捌加廿陸天婦羅居酒屋

营业中

休息中

特盛海鮮天丼（$108）有七款炸物，最好食的是炸黑虎蝦，肉身好厚，大條彈牙，必食，帆立貝都好食，不過唔算好驚豔，另外仲有兩款魚，那哥魚的質地比較彈牙，食落好得意，似魚片的口感，另外，鱚魚天婦羅則比較常見，魚肉質地軟滑。海老穴子天丼（$108）穴子別名星鰻，是一種體型較小鰻魚，上到碗一樣大大條，而口感比較實身，同平時食的鰻魚質感唔同，另外，南瓜天婦羅好甜好食，蟹柳唔係好假個種，可以食到一絲絲的質感。

一入門口，店內掛滿鮮豔奪目燈籠，小店有兩層，地面為長吧檯，上層為日式榻榻米，以特色牆身襯托出居酒屋風格。鴛鴦鰻魚丼飯$98鰻魚被微甜咸香的醬汁包裹着，肉質鮮味嫩滑，柔軟細緻，丼飯連帶沾了醬汁的米飯，非常滋味，性價比高小食拼盤（魷魚鬚、雞軟骨、唐揚雞）$78 所有炸物都即場製作，炸得香脆，最愛唐揚雞，鹹香多肉汁+忌廉$12自選天婦羅丼搭配冷烏冬黑虎蝦，帆立貝，半熟蛋$66夏天好推薦配冷烏冬，清涼彈牙，非常消暑！天婦羅香脆可口，自由選擇配料可以因應個人食量同口味挑選食料，是不錯的選擇+波子汽水$18

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰（TTL $290.4，人均消費＄145.2)環境質素：☘️☘️☘️冇諗過轉角遇到一個令人好似返返日本既餐廳，不論係門口既燈牌設計，甚至裏面餐廳既室内設計，都令我誤會自己返左去日本一個傳統橫街窄巷食飯咁 😍 餐廳有上下兩層，下層可以排排坐，上層有榻榻米，兩個位置都各具特色。 特盛海鮮天丼 (＄108)外觀已經充滿層次，黃金色酥脆既天婦羅鋪係飯上面，層次豐富。海鮮(蝦、魚、元貝)鮮味，食落去炸粉好薄好鬆脆，鹹甜適中，係日式料理愛好者既不二之選。。 蒲燒鰻魚丼 ($88)大大條已醃製嘅鰻魚，而且上面佈滿咗好多海苔，少少既焦香味+柔嫩既肉質👍🏻飽肚感十足。 磯燒鮑魚配帶子 ($68)兩個表面都佈有薄薄既炸粉，而且鮑魚同帶子肉質都好彈牙如果你鍾意我既分享，按右上角🔔，就可以睇到我所有既 update

一間喺鬧市充滿氣息，日本情懷嘅居酒屋位，主打天婦羅料理。內部設計採用Bar枱，同榻榻米，好日系feel，好有置身在日本嘅感覺。今次我叫左自選天婦羅丼，配料包括鮮帶子、廣島蠔、牛肉餅、黑虎蝦和那哥魚。佢可以選擇配白飯、冷熱烏冬或者冷熱蕎麥麵。今次揀咗配冷蕎麥麵，因為而家天氣好熱～食返啲凍野平衡一下～食落配搭感覺好match✨首先，鮮帶子的口感非常嫩滑，口感味道非常鮮甜🤤廣島蠔都不錯，都係好新鮮好好味，內裡好多汁。對比牛肉餅相對黎講比較普通，但肉質算唔錯；天婦羅的酥脆口感，還是讓人滿意。黑虎蝦的口感彈牙，外皮香脆，好香口好好味。那哥魚味道都唔錯～魚肉細嫩，但略顯普通。 另外亦叫左滑蛋豬扒丼，🐷豬扒非常嫩滑，滑蛋口感超級好食，下次黎會再食！必食推薦✅再配埋細枝清酒🍶一路食一路飲，成個感覺非常舒適，簡直Happy Friday😆😆如果唔洗排隊會更加好😆😆😆

捌加廿陸天婦羅居酒屋從海鮮到肉品、野菜天婦羅應有盡有，堪稱海陸大集合，捌加廿陸天婦羅居酒屋生意太好，門外一堆等待候位的食客，包括我和朋友，所以人氣爆棚不是假。我們均自選天婦羅丼，朋友點選了黑虎蝦、竹輪、牛肉餅、紫薯和胡麻醬冷烏冬，天婦羅各具特色，竹輪脆彈，每一口都可感受到淡淡的魚香，沾上天婦羅汁襯托出竹輪風味。紫薯沒有多餘的炸粉，綿密香甜的滋味令人愉悅無比。牛肉餅趁熱吃最美味，牛肉餅外表酥酥，裡頭超彈牙，吃到牛肉香，但吃時一定要小心爆汁。碩大肥美的黑虎蝦大器地橫躺在眼前，蝦肉紮實有彈性，可以先嚐原味，清楚體會黑虎蝦的甜鮮，讓人滿滿的幸福感油然而生。朋友非常喜歡胡麻醬冷烏冬的香氣和口感，她最怕冷烏冬糊成一整坨或是拌完後太乾，但這裡得胡麻醬冷烏冬完全沒有這些問題，胡麻醬拌起來芝麻香十足，朋友一邊拌就一邊開始吞口水。冷烏冬煮的時間剛好，濕潤度夠，好吃到不行。捌加廿陸天婦羅居酒屋的烏冬有冷熱之分，天氣那麼熱，我當然吃冷烏冬。冷烏冬屬於比較幼細款，加上在冷水中浸泡過，嚼上來甚有勁道，滑順又帶著彈壓嚼感，沾點芥末鰹魚汁吃，冷烏冬冰涼清爽，適合夏天食用。鮮帶子完美到無懈可擊，鮮帶子蠻霸氣，一口嚼下雪

今日6點幾就到埗，襯住仲未有長龍，早D食晚餐。講起香港好食既天婦羅，真係第一時間諗起佢。可以自選，唔想諗既仲可以叫佢特定既丼飯。今次叫左黑虎蝦, 竹輪,蟹柳同埋茄子，配冷烏冬。黑虎蝦一如以往好食，蝦肉彈牙，最欣賞係呢到炸物既炸粉唔會好易分離，都唔會好厚粉。茄子都好唔錯! 冷烏冬會有蔥絲同埋wasabi比客人自行調味，烏冬都好彈牙。另外，朋友叫左鱚魚 , 牛肉餅 同埋紫菜蝦膠。鱚魚冇骨，食落啖啖肉，唔鐘意食魚既朋友都覺得好食! 紫菜蝦膠係其他地方比較少見，原來都幾夾。小食方面叫左芝麻雞翼同埋雞皮餃子，2款都炸得好香脆，好岩配酒食

好耐冇過嚟食呢間天婦羅丼飯專門店🍤記得第一次食嘅時候非常驚艷今日lunch time時間一於衝去食，回味一番店舖門口及內裏格局真係好有以前日本嘅特色，打卡一流又易認滑蛋海老丼滑蛋夠滑又有蛋香，海老好鬆化又彈牙，而且仲有三大條，$68抵食仲有前菜及麵鼓湯磯燒鮑魚配帶子呢個鮑魚同帶子炸到外脆內嫩，食落好好味🤤炸菠蘿雪糕（雲呢拿）上次食蘋果，感覺較一般，估唔到炸菠籮又幾match,作為飯後甜品正波子汽水童年回憶，解渴☺️夠爽

在繁忙的香港，能找到一家專門供應天婦羅的日式料理店實屬難得。天婦羅的靈魂在於那層薄如蟬翼酥脆無比的麵衣。這家店的功力確實了得，每一件天婦羅都炸得恰到好處，外酥內嫩，完美地鎖住了食材的鮮美與多汁。無論是鮮甜的蝦子、鮮嫩的魚肉，還是爽脆的蔬菜，都被這層薄薄的麵衣提升到了另一個層次。特別值得一提的是他們的炸蠔，個頭飽滿，熟度剛好不會太熟老了，沾上些許天丼醬更是絕配。各式蔬菜天婦羅如四季豆、本菇等也都保持了原有的口感和風味，讓人驚艷。還有一大杯冰涼的檸檬酒，金黃色的液體中浮著冰塊，為炎炎夏日帶來絕佳的消暑良方。與之搭配的是一盤色香味俱全的炸物拼盤，金黃酥脆的外衣包裹著各式海鮮和蔬菜，令人食指大動。這家天婦羅專門店在食材的新鮮度、烹飪技巧以及口味的把控上都相當出色。考慮到在香港能享受到如此正宗的天婦羅料理，這無疑是一次值得的美食體驗。無論是想要品嚐正宗日本料理，還是想要嘗試新的美食，這家店都是一個不錯的選擇。

平時經過旺角，見餐廳成日都排滿人，我同同事今日遲咗食lunch，見冇咩人，終於可以試吓。餐廳不大，有兩層，樓下係吧枱，樓上有四張細枱。我哋叫咗兩款自選天婦羅丼、雞皮餃子及炸雞軟骨。自選天婦羅丼第一個丼揀咗鰹魚湯烏冬，鰹魚湯清甜，烏冬煙韌，天婦羅有鮮帶子、黑虎蝦、竹輪、半熟蛋、蘆筍、茄子及杏鮑菇，天婦羅炸衣好薄，炸到外面鬆脆，但又能保持食物嘅水份同味道，非常好食。第二個丼揀左冷蕎麥麵，夏天非常適合食蕎麥麵，蕎麥麵煮得啱啱好，掛埋蕎麥麵湯汁，清爽好食，天婦羅有廣島蠔、黑虎蝦、雞肉、粟米芯、南瓜及杏鮑菇，一樣都咁好食，尤其係廣島蠔，非常creamy 同鮮味。雞皮餃子邪惡之選，炸到外脆嘅雞皮，配上柚子醋，又邪惡又美味。炸雞軟骨雞軟骨炸得好鬆脆，配上沙律醬，細細粒，一粒接一粒，食唔定口。

最近想食日料見到呢間餐廳唔使等位 都見有人食就入咗去初頭係俾佢入邊嘅裝修風格吸引點知嘢食都好味店員嘅態度好友善 但係主要想大贊嘅就係佢嘅裝修風格成個風格都非常之日系 好似有啲居酒屋嘅感覺 但係又好啱年青一代成個設計唔單止有近期大熱嘅動漫 仲有一啲明星 甚至啲店員嘅衣着都非常之日系啊坐喺吧枱可以望到廚師們煮嘢食嗌咗嘢之後好快就上到 嘢食熱辣辣超好味價錢都好合適 會再嚟同朋友過嚟食～～本人係自費去食 沒有收到任何餐廳嘅贊助本人若有作出虛假陳述，願意承擔法律責任 因為本人自費去食沒有收到任何贊助或提供任何優惠給我

我本身真係好鐘意食天婦羅丼飯，不過始終香港呢種專門店唔係好多~ 近年係有多咗少少連鎖店💕之前搵先發現原來旺角有間小店都係有得食！平日晚到勁多人排隊,天氣熱真係等到出晒汗😂特盛海鮮天丼 $108入面有黑虎蝦2隻，那歌魚，帆立貝，鰝魚，四季豆，金菇海老穴子天丼 $108入面有穴子，黑虎蝦，蟹柳，南瓜，本菇，紫菜，四季豆天丼整體勁多料,都好好食！飯望落唔多,但太飽都食唔晒🙈但感覺飯嘅汁可以多啲！唐揚魷魚鬚 $38呢個推薦推薦🙌🏻🙌🏻炸得好脆！有個小插曲,本身叫咗個甜品-黑糖蕨餅但係太趕住走，飽到又唔記得咗食完俾咗錢，先醒起漏左單😂😂希望之後留意下🙈🙈🙈

餐廳嘅座位都係吧枱嘅位置，落單後就見到店員現場即刻炸起天婦羅，所以所有嘅天婦羅都好熱辣辣又香脆。居內裝潢係居酒屋嘅風格，感覺幾有氣氛。自選天婦羅定食自選天婦羅有好多其他丼飯沒有的選擇，可以根據自己嘅喜好去揀，我就揀左廣島蠔 牛肉餅同鮮帶子。廣島蠔都幾飽滿，食到蠔嘅鮮甜。牛肉餅幾大塊，食落都好有牛味。帶子食落依然嫩滑，外脆內嫩。我就選擇左冷烏冬配天婦羅，冷烏冬嘅醬汁同wasabi 溝埋一齊食凍凍地，而且仲更解膩。特盛海鮮天丼望落非常豐富，有滿滿炸到金黃嘅天婦羅，當中包括黑虎蝦 那哥魚 帆立貝 鱔魚 金菇 秋葵。如果懶得諗，就可以叫黎一次過試到哂咁多款天婦羅。除左天婦羅多外，飯嘅份量都非常多，食完之後超滿足。雞皮餃子餃子好飽滿脹卜卜，炸到金黃香脆，雞皮更增添油香，外脆內軟嫩。

我係晚餐時段去，餐廳入面坐滿曬人，出面仲曬隊🤣入到去，發現餐廳裝修好有日式風格，牆上貼滿獨特畫作，抬頭可以望到好多日式燈籠🏮餐牌選擇主要係天婦羅丼，可以自選或者叫指定丼飯，仲有小食可以點海老穴子天丼 $108有穴子、黑虎蝦、蟹柳、南瓜、本菇等，炸得好香脆，乾身唔油膩👍🏻👍🏻👍🏻虎蝦好大隻，連蔬菜都炸得好出色，好有食慾特盛海鮮天丼 $108材料好豐富，好足料，有黑虎蝦兩隻、那歌魚、帆立貝、鱚魚、四季豆等，選材好新鮮，同樣炸得香脆、乾身唔油膩🤤🤤🤤丼飯粒粒均勻，唔錯！唐揚魷魚鬚 $38魷魚鬚份量唔少，咬落唔會乾爭爭之餘，仲好香，點配醬料食，正！可樂（樽） $12蘋果汁 $10

捌加廿陸想食好耐，之前每次坐車都經過，見到好多人排隊，今晚終於可以試下入面鋪頭唔算大，有上下2層，下層吧枱為主，可以望到師博點整天婦羅，我見佢用凍水開漿，每樣食材都平均點晒天婦羅漿再即炸，好俾心機我地叫左自選，好似車仔面既，叫左廣島蠔，鱚魚，黑虎蝦，南瓜，冬菇，蟹柳，茄子，本菇，每樣都好出式，廣島蠔同黑虎蝦推介推介👍🏾👍🏾配冷蕎麥麵係絕配，熱辣辣既天婦羅加上冷既蕎麥麵仲係好好食我地仲叫左個小食，炸雞軟骨，當然一樣甘有水準啦，下次一定再encore，一想食天婦羅一定諗起捌加甘陸

💭平時夜晚經過呢間餐廳都見到排隊，今次下午路經旺角，見有位即刻試試～餐廳裝修風格好似置身係日本咁，牆身怖滿動漫海報或廣告，氣氛幾好！天婦羅係即叫即炸，非常新鮮。除咗可以揀指定配好咗嘅天婦羅丼飯外，仲可以自選天婦羅，揀自己最鍾意嘅配搭👍🏻─═★:;*─═☆:;*─═★:;*─═☆:;*─═★:;*🔸自選天婦羅定食自選除咗天婦羅，仲可以簡飯、烏冬定蕎麥麵。價錢由$30起，每款天婦羅再加$8/$12/$18一件，揀咗黑虎蝦、茄子、金菇、鰻魚同半熟蛋。烏冬彈牙有咬口，沾上芥辣同醬汁，清涼 又開胃🍜黑虎蝦爽口彈牙🍤流心蛋有驚喜🤭外面脆皮裡面係流心蛋黃🤪🔸海老穴子天丼有穴子、黑虎蝦、蟹柳、南瓜、本菇、紫菜同四季豆。份量好多好大份，粉漿夠薄，而且炸到非常脆，穴子超大條🐟星鰻較薄身，肉質嫩滑！南瓜超腍又香甜🤪🔸芝士年糕芝士味道濃郁✨流心又有拉絲👍🏻