影片
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
相关文章
好耐冇食刀削面，经过湾仔集成附近见到，下午茶时段唔算多人，环境好舒服，下午茶套餐真系好抵食，可以拣一款面仲有豆浆或者冰茶！猪软骨刀削面：本身想拣猪手，卖晒转猪软骨，但系都好好食，煮到好淋，而且好入味！30几蚊一碗面，谂住下午茶应该唔会好大碗，点知份量都好多😂刀削面食落去好弹牙和好烟靭！而且汤底饮落去有啲唔同，有种鲜甜的味道！呢碗真是下午茶平靓正之选！ 上海云吞年糕：云吞大大粒，用咗菜肉去包，食落去好香，而且好新鲜！平时有时食开炒年糕，但系汤年糕有另外一种感觉，年糕好弹牙，一啖汤一啖年糕好滋味，另外配料加左粟米！卤水鸡翼：$40有六只，我平时好钟意食卤水鸡翼，又系好入味！酥炸云吞：好香口的小食之一，炸到好松脆，平时通常点甜酸酱，但系点千岛酱仲好食😍
继续阅读
好耐冇食过依间山西刀削面😍😍 每次lunch路过想食都好鬼多人，刀削面新鲜制作，即叫即削，口感烟韧，麻辣鱼腐我系每次必点😝 佢个自家制麻辣汁真系超级惹味！😋
继续阅读
呢间俾HOY介绍过嘅刀削面，查实我经过过几次，但佢门面真系有啲欠亮点，几次都系行过咗先后知后觉原来系面店......都可能系店位同门口大细问题，同行过几步𠮶间面舖差很远。叫咗碗好Basic嘅四川担担刀削面，送冻豆浆，48元，算OK价格。汤头本身几清甜，可多饮几淡。担担面酱就失望嘞，冇乜味，偏甜，肉碎唔够香，花生味都唔浓，唔知算系咩流派嘅担担？面条本身唔错，偏修身嘅刀削面，削法应该系好阴柔，所以面边起皱唔多；面身中间几有厚度，食到底都Keep住烟韧，个人认为算系上乘嘅刀削面。我食到一半开始𢳂大量辣椒油拌面嚟食，即刻有啲食「哨子面」嘅感觉，爽辣。都话咗食面唔食辣真系少好多乐趣。未至于一食难忘，但算系几有质嘅传统面食，可以番兜，下次要试一两款小食。
继续阅读
不时都会帮衬这间刀削面，不过它有个缺点：太大碗，经常食唔晒。面条由师傅每日手工削制，厚薄分明，口感扎实且不黏牙，越嚼越香，展现正宗山西风味。汤底以鸡和粟米熬制，清甜自然，令人回味。餐点选择丰富，如上海云吞刀削面、猪软骨拉面等，份量十足，性价比高。酥炸云吞外脆内嫩，是不错的小食之选。整体来说，无论是味道或制作细节都见心思，值得一试。上海云吞刀削面加生菜（$58）猪软骨热伴拉面（$65）酥炸云吞（$40）
继续阅读
香港比较少地方食到即制/削刀削面，最近聼朋友介绍呢间【拾味山西刀削面馆】系即叫即削，所以就去左试下啦。蒜泥牛展刀削面：师傅即场刀削嘅面条真系无得顶！厚薄不一嘅手工面片口感超烟韧，挂汤力一流。卤牛展软淋入味，蒜泥酱香浓带微辣，配埋热辣辣既清汤底，每一啖都系浓郁蒜香同肉香嘅完美结合～拾味冷刀削面配牛肉丝：夏天必食！冰镇过嘅刀削面更加爽口弹牙，捞埋秘制酱汁（有D似沙律酱加左辣），酸辣开胃。牛肉丝咸香有咬口，加埋青瓜丝同粟米，清爽得嚟又有层次，越食越过瘾！凉拌海带：爽脆海带丝加入蒜蓉、辣椒同特调酱汁，酸辣爽口又解腻，做开胃小食或者配主食都一流～呢间山西刀削面专门店由手工面条到调味都真材实料！分量超级无敌大、热汤面浓郁饱肚、冷面酸辣醒胃，再加埋地道小菜，完美演绎北方面食嘅精髓。钟意烟韧口感嘅朋友一定要试！
继续阅读
您可能会有兴趣的...