挽肉と米

每人一个set 🐮现烤牛肉汉堡扒(3件)🍚现煮白饭(免费任添)🥣味噌汤🥚鸡蛋(一只)唔够饱仲可以额外再加汉堡，我地叫咗杯柠檬梳打🍹系出面比完钱先入座，如果第一次去店员会同你介绍，佢个柜桶入面都有张建议食法同啲配料嘅摆位：1️⃣就咁食2️⃣加萝卜泥+自家制柚子醋3️⃣配搭生蛋个人就钟意第二种食法，可以令到件汉堡食落无咁油腻，同埋个柚子醋酸酸地好开胃🙂‍↕️基本上佢好快就会上第一旧汉堡，系差唔多食晒嘅时候佢就上埋第二旧，其实都几急。食完两旧之后应该未整得切，所以都要等咗一阵，但反而咁样佢啱啱烤好，汉堡啲肉汁仲锁晒系入面🤤整体黎讲系抵食嘅，百几蚊有三件汉堡，质素唔差🙈但如果要排好耐先食又唔太值，所以建议book咗位先（不过就算book咗都系要等一阵先入到）未有时间去日本食嘅可以系香港食住先🤣…查看更多

就算订好位，都要系门外排队区等位，等候时间唔长，好快就安排我地去选餐区选餐，入座后店员会先讲解一下，全程好贴心👍。挽肉只有一个套餐其他都系散叫，套餐包括现烤牛肉汉堡扒三件、免费任添嘅白饭、味噌汤、鸡蛋一只。建议食之前先就咁食一啖白饭先，日本米果然唔同啲，好香口🍚。汉堡扒会分段上，每次食完先会上另一件，确保每件热辣辣，汉堡扒肉质好juicy，又够厚实啖啖肉，我比较喜欢连同萝卜蓉和自家制柚子汁配搭嚟食，清新得黎又唔腻。最可惜系最后一件汉堡扒烧耐左，炭烧位置比较苦，有啲失望😕。免治牛肉薯仔沙律：细细份，好绵🥔。味噌青椒：系10月的期间限定，话系日本人气食法，原片新鲜青椒夹著汉堡扒与味噌一口咬下，系清新嘅，但冇咩特别吸引，感觉一般。生姜梳打：店员推荐话系自家制，姜味浓，几解腻🍹。…查看更多

一个星期前喺网站订咗位，所以一到尖沙咀挽肉と米就唔使排队，轻松入座。餐厅主打日式汉堡扒饭，环境简约舒适，装潢走现代风，座位宽敞，令人感觉放松。服务方面，店员态度亲切，对第一次来嘅客人会细心讲解餐点，令人感觉好贴心。今次试咗汉堡扒饭套餐，包三块汉堡扒、一碗味噌汤，白饭仲可以任装！汉堡肉煎得香口又多肉汁，配上来自日本嘅白饭，味道一流，食落好满足。整体食材新鲜，味道唔错，加上舒适环境同高质服务，绝对系一间值得推荐嘅日式餐厅，未试过嘅朋友可以一试！…查看更多

去咗海港城嘅挽肉と米，作为金会员真系好处多多，一早book位唔使喺门口排队，准时到即刻入座，方便到爆！入到去侍应好细心，会介绍食法同步骤，例如攞鸡蛋、进食次序，甚至推荐唔同做法，仲有上肉时再讲解点样食得最好，服务贴心到飞起！👍 店内环境同日本分店差唔多，设计简约时尚，两个炭炉最抢眼，听闻店主为符合消防条例花咗心机保留呢特色，气氛热闹又有型。今次试咗招牌汉堡扒，肉质juicy到爆，煎得香脆外嫩内，配鸡蛋同米饭，味道层次丰富。一般人食三至四件已经够饱，份量实惠！🍳🍚 价钱方面，148蚊就可享用一餐，性价比超高，捧腹而归绝对值回票价！💰总之，挽肉と米系肉食爱好者嘅天堂，服务好、食物正，强烈推荐一试！⭐️⭐️⭐️⭐️⭐️…查看更多

今次第二次过嚟食，因为朋友未食过，就陪朋友再嚟试吓。第一次印象好好，肉质好鲜嫩，有惊喜的。但系唔知系咪第二次食嘅关系，感觉水准差咗少少，件汉堡扒好似冇之前咁Juicy咁。套餐每人包三件汉堡扒，一只生鸡蛋，厨师会分开三次上，见你食完一旧，就会立即上第二旧俾你。都要赞赏厨师嘅眼力。面对着个火炉，都系有啲特色。不过食过一次之后，第二次确实冇乜新鲜感。因为有会员可以订位可以试吓。如果要排队，就一定不会黎。…查看更多