撻QC＋煮

营业中

休息中

呢間私房菜已成功成為私竇👍 CP值太高燉湯冇影，但記得係有青橄欖同埋石斛，落好順口好舒服，老闆娘有排毒同清熱嘅效果。三小碟一d都唔小碟中間個脆片好惹味又超大塊烤麩同蕃茄仔都好食呢碟係馬友立鱗燒呢個冇得輸完全理解唔到廚師，點解可以整到啲每一片鱗都係咁香脆！魚生肉質都好鮮甜麻辣廣島蠔雞煲啲蠔大大隻原來配麻辣醬係咁好食雞煲好惹味羅氏蝦脆米香濃嘅配上粒粒嘅脆米好好食青檸鑽石啫喱底層嘅士多啤梨醬應該係老細自己打嘅唔係好甜，酸酸甜甜清甜解滯的甜品

行過九龍城見到間舖頭名好得意，以為佢撻Q嘅意思係有機會唔好食，試過兩次午餐一次晚餐完全冇撻Q，食得出廚師好有心創造食物，價錢合宜材料不錯，正所謂性價比高，燉湯一流，食完唔口渴，應該冇味精，非常適合我這些無飯主婦，媲美私房菜，值得返轉頭。雖然舖頭裝修一般，但衛生都幾好，有伯爵茶飲自助的，晚餐嗰隻雞好好味，個汁好特別，隻雞好滑，我唔記得叫咩名，好食到唔記得影相，咕嚕肉皮脆肉嫩菠蘿有燒過好甜，牛肉好味道又夠腍，海鮮雜菜配合好好味。午餐食豬軟骨啲骨真係好軟熟，不禁食晒成碟豬軟骨調得好好味。

咕嚕肉好有驚喜⋯⋯，真係好好味！慢煮牛仔骨，又係食到嘩嘩聲！燉湯，絕無味精，好飲！炸蜜瓜奶好味，有點像炸鮮奶蒸魚，只看擺碟⋯⋯，已經賞心樂事至於價錢，好親民，又好食，撻Q值得推介

食物味道可以，但吃了肚子不適。之前吃過下午茶，西多士炸得幾好味。昨天，再次光顧午餐，味道尚算不錯，可惜吃完肚子痛肚屙，不知吃錯什麼，是湯，小吃，還是杯凍飲。希望店舖注意食物材料衛生，作妥善處理及放置。

今日同朋友經過九龍城，本來想食泰國菜，但後來改變主意想食中菜，臨時想搵一間好食嘅小菜幫襯，咁啱有位朋友介紹呢間小店，即刻Walk in，店內人數不多，證明而家消費市道真係好差！經過店員一番介紹，我哋點咗幾個小菜，叫咗個咕嚕肉、滑蛋炒牛肉、同一個慢煮燒雞。好快就嚟咗啲餸菜，咕嚕肉係唔錯嘅，而且亦都有燒菠蘿，啲菠蘿係新鮮菠蘿，而且除咗好味之外，個擺盤都好靚！唔錯唔錯！之後就係個滑蛋炒牛肉，個蛋係炒到啱啱好，啲牛肉亦都好嫩滑，調味都好適中！之後就係個慢煮燒雞，啲雞好嫩滑，佢有個泰式醬汁俾我，但係我覺得隻雞已經好夠味，完全唔需要燒汁，整體真係唔錯！而且價錢亦都好相宜！性價比好高！呢種小店真係難能可貴，希望大家幫襯一下！支持香港飲食業！

招待多年沒有回港的VIP朋友吃飯當然花點心思讓他們可以品嚐美食位於九龍城”撻Q+C煮”是不二之選是再次到訪請廚師發辦的私房菜單這次廚師發板的私房菜單🗒️每道菜上枱時都滿有驚喜😍每道菜的色、香、味、美😋嘩聲連連、好味之聲不絕😍感謝廚師阿達為我們精心設計的菜單：黨參瑤柱螺頭燉竹絲雞 （靚料燉湯）黑魚籽素鵝（清淡前菜作開場）脆紅炸蟹蚶（改良版荔枝蝦球）xo醬帶子炒素丁（刺身帶子非常美味）魚米之鄉（新鮮沙巴龍躉魚湯脆米）仙鶴神針（BB鴿去骨釀素翅及鮑魚炆煮）金湯浸時蔬（南瓜高湯燴蒿芛絲）鮮果牛角窩夫（脆脆甜點作結束）欣賞小店廚師對中式料理的熱情👍🏻

在朋友推介下初訪新開小店食私房菜（必須預訂），菜單如下：1）黑魚子素鵝2）酥炸廣島蠔3）心裡美瑤柱寶4）花膠螺頭瑤柱日月魚燉雞湯5）盤龍星斑6）韭黃草菇炒黃鱔7）羊肚菌脆米飯8）牛角飽窩夫8道菜，除了魚類菜式都是每位一份。燉湯用料足而不油膩，全枱人都飲到一滴不剩。心裡美瑤柱寶是將尋常節瓜瑤柱甫的節瓜環換成紅心蘿蔔（又名心裡美），蘿蔔清甜無渣，比節瓜來得精緻。盤龍星斑啖啖魚肉不用啃骨，草菇炒黃鱔用的是新鮮草菇。壓軸的羊肚菌脆米飯本來已飽到吃不下，但酸甜脆口的米飯非常開胃，邊叫飽邊食完，絕對是點睛之作。九龍城競爭激烈，希望小店靠口碑闖出一片天。

其實呢間店係B2出口，而非Openrice寫既D出口，害到我朋友行左個大運🤣再訪九龍城 撻QC+煮 🤓 今次一早同大廚order定想食既菜式😎 🍲螺͙⃰頭͙⃰爵͙⃰士͙⃰燉͙⃰湯͙⃰🍲呢間既燉湯不嬲都超正超鮮甜！而呢個咁足料既爵士湯，裡面個蜜瓜真係將湯既鮮甜再加多個層次。好掛住🫶🏻🐓話͙⃰梅͙⃰醉͙⃰翁͙⃰雞͙⃰🐓本身雞已經嫩滑，皮又爽口，加埋咁濃既獨軟話梅醉雞汁，好快連粒車厘茄都清埋。而呢個係要預早訂既菜式。🐟魚͙⃰米͙⃰之͙⃰鄉͙⃰🐟呢個魚湯脆米，我老公上年食完係屋企試整過幾次，由於家中油溫始終唔夠，所以脆米唔夠乾身，魚湯淋落去時亦小左「炸炸」聲。今次預早訂定，繼續享受視覺、聽覺同味覺既快感🏄🏻‍♀️🍈京͙⃰都͙⃰骨͙⃰拼͙⃰蜜͙⃰瓜͙⃰脆͙⃰奶͙⃰🍈呢個炸蜜瓜其實每一件真係太少囉！又估唔到用炸鮮奶做法換左蜜瓜原來咁夾，係蜜瓜本身香濃既果甜，炸熱後口感變成Creamy，再加埋卜卜脆外皮，唔該要再黎多3件先滿足到🥹 京都骨炸得酥香，甜甜地👍🥦紅͙⃰蔥͙⃰醬͙⃰炒͙⃰福͙⃰花͙⃰🥦呢個配搭實好食啦！🥐酥脆牛角酥、紅棗雪耳糖水🥐糖水係好食既，但個夾扁左既牛角酥太出色，米師傅立即食左一半，我影都影唔切。如果個酥加埋球雪糕就太完美喇🌈

今晚老公生日 他從未試過食私房菜 呢間之前係觀塘做到會 有試過好好味 知道佢新開咗餐廳做埋私房菜 今晚就一於去試試， 環境舒適 服務態度友善 提供自家製飲品 食物方面 款式吸引 才料夠新鮮 份量足夠 每道菜式都好靚， 價錢合理， 朋友們都給讚。

今晚去左間好好好好食既餐廳！完全感受到大廚用心做到每個菜式，真係好高汁👍先黎個燉湯！Menu冇寫係咩燉湯，但事頭婆話好好飲，就叫住一碗先啦～ 點知黎到一打開！香到不得了！ 兩隻羊肚菌、又金華火腿... 未飲已經要叫多碗！跟住來個招牌紅酒燉一字骨🥩 又係好香好香，牛慢煮後好冧好入味，拌飯真係好一流👍 而家諗起都好想再食🤤香煎三刀魚🐟 未食過呢隻魚，原來唔點汁都好好食架喎👍 肉又好嫩👍 最驚喜係個擺盤，好有動感芥末八爪魚炒翠肉瓜，原來呢個配搭都幾好食👍 但食完牛同魚，呢個比下去左添🙈客人飲既唔係水，而係不同口味既特飲。今日係雪梨茶，初時好驚好鬼甜😆 但原來佢加左茶底，係會令人唔覺意係咁飲嗰種。今晚食完超級大滿足🌋 已經再幾朋友過幾日試其他菜式😍😍😍

第二次光顧，在週日下午，說實話人流唔多，始終是新店，需要累積多點口碑，由到會轉戰地鋪開餐廳，出品依舊冇得輸，自助免費小食吧有汁煮茄子、酥炸雙皮奶，自助免費飲品更有消暑冬瓜茶、清新玫瑰花茶特飲，雖是免費，小食飲品皆美味可口。假日主食餐單有九種選擇，我選上推介板燒雞，香氣撲鼻，外皮香脆但肉質仍嫩滑多汁！另一道菜式西班牙海鮮燉飯更是一絕！燉飯盡吸海鮮鮮味，海鮮選材也很上乘，貝殼類海鮮煮得啱啱熟，實是誠意之作！汁燒牛柳粒也精彩，牛柳又稔又香，汁煮更好好味！最後甜品蘋果奶酥新鮮出爐好好食，大滿足！