扒王之王Plus

今日同朋友去咗扒王之王Plus食lunch，试咗佢哋嘅铁板牛扒同小食，简单同大家分享下：🥩 铁板美国A级肉眼牛扒牛扒份量确实够大块，铁板上枱仲滋滋声。肉质算系正常水平，以呢个价钱来讲都算合理。配埋黑椒汁同铁板杂菜，整体够饱肚。🥗 沙律 & 汤跟餐有沙律同汤，汤系自助形式，不过限每人一碗，味道正常。🍗 炸鸡翼6只 ($18)$18有6只鸡翼真系几抵食，炸得香脆，味道唔错，系几好嘅小食选择。整体来讲，食物水准还好，但胜在份量够大，价钱合理。如果想平平地食个大份牛扒，呢度都系一个选择。环境同服务都系一般连锁餐厅水平，适合想简单食个饭嘅时候去。…查看更多

以前个位既校长烧肉去过其实几好食，款多食物唔差，而家转返扒王之王去食下，有钢琴个装修都唔错完全唔似我小时候印象既扒王。罗宋汤无味好水，个包好硬唔够软，叫左个肉眼扒同牛板键都唔错，好食过铜锣湾花园餐厅同楼下间莎乐美。叫左碟$18鸡翼，真系平到笑，正常气炸锅鸡翼味，不过$3只仲想点另外有碟$24两只焗壕，一般般，黎扒王之王都系食返扒唔好博😅总括而言，想食扒下次都会再黎，个环境又大又干净有气氛，赞！…查看更多

扒王之王系儿时美好回忆，所以咁岩经过就试下。上到黎间餐厅好大，位都阔落，环境系舒适既。见餐牌都多选择，价钱亦好亲民（过份亲民？），见有个杂扒餐（好似系猪同鸡）系$37虽然系有加一，但系都好平。我一心想食牛肉，所以就叫左$68 既铁板洋葱牛柳粒跟烧汁。另外可以自己拎汤，红汤白汤自己拎。上餐都好快，未饮完汤就到齐。卖相其实系几好架，好欣赏佢咁多菜，有意粉，牛肉粒都好多，$68系抵食。可惜，一食落口。。。劲咸，然后慢慢食到好唔新鲜既味道。一啖牛肉要食返意粉中和返个咸味，直到食左一半，终于顶唔顺，身体同自己讲唔可以再食。平时唔系咁好食都会尽量食晒，未试过食到一个点系身体唔想再食，今次试到了。我唔知其他肉会唔会都系咁，但系我应该唔会再食下次。…查看更多

知道荃湾开返扒王之王，今日下午茶时段就去试下。一个公司三文治餐一个牛板腱七成熟set味道嚟讲，如果啲黑椒汁可以再浓啲就好，淋汁时个喳一声唔系好够🤣跟餐嘅餐汤原来系自助嘅，一人一份，汤水处写到明如果装多几次要另计，提示字体都好大。啱好忌廉蘑菇汤同红汤都新鲜refill咗，试下，味道都够～我钟意罗宋汤多啲。…查看更多

荃湾分店非常大，装修亦非常舒服，行西式餐厅加酒吧的路线。已经黎过几次，午餐、下午茶、晚餐menu 都非常多选择，呢个经济环境下价钱都非常宜人，自己煮的成本都分分钟仲高。既然坐得舒适，店面干净又大，得闲同老公黎锯下扒回味下细个的回忆，都几开心。扒餐有多款牛、猪、鸡、鱼可选择，包餐包、汤、饮品，可配饭／薯菜／意粉，加20几蚊已经可以有红白酒、啤酒，性价比高！留意返薯菜呢度行bar food style，系另上的幼身薯条，唔系港式扒餐个种系铁板上，粗身，淋晒汁的薯条。下午茶怕扒餐太heavy，仲有焗饭、意粉同中式炒粉面，抵过茶餐厅。…查看更多