦等半小时才上桌，期间后到顾客反而先取得餐点，追问就当听唔到。更荒谬的是餐饮部分！两杯普通饮品足足等候超过一小时，好不容易盼来第1杯竟是错单，而第2杯直到用餐结束都未出现。有向员工反映，只得到机械式回应「嚟紧」，然后就再无然后。最令人惊讶嘅系，「0服务」嘅餐厅竟敢收取服务费！门口只有一个唔知讲咩乡下话，沟通唔到嘅「婆婆员工」。餐厅全QR code 落单，连QR code 都系自己去水吧拎。等待半小时后，现场6枱客，有一半都未有食物，但水吧只顾出外卖，所谓「服务」根本从未存在。至于食物品质更是惨不忍睹，睇图已经明白🤦🏻‍♀️唯一食哂嘅系4粒花枝丸。总结呢餐背脊骨落嘅晚餐：漫长等待、服务缺席、食物难吃，却还要支付全额费用加服务费。强烈建议各位珍惜时间金钱与肠胃，绝对要远离这个美食地雷！…查看更多

一直都话现做的蛋饼，做咗45分钟都唔见影，问就话系现做所以会耐，耐到鸡蛋都孵出鸡仔了…… 见住隔离枱迟我哋25分钟坐低，5分钟就有蛋饼食…… 依家仲未到嘅蛋饼，急问，在线等，究竟我仲应唔应该等落去？！其他枱已经转咗3轮…… 人哋8人枱迟嚟30分钟都食完走人，点解我个蛋饼特别耐？其他两个面都等足30分钟，之后先去催，问咗两次先上两个面….食物质素普通，似味精味道，价钱唔算平…冷气一边冻到癫一边热到癫… 都唔知坐边度好…在线等……查看更多

位于荔枝角D2 Place 的捌捌陆台式料理主打台湾夜市风味，这次试的是花雕醉鸡卷肉燥饭配凉拌木耳、酥炸花枝丸及蜂蜜绿茶。醉鸡卷酒香温和，鸡肉嫩滑，配上咸香肉燥饭，味道层次分明。凉拌木耳爽口，醋味清新，作为配菜十分开胃。花枝丸外层酥脆，内里弹牙，花枝味浓，是整餐的亮点之一。蜂蜜绿茶甜度适中，茶味清香，作为饮品刚好平衡整体口感。环境：店舖装潢有台湾街头风格，气氛轻松热闹。价格：套餐约$90，以份量及味道来说属合理。食物质素：食材新鲜，味道稳定，醉鸡与花枝丸表现突出。食物种类：台式小食选择丰富，定期推出新款，适合多人分享。如果你钟意台湾夜市风味，这个组合值得一试。…查看更多

之前食开呢间，上次以为系换晒啲员工，原来直程转咗手做一个潮州家庭去接手，所以佢哋沟通之间会听得到店员会讲普通话 好似系惠阳𠮶边。平时食开好钟意食佢嘅台湾牛肉面同卤水，唔怪得知上次个蕃茄汤变咗味，今次就冇嗌，想试吓啲潮州嘢同埋佢本身钟意食酸菜鱼，唔会好油腻一点我嘅欣赏，鱼片同酸菜份量都适中，不过朋友就觉得好似唔系好够正宗味道 怕辣嘅我食都觉得唔辣呢个餐好似系$78 /98 ，因为转餐要加$20包一个细份嘅前菜小食，譬如青瓜 🥒同埋一杯嘢饮 系普通嘅茶，不过几好饮杯茶好大杯唔错，但系我哋加$18呢个凉拌辣莲藕 就有啲惊讶，冇谂过系啲酱汁咁样，同埋好奇怪，而且系非常之辣 捞咗好多辣油？立立令嘅。… 我哋放弃咗。我嗌过好想食嘅卤水拼盘，牛腱比较硬牛肚都系，猪手同埋牛筋反而好腍好味， 鸡蛋有蛋香，但系就普通质素啦，唔系靓蛋，食蛋黄就知 $88几抵食几大份之后覆咗以为卤水牛腱$98都系咁靓，点知系劲细份，个兜劲大摆盘好大，但系底下全部青瓜丝，牛腱切得劲薄…..外卖嘅卤水拼盘，牛腱都好似细旧啲… 系咪谂住我哋唔知？…不过呢个始终我未食过可能佢就系咁样，其实我系想食返头先真系台式卤水𠮶种…嗌咗呢个饺，老板都送咗几粒唔同味试，因为我哋又再嗌 但系感觉真系好似手工剂，个皮系烂烂的 有啲似非常失败嘅虾饺啲馅料都好似烂蓉蓉 睇嚟厨师手工有待改善 不过之前唔见有呢样嘢系Menu，可能佢都系创新试吓 我谂大部份人都唔钟意呢种口感试咗红色黄色同埋绿色，觉得绿色呢只有马蹄最好，其他都真系…. 又唔系难食，但系绝对唔系好食🤣🤣猪手入味好腍肚饿再嗌碗潮式粉，因为冇咩米饭，合格吧，呢个价钱都大碗 不过收埋斋$100就有啲贵…有四片鱼腐四片，潮州扎肉咁嘅嘢，鱼腐好味 另一个朋友都钟意呢个甜嘅莲藕就系喺顺德食过见到有就唔理佢好唔好味都嗌咗先， $28都OK嘅 好过麻辣𠮶个好多先🤣🤣不过都几甜莲藕粉粉地都过瘾 $68.5斤餐醉鸡卷拼卤肉饭 都系呢啲性价比高 但系佢唔知系咪唔识控制火候 西兰花都好硬🤣🤣呢度有啲嘢就够有啲嘢就好硬整体而言服务OK嘅 不过佢哋忙嘅时候就可能态度未必咁好，但系你如果有要求佢都会尽量帮你达成嘅总括而言，如果真系下次要嚟呢度，嗌返台式食物好了都唔好咁多创新嘅菜🤣🤣🤣顺带一提，如果佢个咸鸡好似有啲细只…查看更多

以前食过一次，都觉得ok ，我怀疑系转左手，成间野都变得不三不四，以前系做台湾野，而家加埋啲潮州野十分古怪。环境方面，现场音乐十分大声，啲员工全部都系操普通话。今次去完全系中哂伏。服务方面，我哋一去到，已经即时用手机下单，下单过咗20分钟，问职员先知原来厨房冇晒机纸，所以漏咗单。食物方面，台式肉燥饭唔系用珍珠米已经扣哂分。其次卖相都好差，啲肉燥淡而无味，盐酥鸡一啲味都冇，好厚粉，成碗饭就好似叮完出嚟咁，口感偏腍完全冇脆口嘅感觉。加埋杯珍珠奶茶，杯珍珠奶茶冇乜冰又冇乜味，冻珍珠奶茶竟然得三四粒冰，加埋一都要成百蚊，真心冇下次。本身个饭系叫俾小朋友食，平时都唔会浪费食物，我哋都担心唔干净，所以都唔敢再俾小朋友食。…查看更多